سردار قوی صولت-زینبیم کوفه لیلر - الیمین اوستونده- بو بلاکش عمه- سالسالار سو صحبتین
احوالات حضرت ابوالفضل (ع) – رجز – جوشی
«آهنگ یاران چه غریبانه»
سردار قوی صولت عباسه سلام اولسون
صاحب علم نصرت عباسه سلام اولسون2
آئینۀ رحمانی سیمای دل آراسی
سرمایۀ جاویدان انگیزۀسوداسی
هر مشکله درماندی انفاس مسیحاسی
تمثیل دو ابروسی شمشیر دو پهناسی
زیبا و رسا قامت عباسه سلام اولسون2
آزدور نقدر یازسام ایمان و یقینیندن
نور ازلی ساطع پهنــای جبینیـنـدن
تحقیر اولونار داغلار رفتار متینیندن
ویردی ایکی قول بیر گوز حافظ اولا دینیندن
سر لوحۀ حریت عباسه سلام اولسون2
یرده دولانور امّا سیمرغ قوی پردی
میدان شجاعتده اولمازدی هماوردی
شمشیری چکن ساعت لشکر دیدی حیدردی
میداندا دلاوردی اما بیزه دلبر دی
بیز دن اوقدر قدرت عباسه سلام اولسون2
عاجزدی اونون بحثین وصف ایلیه ناطق لر
درک ایلیه بیلمز لر احساسینی وامق لر
زیبا ئوزینه عاشق صحراده شقایق لر
قانلی گوزینه قربان قاره گین عاشق لر
خورشیدو قمر طلعت عباسه سلام اولسون2
شاه شهدا گوردی قارداشینی میداندا
باشدان باشا گل جسمی غرقیدی قیزل قاندا
دین کشتی سی سینموشدی سر پنجۀ طوفاندا
بیر دن دیدی جان قارداش جان قالمادی جانیندا
خوش صورت و خوش سیرت عباسه سلام اولسون2
قویما منی قارداشسیز ای مرد جدل یاتما
گوزلر سنی قیزلاریم اخیامیوه گل یاتما
سیندیر ما منی قارداش دشمن چالور ال یاتما
اون دورت گیجه لیک آیدان سیماسی گوزل یاتما
آیدان یوزی خوش رویت عباسه سلام اولسون2
کیم گورسه یاتوب قولسوز میدانیده قارداشی
گوزدن توکولر نم نم مشکون کیمی گوز یاشی
بیر بوسیه یولداش تک میهمان ایله گوز یاشی
سر نیزه ده کیم گورسه بو پارچالانان باشی
سسلر دیر ای امّت عباسه سلام اولسون2
حیدر کیمی برق آسا پیکاریوه قربانم
حق اوسته پسندیده ایثاریوه قربانم
قانه بویانان گول تک رخساریوه قربانم
قیز لاریمون امیدی قوللاریوه قربانم
خوشدور دیسه حریت عباسه سلام اولسون2
شهادت حضرت علی اصغر(ع)
اهنگ کربلا منتظر ماست بیا تا برویم
زینبیم کوفه لیلر حالیمیزی یوخلادیلار
صود امر اوغلومی میداندا سوسوز اوخلادیلار
گل آپار یاره سینی باغلا باجی
آنالار تک بالا ما آغلا باجی
علی اکبر کیمی بیر دسته قیزیل گولدی بالام
گر چه قانه بویانوبدی گینه خوشگلدی بالام
گوردی حالیم پوزولوبدی گولوشور کوفه لیلر
قهرمانلار کیمی بیر باخدی اوخا گولدی بالام
گل آپار یاره سینی باغلا باجی
آنالار تک بالا ما آغلا باجی
گوزلرین آچدی دیدی اولما پریشان باباجان
یارالی اصغرون اولسون سنه قربان بابا جان
گوزوین یاشینی سیل غیرتیم ئولدوردی منی
بئلوی اگمه آماندی سنی قربان بابا جان
حرمله بیلمدی اصغر نجه کویچک بالادی
گوزلری اکبریمون گوزلرین مثلی آلادی
ایله کی اوخ بوغازین بیچدی باش آخدی دالیا
ئورگیم باشینی یاندیردی دوداقین یالادی
گل آپار یاره سینی باغلا باجی
آنالار تک بالا ما آغلا باجی
یولما قا زلفوی قیزلاره دی آماده اولون
باغلامیدی آناسی کاش باجی قنداقه قولون
ساچیوی آل الووه ایسته ئولوم قارداشیوا
ایستوردی چیخا جان اوخ ولی کسمیشدی یولون
گل آپار یاره سینی باغلا باجی
آنالار تک بالا ما آغلا باجی
دیدیم اوغلوم یری وار آتش هجرونده یانیم
گولون اولسا بو آخان قانیوه منده بو یانیم
گوزیوی یوم یوخو سوز سان یوخی گلسون گوزیوه
باشیوی قوی سینمه یات باشوا من دولانیم
گل آپار یاره سینی باغلا باجی
آنالار تک بالا ما آغلا باجی
آناسین رام ایله چوخ سینه سینی داغلاماسین
دایانوب گوز گوزه لشکر اوجادان آغلاماسین
بلینده آنالار قونداقا دیلسیز اوشاقی
آنا ایکاش بالانون اللرینی باغلاماسون
گل آپار یاره سینی باغلا باجی
آنالار تک بالا ما آغلا باجی
شهادت حضرت علی اصغر (ع) نوحه - جوشی
آهنگ سه پنج روز که بوی گل نیومد
الیمین اوستونده بالام قانه باتدی
گل آل مندن زینب سوسوز طرلانی
بویانوبدور قانه گور چینلر مثلی
ربابون ششماهه گوزل جیرانی
آناسیندان آلدیم آپاردیم میدانه
دیدیم ای انسانلار بالام عطشاندی
گله بنذر اوغلوم سارالوبدی رنگی
سوسوزدی اوچ گوندی عطشدن یاندی
سوزومی آغزیمدا سه پر پیکان قویدی
بوغازیندا دگدی آیوردی باشین
ایله بیلدیم زینب ابوالفضلین بیرده
منیم ئوز یانیمده گوزی اوخلاندی
قوجاقیمدا باشین اوّل دوتدوم آرام
صورا محکم اوخدان یاپیشدیم زینب
بوغازیندان چکدیم سه شعبه پیکانی
یاراسیندان ئوپدوم آلیشدیم زینب
گوزین آچدی گولدی دیدی غمگین اولما
سنه قربان بابا یارالی اوغلون
ایله بیل کوسمیشدی ربابون جیرانی
دوداقیندان ئوپدوم باریشدیم زینب
بو غمی داشلاردا یازاردیم صحراده
الیمده میداندا قلم اولسیدی
الیمون اوستوندن آلاردی زینب جان
بو اوخلی قربان ننم اولسیدی
گزورم آواره ئولوبدی قارداشیم
گولور دشمن نیلوم علاجیم یوخدی
بو چتین ساعتده منی تک قویمازدی
اگر الان صاحب علم اولسایدی
بلگینده اسدی دگنده اوچ بیر اوخ
نجه گلشنلرده اسر ریحانلار
ایله بیلدیم یرده کسوبلر قربانلیق
مناده حاجیلر کسر قربانلار
بو قوزی قربانی قوجاقیمده امّا
سوسوز کسدی دشمن چراغیم سوندی
یری وار بو غمدن توکه گوزدن قان یاش
دیه لای لای اصغر سوسوز جیرانلار
ایله کی گوز یومدی دیدیم لای لای اوغلوم
باجون گوزلور الان یوبانسون آغلار
یاره وی آهسته آچار باشدان معجر
دیر لای لای اصغر رقیم باغلار
ئورگیمدن اما دگوبدی بیر یاره
تاپولماز درمانی یارام باغلانماز
بو یارالی قلبین باجیم محمللرده
دیر یاندیم قارداش عزاسین ساخلار
وفات حضرت رقیه (ع) در خرابۀ شام
بو بلاکش عمه سینون مارالی رقیه لای لای
بدنی کبود ایاقی یارالی رقیه لای لای
بو خرابه ده آیردون نیه سن منی اوزوندن
دویا بیلمدیم رقیه او شیرین شیرین سوزوندن
گوزون آچ یورولموش آهو بیر اوپوم قرا گوزوندن
سنی اوپدوگیجه دردیم آزالی رقیه لای لای2
بالا بو سولان جمالون آنامون یوزینه بنزر
بو گوزل گوزون رقیه آنامون گوزینه بنزر
دیسون الده اولموشم من آنامون سوزینه بنذر
یوزی نیلی ای آنام تک یارالی رقیه لای لای2
اورگیم غمی داشوبدور بو ایوی خرابی دیندیر
گوزون آچ رقیه بیر ده بو آدامسیزی سوویندیر
منی سسله بیر ده عمه سنه منده دیوم جان بیر
ولی داغدیده باشی قارالی رقیه لای لای2
کیمه شامیده دیوم من یورولان رقیّم اولدی
بالا جا باشینا قمچی وریلان رقیم اولدی
بو خرابه ده آجندان سارالان رقیم اولدی
آج ئولن قیزین جمالی سارالی رقیه لای لای2
نه بلایه دوشموشوک بیز بورا بیر گلن تاپلمور
بالام ئولدی غربت ایلده بالاما کفن تاپولمور
سیزه بیر ویرون تسلی اونا قبر کن تاپولمور
کفنون قرا گونون تک قارالی رقیه لای لای2
منه ایلیوبدی دشمن نچه یرده چوخ شمادت
هامی بیر بلایه دوشدوم ایلدیم عنان شهامت
ولی سن منی حسیندن بالا ایلدون خجالت
دیوم اولدی غربت ایلده هارالی رقیه لای لای2
دور ایاقه توزلی زلفه ورا بیرده شانه زینب
نیه دورموسان نه چاره ایده یانه یانه زینب
کوسوب عمه دن رقیم گیده بس هایانه زینب
وطنیندن اکبریندن آرالی رقیه لای لای2
بو بلاکش حسینیم سنی تاپشوروب امانت
قوجاقمدا کربلایه آپارام سنی سلامت
بالا کربلایه سنسیز گیدورم نیجه خجالت
نجه من دیوم ایتردیم مارالی رقیه لای لای2
گوزون اوخشیار رقیه ایله اکبرین گوزینه
ایله بنزیور بو قاره گوزون اصغرون گوزینه
نجه من قویوم الیمی گوله بنذرون گوزینه
نه لحافی بستری وار نه شالی رقیه لای لای 2
خبر آلسا مندن اکبر بو باشیمدا معجر آغلار
دیمیرم آجیندان ئولدی دیسم اوندا اکبر آغلار
گوره قیزلار ایچره یوخسان گوزی یولدا اصغر آغلار
دیر ای باجیلاریمدان آرالی رقیه لای لای2
نوحۀ شب تاسوعا و بسته شدن آب فرات در کربلا
سالسالار سو صحبتین عبّاسه آغلار گوزلریم
یاد ایدر شخصیتین عبّاسه آغلار گوزلریم2
کربلا دشتینده سالدی غلغله سو صحبتین
خیمه گاهه باغلاناندا سو چوخلادی قیمتی
الدوره سوز عطش آز قالدی آل عصمتی
یاد ایدور اول ساعتین عباسه آغلار گوزلریم2
باغبان سو ویر مسه واضحدی که گوللر صولار
حالتین الدن ویرر گلزار و گلشن خشک اولار
اولماسا سو باغبانین قلبینه محنت دولار
شرح قیلّام علتین عباسه آغلار گوزلریم2
ساقی لب تشنه گان باخدی سارالمیش گوللره
بوش قالوبدی مشگیلر گلدی گران سو لشگره
آدی سقّادی ولی تاپمور سو دلسیز اصغره
قیل تصوّر غیرتین عباسه آغلار گوزلریم2
بعضیسی ایلور سوسوزدان خیمه لر سمتینده غش
بعضیسی سسلور منی یاندوردی بو سوز عطش
چاره تاپمور قیز لارا آغلور ولی او ماه وش
درک ایدنده رقّتین عباسه آغلار گوزلریم2
ایوای عباسین آدی سقادی سقاده سو یوخ
بو سمت کرب و بلا سردارینی آغلاتدی چوخ
العطش صوتی اونون قلبی دولوبدور مثل اوخ
آلدی صبر و طاقتین عباسه آغلار گوزلریم2
کیم گورور عباسی تز تز لبلرینده سو دیور
آز قالور ئولسون سوسوزدان بیر سوری آهو دیور
قیز لارین آخمیش گوزی اولدوز کیمی سوسو دیور
غم ساراتمیش صورتین عباسه آغلار گوزلریم2
آلدی آخرده اجازه گتدی میدانه طرف
سو گتورسون بلکه ده بیر مشک طفلانه طرف
ویردی شمشیرین اوزون قول قوم عدوانه طرف
گورسدوبدور صورتین عباسه آغلار گوزلریم2
تا آلوب دریانی مشکین دولدورا سالدی سووا
ایستدی گرد غمین بیر لحظه قلبیندن یووا
یعنی ایچسین بیر قدر تاپسین رسا قدی قوا
دوندروب دور نیّتین عباسه آغلار گوزلریم2
آتدی دریایه سوئی غیرتدن مّا ایچمدی
مرحبا سقّای نام آور وفادن کیچمدی
نفسینی عطشان قالان قیزلاردان اوندا سئچمدی
ساخلادی عشق حرمتین عباسه آغلار گوزلریم2
نوحه واشعاری درموردشهدا و اسرای کربلا