در مدح حضرت فاطمه (سلام الله)
در مدح حضرت فاطمه (سلام الله)
عالم صدفدور فاطمه گوهری
گیتی عرَض دور فاطمه جوهری
شکر الاها بیرده مزین الوب
زهرا آدیلان شعریمین دفتری
حقی ادا الماز ستایش ادم
عمروم بویی بو الاها مظهری
نسلیندن الدی ان بیر عیسا عیان
زهرادی برج عصمتین اختری
الله مخاطب ایلیوب عرشیده
معراج ائدن ساعتده پیغمبری
امر ایلیوب خلق اتمه سیدیم سنی
خلق ایله مزدیم هچ بو بحر و بری
بیهوده دور اقطار عالم اگر
سن الماسان بو خلقتین محوری
اما سنی خلق ایله مزدیم اگر
خلق اتمه سیدیم ساقی کوثری
سنلن علی خلق الدوز عالمده چون
خلق اتمیشم صدیقه اطهری
هچ کسده المازدی لیاقت اده
زهرا کیمین شخصیته همسری
بو امره لایق بیلدی الله فقط
دنیاده مثلی المیان حیدری
ام ابیها سسلیردی اونی
ختم رسالت انبیا سروری
حتی الیندنده اوپردی عیان
اظهار ادردی الفتین هر زمان
اما الیکی تر ک ادیب امتین
سندردی امت الفتین حرمتین
الدوردولر ظلمیله ملعونیلر
ختم نبوت قلبینون بهجتین
مظلومه زهرا نون شهادت غمی
الدی امیرالمؤمنینه چتین
گیزلین مزارینده آقا اگلشوب
هردم سالاردی یادینه محنتین
سسلردی آی سیلی دین وقتیدن
اوز همسریندن گیزلدن صورتین
بو نیسگیله یاندم یاناندا قاپم
حیدر اوینده الماز امنیتین
تاپشرمامیشدی ختم مرسل مگر
بو امته قرآنیلن عترتی
امت غدیر خم دا پیغمبرین
یاددان چخاردب گور نجه صحبتین
بو بکر الوب اسلامه رهبر بو گون
پامال ادور پیغمبرین زحمتین
دین مسندین دنیایه خاطر آلوب
اسلامین ارزان ایلیور قیمتین
دین مسندینده اگلشن شاه گرک
اجرا اده پیغمبرین سنتین
ملعونه ایندی بیر دین یوخ اگر
اسلامه رهبرسن هانی عصمتین
ظالیمدن ایلولر حمایت بو گون
دین الدی اسباب جنایت بوگون
آل عبایه ایلینلر جفا
تقوی حریریندن گیوبلر عبا
قولارما قوت گلردی منی
هر جنگیده سن ایلینده دعا
باغلاندی خیبر فتح ادن الریم
الله ورن فرمانه الدوم رضا
ترک ایلین گوندن بو دنیانی سن
الدی منه غمخانه دار فنا
المادی یاسینده دین تسلیتت
دوتدوم یتیم اوشاغلارنلان عزا
قالدی غمینده دائم آغلار گزوم
واردور یری گتسین گزومدن زیا
سنسیزلیگه دوزمک چتیندور چتین
ایستر الوم سندن سورا مرتضی
اندا کی دوردون بستریندن ددیم
شکر السون اللها آلوبسان شفا
اما ندن بیرده دولاندی حالون
بیرده منی اتدون غمه مبتلاا
مسماریلن مجروح اولان سینوه
شهد شهادتلن آلوبسان دوا
قویماز دالا حق جبهه سیندن قدم
گلسه علینین باشینه هربلا
ایراد ادن وقته فدک خطبه سین
اتدون سقیفه فتنه سین برملا
خلقه عیان الدی فدک غاصبی
بو امره واقف الدی حق طالبی
بیر کس الوب اسلامه ایندی امام
قویمور هچ انسان حقینه احترام
رحم ایله مور پیغمبر اولادینه
خلاق رحماندان وورور دم مدام
بو امره آگه سن کی منده گرک
دین نشرینه خاطر اولا اهتمام
حفظ اتمگه پیغمبرین سنتین
یوخدور الیمده اختیارات تام
اتمه گله گورسون ابابکریلن
یاکی عمرلن الموشام همکلام
هرچند ادیبلر عرصه دن بر کنار
تدبیریمه وابسته دور بو نظام
جبرأ گرک شورا ورم ظالمه
تا دینین ارکانینده السون دوام
شور اتمگه اکراهیم السا اگر
نابود ادر اسلامی قوم ظلام
سن کی منی ترک ایلدون من ولی
یاد ایلورم هردم سنی صبح وشام
بو نیسگیله آغلار گزوم امیزی
یاندرماقااتمیشدیلر ازدحام
بو غم چتیندور حیدره هر نه دن
بیر گل کیمین عمرون تز الدی خزان
یوخ کوفه ده بیر باغری قان من کیمین
کاش دینجلیدیم دنیادان سن کیمین
شاعر : حسنعلی بالایی
منبع : کانال اشعار حسنعلی بالایی
نوحه واشعاری درموردشهدا و اسرای کربلا