احوالات جناب حر ابن ریاحی

احوالات جناب حر ابن ریاحی 

کربلاده حرّ ایدوب ثابت مقام عشقنی

اشگیله تپراقدا یازدی توبه‌نون سرمشقنی

ایلمیشدی بیر اوزون مدّت خداونده گناه

عقلنه ایتدی رجوع گوردی ایدوبدور اشتباه

ایتمسه توبه اولار محشر گونینده روسیاه

اشگیله توپراقدا یازدی توبه‌نون سرمشقنی

عقلی ایلردی ملامت نفس شومین متصل

چوخ نصیحت‌لر ایدوبدور بلکه ایتسون منفعل

عاقبت اوز ایتدقی اعمالدن اولدی خجل

اشگیله توپراقدا یازدی توبه‌نون سرمشقنی

نور حق ایتدی تجلی خاطر غمناکنه

ویردی بیر تغییر حالت فهمنه ادراکنه

تا اوزین سالدی شهنشاهون قدوم پاکنه

اشگیله توپراقدا یازدی توبه‌نون سرمشقنی

ایتدی فرمایش امام آرتورما قیل و قالوی

باشوی قوزا گوروم کیمسن بیلوم احوالوی

من او بدبختم دیدی قورخوتموشام اطفالوی

اشگیله توپراقدا یازدی توبه‌نون سرمشقنی

من او بدبختم یول اوسته مانع اولمشدوم سنه

من او بدبختم سنی تسلیم ایدردیم دشمنه

من او بدبختم خطا سندن گلوبدور شیونه

اشگیله توپراقدا یازدی توبه‌نون سرمشقنی

من او بدبختم که غرق اولدوم گُنه دریاسینه

من ساتردیم دینمی دینسیزلرین دنیاسینه

من او بدبختم که عاق اولمشدی اوز مولاسینه

اشگیله توپراقدا یازدی توبه‌نون سرمشقنی

من او بدبختم خجالتدن یوزیمی دوتموشام

من او بدبختم که جام غصّه‌دن قان اوتموشام

من او بدبختم پیمبر قیزلارین قورخوتموشام

اشگیله توپراقدا یازدی توبه‌نون سرمشقنی

من او بدبختم یوزوم قاره گناهیم چوخ ذلیل

تاپماغا چاره قدوم پاکوه دوشدوم دخیل

بو گنهکاره اؤزون اول درگه حقه دلیل

اشگیله توپراقدا یازدی توبه‌نون سرمشقنی

حمدلله اولمَدیم توفیق ویردی حق منه

قالمادیم حیرت طریقنده یئتیشدیم ایمنه

خاک پایونده توکوپ گوز یاشی یالوارام سنه

اشگیله توپراقدا یازدی توبه‌نون سرمشقنی

ایتدی فرمایش امام ای حرّ سن آزاده‌سن

ایلدون توبه قبول ایتدی خدای ذوالمنن

گوردی چوخ یاخشی ثمر واردور نهال توبه‌دن

اشگیله توپراقدا یازدی توبه‌نون سرمشقنی

قوزادی باشین دئدی ای میرحق ای شاه دین

قوی گیدوم گمره سپاهی ایلیوم آگاه دین

ویر اجازه من اولوم اوّل شهید راه دین

اشگیله توپراقدا یازدی توبه‌نون سرمشقنی

قوی بو صحراده لباس جنگی اوّل من گییم

قوی گیدیم گمره سپاهه سوزلرین حقین دییم

قوی منی بیرده خانملاردان گیدیم عذر ایستیم

اشگیله توپراقدا یازدی توبه‌نون سرمشقنی

گیتدی بیر باش خیمگاهه زینبه ویردی سلام

عرض ایدوب ای سرپرست عترت خیرالانام

گلمیشم عُذر ایستیم یولدا سیزی قورخوتموشام

اشگیله توپراقدا یازدی توبه‌نون سرمشقنی

گیتدی میدانه نصیحت ایتدی قوم و قارداشین

جان ویرن وقته امام آلدی دیزی اوسته باشین

گوردی بوحالی فرحدن توکدی گؤزدن گؤزیاشین

اشگیله توپراقدا یازدی توبه‌نون سرمشقنی

روز عاشورا سپاه کوفه چوخ مسروریدی

مرد نصرانی حسینون قتلنه مأموریدی

قتلگاه کربلانی گوردی رشگ طوریدی

اشگیله توپراقدا یازدی توبه‌نون سرمشقنی

سویلدی سنده یارالی نور حقّه ناظرم

گِچ گناهیمدن منی عفو ایت پریشان خاطرم

سن کیمی قربانه قربان اولماقا من حاضرم

اشگیله توپراقدا یازدی توبه‌نون سرمشقنی

من مسیحی‌زاده، عیسی دینینون پابندیم

اهل توحیدم، خدای لاشریکه بنده‌یم

ایلدیم توبه گذشت ایله منی شرمنده‌یم

اشگیله توپراقدا یازدی توبه‌نون سرمشقنی

«کهنموئی» بندۀ حقسن، ولی آزاده‌ سن

بوینوا گَل سالما ذلّت طوقنی دنیاده‌ سن

ایت حقیقی توبه، حرّین توبه‌سین سال یاده‌ سن

اشگیله توپراقدا یازدی توبه‌نون سرمشقنی

شاعر : مرحوم کهنموئی

احوالات جناب حر

احوالات جناب حر

دید چون مردان تضرع کردنش

کرد طوق بندگی در گردنش

گفت بازا که در توبه است باز

هین بگیر از عفو ما خط جواز

گر دو صد جرم عظیم آورده ای

غم مخور رو بر کریم آورده ای

گفت ای شاهان غلام درگهت

چون در اول من شدم خار رهت

هم مرا نَک پیش تاز جنگ کن

در قطار عشق پیش آهنگ کن

تاخت سوی رزمگه چون شیر مست

خط آزادی ز مولایش به دست

گه سواره گه پیاده جنگ کرد

عرصه را بر لشگر دون تنگ کرد

چون ز پا افتاد آن غرّنده شیر

با تضرع گفت شاها دست گیر

ای تو بر آدم رسانده روح را

وی تو از طوفان رهانده نوح را

ای تو از یم کرده موسی را رها

کرده در دستش عصا را اژدها

ای مجیب دعوت یوسف به یم

وی نجاتش داده از ظلمات غم

خواهم اینک جان سپردن در رهت

ماه نو دیدن جمال چون مهت

شه طبیبانه به بالین آمدش

دُر فشان از چشم خونین آمدش

چشم حق بین بر رخ او بر گشود

گفت کای فرمانده ملک وجود

هرگز این طالع نبودم در حساب

که نوازد ذره ای را آفتاب

پر زنان در دامن شه جان فشاند

مرد نامی مُرد نامش زنده ماند

شاعر : مرحوم نیر تبریزی

احوالات جناب حر

احوالات جناب حر

از حدیث شاه حر بن یزید

از ندامت دست بر دندان گزید

از حدیث شاه حربن یزید

از ندامت دست بر دندان گزید

باره راند و قصد پور سعد کرد

گفت خواهی راند با این شه نبرد

گفت آری جنگ های پر گزند

تا پرد سرها ز تن کف ها ز غم

گفت امیرت آن نمی دارد قبول

من نتابم هم ز حکم او عدول

چون شنید این گفتگو آن خوش خصال

گفت با خود با دو صد حزن و ملال

کی دریغا رفت فرجامم به باد

کین همه انجام از آن آغاز زاد

ای دریغ از بخت بد فرجام من

کاش می بودی ستورون مام من

این بگفت و خواست قصد شاه کرد

روی توبه سوی وجه الله کرد

نفس بگرفتش عنان که پای دار

بار واپس ران بترس از ننگ و عار

عقل گفتش رو که عار از نار به

جور یار از صحبت اغیار به

نفس گفتش مگذر از دنیا و مال

عقل گفتش هان بیندیش از معال

نفس گفتا نقد بر نسیه مده

عقل گفت این نسیه از صد نقد به

نفس گفت از عمر برخوردار باش

عقل گفت تا عمر شد بیدار باش

زین کشاکش های نفس و عقل پیر

نفس شد مغلوب عقل پیر چیر

عشق آمد بر سرش با صد شتاب

باره پیش آورد بگرفتش رکاب

کرد بر یک ران اقبالش سوار

گفت هین یکسان بران تا کوی یار

وقت بس دیر است و ره دور ای فتا

ترسمت از کاروان واپس فتا

جان به کف برگیر و با صد عجز و ذل

سر بنه بر پای آن سلطان کل

چون به هوش آمد ز خواب آن میر راد

رعشه بر تن لرزه بر جانش فتاد

لرز لرزان سوی ره بنهاد روی

دم به دم با نفس خود در گفتگوی

آن یکی دیدش به این حال شگفت

از شگفت انگشت بر دندان گرفت

با تحیر گفت کی شیر دلیر

در دلیری می نبودت کس نظیر

هین چه بودت کین چنین لرزی به خویش

گفت کاری بس عجب دارم به پیش

خود میان نار و جنت بینمی

می ندانم زانمی یا زینمی

نور ونارم در میان دارد به جد

چون نلرزم در میان این دو ضد

تا کدامین زان دو تا پایم برد

آتشم سوزد و یا آبم برد

این بگفت و کرد یک سو کار را

گفت نفروشم به دنیا یار را

آن که یوسف را به درهم می فروخت

خرمن خویش از سیه بختی بسوخت

عاشقانه راند باره سوی شاه

با تضرع گفت ای باب اله

با دو صد عذرت به درگاه آمدم

کن قبولم گر چه بی گاه آمدم

تائبم بگشا به رویم باب را

دوست می دارد خدا تواب را

با امید عفو تقصیر آمدم

زود بخشا گر چه بس دیر آمدم

وحشی ام آورده ام رو بر رسول

ای محمد توبه ی من کن قبول

گرچه حرم ای خداوند جلیل

لیک در پیش توأم عبدی ذلیل

طوق منت باز نه بر گردنم

میوه بر هر جا که خواهی بردنم

آمدم سوی سلیمان دیو وار

تا از او گیرم نگین زینهار

ای سلیمان هین ببخشا خاتمم

بر بساط بندگی کن مجرمم

تا بدین روی سیه کشته شوم

رنگ دیوی هشته از رشته شوم

گر بلیسم توبه کردم نزد شر

پیشت آوردم سجود ای بول بشر

آن چه کردم با تو من ناکرده گیر

وان سجود اولین آورده گیر

شاه چون دید آن تضرع کردنش

کرد طوق بندگی بر گردنش

گفت بازا که در توبه است باز

هین بگیر از عفو ما خط جواز

اندرآ که کس ز احرار و عبید

روی نومیدی در این درگه ندید

گر دو صد جرم عظیم آورده ای

غم مخور رو بر کریم آورده ای

اندرآ گر دیر گهر زود آمدی

خوش به منزلگاه مقصود آمدی

این عصای شیر بازافکن ز کف

موسیانه پیش تاز و لا تخف

گفت کی شاه غلام درگهت

چون در اول من شدم خوار رهت

هم مرا نک پیش تاز جنگ کن

در قطار عشق پیش آهنگ کن

رخصتم ده تا کنم خود را فدا

بر غلامان درت ای مقتدا

شاه دادش رخصت جنگ و جهاد

رستمانه رو به لشکرگه نهاد

شاعر : مرحوم نیر تبریزی

احوالات جناب حر

احوالات جناب حر

عالم اسلامیده حرّ ایله خدمت ایلدی

تا جهان وار اوز آدین تاریخه زینت ایلدی

گوردی عاشورا گونی کفریله دین دوردی طرف

هر طرفده نوریله ظلماتیدن باغلاندی صف

فرصتی بولدی غنیمت قویمادی اولسون تلف

دائمی بیز عزّتین کسبینده سرعت ایلدی

گلدی سعداوغلین مخاطب ایتدی اول آزادمرد

سویلدی آیا واروندور واقعاً فکر نبرد؟

بو حسین ابن علیدور گلشن اسلامه وَرد

باغبانلیق بو گله ختم رسالت ایلدی

بنده ی نفس دنی- حرّه بیله ویردی جواب

وار خیالیم ایلیم بیر جنگه بو گون فتح باب

باش گیده، قولّار گیده، قان یاغدیرا گویدن سحاب

تا دیسونلر خادم صادق نه خدمت ایلدی!

حرّ- اولاندا ایده آلیندن او شومین باخبر

نفسینه هی ووردی عقلی کای ظلوم بد سیَر

سن حسینی ایلدون بو تیر آلامه سپر

سندن اوّل کیم بو شاه دینه جرات ایلدی؟

سن گتوردون بو حسینی کربلا صحراسینه

سن سبب سن جسمی گر غرق اولسا قان دریاسینه

هانسی غول بیله جسارت ایلیوب مولاسینه

هانسی شاهه بیله بیر ظلمی رعیّت ایلدی

عقلی نفسه غالب اولدی تاپدی بیر حال نِدَم

نفس امّاره اولوب لوّامه، قلبین دوتدی غم

مطمئنّه اولماقا گوردی قالور نچّه قدم

اول طریقین طیّنه مردانه همّت ایلدی

ایستدی ویرسون خطردن روحینه فوراً نجات

اُلماقیله ایلسون بو دهریده درک حیات

اوز یرینده گلدی دوردی واله و حیران و مات

لرزه دوشدی جسمینه تطهیره نیّت ایلدی

گوزیاشیندان غسلِ تطهیر ایتدی، دلدن چکدی آه

سالکِ راه وفا دوتدی طریقین خانقاه

یوز دولاندوردی گویه عرض ایتدی یارب اول گواه

اوز خطاسیندن بو عاصی بنده رجعت ایلدی

قُرَّةِ ابن قیسه بعداً یوز دوتوب ایتدی خطاب

ایتموسن سیراب آتون یا نه؟ بیله ویردی جواب

مرکبه بو رسم و عادتدور ویرر ابطال آب

لیک بو گون قُرّه ترک رسم و عادت ایلدی

نقل ایدر قُرّه او ساعتده بیله ایتدیم خیال

حُرّ ایستور ایلسون او دشتیده ترک جدال

بولمدیم امّا بودور فکری ایده درک جلال

واقعاً درک مقامات و جلالت ایلدی

گر بولیدیم فکرینی منده ایدردیم اتّفاق

جسمیمی راضی اولاردیم دوغراسون اهل نفاق

حرّ تک منده چالاردیم قان ایچینده ال ایاق

حرّ، حرّ اولدی حسینه یاخشی خدمت ایلدی

حرّ کم کم یوز قویوب اردوی اسلامه طرف

گوردی اُووس اوغلی مهاجر ناگه اول نیکو خَلَف

ابن سعدین لشکریندن ایلیوبدور ترک صف

مضطرب حالی اونا تاثیر او ساعت ایلدی

یوز دوتوب اول نامداره ایلدی بیله خطاب

قورخوسان آیا؟ ندور سنده بو حال اضطراب

اَشجعُ النّاسی سوروشسا بیر نفر، ویرّم جواب

غالب اولدی حرّ هر دعواده شرکت ایلدی

ایمدی امّا سربسر لرزه دوتوبدور جانیوی

قورخوسان توکسون بنی هاشم بو چولده قانیوی

حرّ- سسلندی منه آرتور داخی ایمانیوی

هانسی بیر دعواده گوردون حرّ وحشت ایلدی

قالموشام جنّاتیله دوزخ آراسندا ملول

ایلیوم حیرتدیم هانسی بیرین آیا قبول

حُفره ی نیرانه هرگز ایتمرم بالله نزول

هانسی عاقل دوتدی ناری ترک جنّت ایلدی؟

تا سوزین قورتاردی سوردی مرکبین چوخ تند و تیز

ایتدی عزم سوی لشکرگاه شاه رستخیز

هر گورن فکر ایتدی ایلور حمله باشلانسون ستیز

فعلینه تحسین او قوم پست فطرت ایلدی

تا یاخونلاشدی حسین اردوسینه اول ذی فنون

قویدی شمشیرین غلافه ایتدی قَلخانین نگون

گوزلرین دولدوردی اشکیله او دارای شئون

شرح حالین یوزده اشکیله کتابت ایلدی

پای بوسه سالدی توپراقه اوزین اول نامدار

شه قباقینده اوزین قیلدی غلام خاکسار

دوتدی دامانین شهین آچدی زبان اعتذار

سویلدی ای شاه دین نفسیم جنایت ایلدی

سیّدی، سیز چرخ لطفه نیّر تابنده سوز

معدن جود و سخا هر مدحته زیبنده سوز

عالم امکان سیزه بنده، خدایه بنده سوز

حق سیزی اوز رحمتیندن خلقه آیت ایلدی

سیزسوز عالمده خدای عالمه اعلی مَثَل

سیزسوز انوار الهیّه مصابیح ازل

سیزلری هادی ایدوب خلقه خدای لم یزل

سیزلریله حیّ اعلی فتح خلقت ایلدی

خُلد اعلایه سیزون حبّوزدی شاها- شاهراه

چاره هر یردن کسیلسه سیزسوز عالمده پناه

ایلیوب خالق سیزی اعمال مخلوقه گواه

اسموزی دعوتده شرط استجابت ایلدی

خیریدن گر بیر خبر ذکر اولسا سیزسوز مبتدا

کلمه ی خیراته سیزسوز اصل و فرع و منتها

فعلوز احساندور همیشه، عادتوز جود و سخا

نفسینه کیم سیز کیمی احسانی عادت ایلدی

مهبطِ وحی الهی سوز شرافت سیزده دور

منبع علم و حِکَم امر امامت سیزده دور

مقتداسوز خلقه میراث نبّوت سیزده دور

خالق عالم سیزی خُزّان حکمت ایلدی

عالم امکاندا سیز خورشید عالم تاب سوز

جود و احسان و سخایه بیر آچیلمیش باب سوز

بسته دور آبه حیات خلق، سیزلر آب سوز

کیم دیر بیر کس سیزه خلقتده سبقت ایلدی

عالم خلقت سیزون وابسته دور انواروزه

خار اولا یا گل- سیزون محتاجدور گلزاروزه

اولسا حاجتمند هر کیم یوز قویار درباروزه

سیزدن اشراف جهان کسب شرافت ایلدی

اولماسیدوز سیز حیات اولمازدی بیر ذیروحده

اولماسیدوز سیز نجات اولمازدی فُلک نوحده

سن بولورسن وار نه دردیم بو دل مجروحده

نفس عمّاره منی سندن خجالت ایلدی

آستانوزده غلام روسیاهم من سنون

چوخدی تقصیریم بغیشله، ال منیم دامن سنون

دوست و دشمن لطفیوه شاها اولور ایمن سنون

سیزلری الله بیزه باب کرامت ایلدی

من او بدبختم سنه اولدوم ازلده سدّ راه

نامه ی اعمالیمی بختیم کیمی ایتدیم سیاه

بو چوله سالدیم گذارون ای کمکسیز پادشاه

تا سنی بو قوم دون محصور محنت ایلدی

من او عاصی بندیم تقوا حجابین یتمیشام

حق طریقیندن چخوب راه ضلالت دوتموشام

جهل اوزیله فاطمه قیزلارینی قورخوتموشام

قیزلارون اوّلده مندن خوف و وحشت ایلدی

سیز اولارسوز عالم امکاندا خلّاق مجید

ماسِواللهدن مقام و شانوزی ایلوب مزید

گیتمیوبدور بیر سوال اهلی قاپوزدان ناامید

اَسخیا سیزدن بلی کسب سعادت ایلدی

بولمدیم من ایش بورا منجرّ اولار ای شاهِ دین

یوخسا کسمزدیم یولون ای قبله ی اهل یقین

من سبب اولدوم سنی محصور قیلدی قوم کین

عترت پیغمبره جرات بو امّت ایلدی

گلمیشم امّیدیله درباریوه زار و ملول

ایله فرمایش گوروم توبَم اولار آیا قبول

لطفیله نطق گهربارین آچوب سبط رسول

حرّیله بی منتها رافتله صحبت ایلدی

ایتدی فرمایش باشون قوزا چوخ ایتمه آه و زار

رحمتی اوز نفسینه واجب قیلوب پروردگار

رحمته مشمول ایدوب ایلر عقوبتدن کنار

هر کس اوز جرمیندن اظهار ندامت ایلدی

حُرّسن، یا حرّ اولما لطف حقدن ناامید

هر ایکی دنیاده اولدون نیکبخت و روسفید

باخما ساتدی دینینی دنیایه بو قوم عنید

عترت طاهایه اظهار عداوت ایلدی

حرّ عرض ایتدی که ای سبط رسول کائنات

ایمدیکه ایتدون بو عبد روسیاهه التفات

سرفراز ایت نوکرون ویر درد خجلتدن نجات

چوخ سرافکنده منی بو دردِ خجلت ایلدی

اوّلین خاطی حضورونده منم ای مقتدا

ویر اجازه خاک پایونده اولوم اوّل فدا

تا رضا اولسون غلاموندن قیامتده خدا

نوکره بولسونله مولاسی نه رافت ایلدی

حرّی مشمول عنایت قیل سنی زهرا آنان

خاطر ناشادیمی لطفیله ایله شادمان

صفحه ی تاریخده قالسون آدی تا وار جهان

خلق بولسون حرّ جرمیندن انابت ایلدی

گوزلرون قربانی گل قویما گوزی گریان اولوم

اذن ویر اوّلده من اوز قانیمه غلطان اولوم

مظهر پیغمبر اوغلون اکبره قربان اولوم

حرّده پیغمبره گورسونله نصرت ایلدی

گوزده اشک، الده امامین دامنی پژمرده حال

آغلادی عجز ایلدی یالواردی ایتدی ابتهال

رقّته گلدی پیمبر اوغلی شاه خوش خصال

آلدی حرّین گوگلونی چوخ چوخ محبّت ایلدی

ایلدی مهمان نوازی سرور مُلک حجاز

ایتدی فرمایش قوناقسان سن بیزه ای پاکباز

سو که یوخدور تشنه اولسان گَل اوتور دینجَل بیر آز

حرّین آرتدی شیونی، گوزیاشی شدّت ایلدی

سویلدی آغلار گوزیله ای شهنشاه اَنام

ویرمرم دامانون الدن ایتمسم تحصیل کام

عاقبت اذن جهاد ایتدی عطا مظلوم امام

حرّ شاد اولدی قتال عزمیله عودت ایلدی

رزمگاهه تا یتوب الده حسام جان شکار

باشلادی عالی رجز اول رادمرد نامدار

سویلدی ای اهل کوفه سیزده یوخدور شرم و عار

سیز کیمی عالمده کیم ترک مروّت ایلدی

مینلریله نامه یازدوز ای وفاسیز کوفیان

دعوت ایتدوز کوفیه پیغمبر اوغلین میهمان

اوز قوناقین اُلدورور دنیاده هانسی میزبان؟

سیز ایدن ظلمی جهاندا هانسی ملّت ایلدی؟

فرض ایدون بو شاه بی لشکر ایا اهل مجاز

نه اماموزدور سیزون نه سرور مُلک حجاز

نه پیمبر اوغلیدور نه باغ دینه سرو ناز

حق یولا نه سیزلری جدّی هدایت ایلدی

لامحاله بیر مسلماندور بو شاه ذوالحَسَب

اُلدورور یوخسا مسلمانی مسلمان تشنه لب

ظلموزون طغیانینه واردور نه علّت نه سبب؟

قوم اعرابی خجالت بو رذالت ایلدی

ظلمیله دوندرمیسوز شامه حسینین گوندوزین

قویموسوز آغلار رسول اکرم و زهرا گوزین

سیز یزید سگ پرسته فرض ایدون یاغی اوزین

نه گناه آخِر صغیره آل عصمت ایلدی؟

بیر سو که خلقه مباح ایلوب خدای مستطاب

بیر سو که سیراب اولور اوندان خنازیر و کلاب

ویرمیسوز بیر شربه آل اللهه ای اهل عذاب

خوردا قیزلاردان سوسوزلوق سلب طاقت ایلدی

سرپرستم من ریاحی قومینه حرّ دلیر

برق شمشیریم یانار اوددور جماعت سیز حریر

یوخ منه غیر از حسین ابن علی شاه و امیر

حرّ اولاد زنادن نقض بیعت ایلدی

ویرمیوب ویرمز سرشتی تلخ آقاج شیرین ثمر

بحر کفره ایله اولموشدی او لشکر غوطه ور

سوزلری دل سنگ قومه ایتمدی اصلا اثر

بیّنه، برهاینله هرچه نصیحت ایلدی

خواب غفلتدن اویانمور گوردی قوم کوفیان

تیغ خونریز الده ایتدی حمله چون شیر ژیان

لشکری سیندیردی اوج قوشوندان الامان

مات و مبهوت اشقیانی بو شجاعت ایلدی

سسلدی هَل مِن مُبارِز ویرمدی بیر کس جواب

شام و کوفه اهلینون دولدوردی قلبین اضطراب

بیر یزید آدلی جفاکاره حصین ایتدی خطاب

گورموسن حرّ ریاحی نه رشادت ایلدی؟

سن دگولدون هی دیردون ایلینده گفتگو؟

آرزومندم اولام حرّیله بیر گون روبرو

ایمدی گَل بو رزمگه- بو سن- او حرّ نامجو

رزمیدن باک ایتمینلر کسب شهرت ایلدی

زاده ی سفیانی ازبسکه حصین ابن تمیم

ایلدی تحریک دوشدی باشینه شوق جحیم

رزمگاهه یوز قویوب اولدی یتن ساعت دو نیم

جودت حرّ اشقیانی غرق حیرت ایلدی

ایتدی سعداوغلی حصین ابن تمیمه بیر نظر

سویلدی بِش یوز کمان داره بو امری ویر خبر

تیرباران ایلسونلر بلکه رفع اولسون خطر

قیل سیاست رمیِ دن هر کیمسه غفلت ایلدی

مقصدین بولجاق او شومین اوخ آتانلار هر نه وار

هر طرفدن مثل باران اوخلاری یاغدوردیلار

حرّین اولدی مرکبی بیر نچّه یردن زخمدار

جسمینه هم مرکبه اوخلار اصابت ایلدی

راویِ مطلبدی ایّوب ابن مُسرح نابکار

نقل ایدر حرّین آتین ایتدیم شکمدن زخمدار

پیلدیم اوندانصورا مرکوب اولوب بی اختیار

آت یخلدی راکب امّا استقامت ایلدی

گوردی ایستور آت یخلسون اول غیور نامدار

مرکب اوستوندن اوزین آتدی یره اول باوقار

تیغ خونریز الده ایتدی بیر شهادت آشکار

دشمنی تحسینه مجبور اول شهامت ایلدی

گورمدیم من بیر پیاده حرّدن اولسون دلیر

ایلینده صفلره غیظیله حمله مثل شیر

باش بدنلردن توکردی اول شجاع بی نظیر

طعمه ی شمشیر سانسیز بیر جماعت ایلدی

سویلدی گر پیلدوز مرکوبیمی ای قوم کین

بولمدور امّا پیاده جنگ ایدر شیر عرین

ایلرم قربان جانان اولسا مین جانیم یقین

جان ویرن جانان یولوندا درک لذّت ایلدی

اولدولار بیردن هجوم آور سپاه اشقیا

اول کمکسیز نامداره هر کس ایتدی بیر جفا

دوشدی طاقتدن یخلدی باشدا بیر کاری یارا

حرّی بی طاقت همان کاری جراحت ایلدی

سسلدی گل ای آدی نوحه اولان فُلکُ النّجات

ذکری ذوالنّونه اولان ظلمتده امّید حیات

ای مسیحا دم، دم آخِردی هنگام ممات

گل گوروم مندن دل پاکون رضایت ایلدی

ضعف ایدوب بسکه آخوب قانی بلا میدانینه

عطر جانان ناگهان یتدی مشام جانینه

آچدی گوز گوردی آلوب شه باشینی دامانینه

نه عطشدن نه یارالاردان حکایت ایلدی

عرض ایدوب ای میوه ی قلب علیّ المرتضی

اولدون آیا بو یوزی قاره غلاموندان رضا

چشم پر اشکیله نطقه گلدی شاه کربلا

حرّی مشمول عنایات و عطوفت ایلدی

ایتدی فرمایش اوزوم، جدّیم، آتام، زهرا آنام

راضیوق سندن دم رحلتده اولما تلخکام

بیز رضا اولساخ اولار راضی خدای لایَنام

قلب حرّی شاد و خرّم بو بشارت ایلدی

وجه وجهُ اللهه باخدی آخدی حرّین گوزلری

ویردی جان درک ایلدی فیض حضور حیدری

آه یا زهرا گذشت ایله قلم اولدی جری

اوغلیوین جان ویرماقیندان بیر روایت ایلدی

صدر زین اوستن دوشنده کربلا میدانینه

اوغلیوین کیم نازنین باشین آلوب دامانینه

کیم او مظلومین اُلن ساعتده گلدی یانینه

شمر و خولی یا سَنان قصد قساوت ایلدی

مُرتجز اوستن دوشن ساعت او سلطان انام

قویمادی غیرت یخلسون ایلدی فوراً قیام

قبضه ی شمشیر الینده جنگه ایتدی اهتمام

بیر شجاعت گوستروب دشمن هزیمت ایلدی

اول پیاده لشکره سالدی ایله جوش و خروش

چخدی شجعان و فوارس باشلاریندان عقل و هوش

اولدی هر کیم روبرو جام هلاکت ایتدی نوش

فتحیدن نومید کفّاری او حضرت ایلدی

ایلدی بو ماجرا شمر شریری تلخکام

لشکره یوز دوتدی سسلندی او سرخیل لِئام

واردی نه علّت حسینین ایتمیسوز امرین تمام؟

بیر پیاده سیزلری مقهور قدرت ایلدی

پیش فرمانی او قومه ویردی تا شمر ظلوم

بیر پیاده یالقوزا سانسیز قوشون ایتدی هجوم

بیر یارالی بیر کمکسیز یاره لر مثل نجوم

جسمینین زخمی کواکبدن حکایت ایلدی

ایتمدی رحم اول جفاجولر دل مهمومینه

هر طرفدن آچدیلار ال کربلا مظلومینه

بیر ابوایّوب آدلی ووردی اوخ حلقومینه

قان آخوبدور چشمه تک تغییر حالت ایلدی

صول الیندن ووردی بیر شمشیر ذرعه ناگهان

بیر جراحتده یتوبدور کتفینه آلدی توان

صاق یوزی اوسته یخلدی توپراقا موج ایتدی قان

دوردی اگلشدی دیزی اوسته مهارت ایلدی

هی تلاش ایلردی دورسون اول غریب نینوا

ممکن اولمازدی واریدی بسکه جسمینده یارا

ناگهان گلدی سَنان ابن انس واحسرتا

الده بیر نیزه امامه هتک حرمت ایلدی

زوریله ووردی بوغازیندان امامین اول دَنی

نحر ایدوب حلقومینی چکدی چخارتدی نیزه نی

تازه دن ایتدی هدف اول دورت مین اوخلی سینه نی

بیر جفا ایتدی دلیم تقریره لکنت ایلدی

کاش ایدِیدی اول زنازاده بو ظلمه اکتفا

ایتمیِیدی اول یارالی بیکسه اوزگه جفا

ای دلیم لال اول سَنانین ظلمی قوی قالسون خفا

زینبه ظلم سَنان برپا قیامت ایلدی

ایلدی ظلم سَنان بزم وصاله فتحِ ره

قان آپاردی تاپدی بزم قربیده حالِ وَلَه

قان ایچینده توپراقا قانلی یوزین قویدی او شه

بزم رازی عاشق دلخسته خلوت ایلدی

قانلی یوز، قانلی تراب اوسته عزیز بوتراب

عرض ایدوب ای خالق عالم خدای مستطاب

بو دیار کربلا، بو من، بو قوم بی حجاب

هانسی عاشق من تک اظهار صداقت ایلدی

دینیوه گوردوم تعدّی ایلوری قوم طُغات

ال گوتوردوم باش و جاندان ایلدیم ترک حیات

سو دیدیم یاندیم سوسوزدان چوللره آخدی فرات

سیل تک اشکیم بلا دشتین رطوبت ایلدی

کشف راز ایلوردی معبوده او شاه تشنه کام

گلدی قاتل مقتله اولدی عوالم بی نظام

جدّیوین امری تمام اولدی «حسینی» قیل تمام

بو نه مطلبدور قلم شرح و کتابت ایلدی؟

شاعر : مرحوم حسینی سعدی زمان

 

احوالات جناب حر (علیه السلام)

 احوالات جناب حر (علیه السلام)

سبک : رقیم ای غملرین آشناسی ...

ای باشی سرنیزده معراج ائدن...

حرّی باغیشلا شه بطحا حسین

نادم و شرمنده گلوب یا حسین

قوما قاپوندان منی ای گل باغ رسول

سن بیل آنون فاطمه توبه نی ایله قبول

گلمیشم ئوز عشقیمی اعلان ائدم

بیعت ائدوب نقصیمی جبران ائدم

جانیمی مولا سنه قربان ائدم

دلده یوخوم آیری تمنا حسین

قوما قاپوندان منی ...

سیدی ای عشق و شرف معدنی

لطف ایلیوب سالما گوزوندن منی

مهرون ائدر گول مثلی ذره نی

لطفون ائدر قطرع نی دریا حسین

قوما قاپوندان منی ...

ایله میشم جهلیله جرم و خطا

من یولووی کسمیشم اوّل آقا

ویرسون اجازه اولوم اوّل فدا

اذن جدل قیل منه اعطا حسین

قوما قاپوندان منی ...

سبط نبی سن بو پریشانه باخ

حر خطا کار پشیمانه باخ

عبد گنه کاره طبیبانه باخ

دردیمه گل ایله مداوا حسین

قوما قاپوندان منی ...

محضر اولاد پیمبرده من

فاش ایدورم سریمی بی پرده من

رو سیه اوللام صف محشرده من

جرمیمی عفو ایله مسون یا حسین

قوما قاپوندان منی ...

راه حقیقتده قدم آتماسام

وای منه اولسون هدفه چاتماسام

من ره عشقونده قانا باتماسام

روحیمه بو غم ویرر ایذا حسین

قوما قاپوندان منی ...

فاطمه نون پاره ی روح و تنی

حق ائلیوب کان کرامت سنی

قیزلاری قورخوتموشام عفو ایت منی

سن به حق حضرت طاها حسین

قوما قاپوندان منی ...

حر تاپوب ایندی سعادت یولون

ترک ائلمز شاه ولایت یولون

سیر ائده مایلدی شهادت یولون

دوغرانا حاضردی سراپا حسین

قوما قاپوندان منی ...

توبه کردن جناب حرّ (ره)

توبه کردن جناب حرّ (ره)

شاها بغشله حرّی معاف ائت گُناهدن

تقصیر بنده دَندی عطا پادشاهدن

ئوز ایتدیقیم خطالریمه نادم اولموشام

چوخ یوز ویروب گناه من روسیاهدن

اوّل سنی بو چولده بلایه سالان منم

یوخسا جسارت اولمازیدی بو سپاهدن

چکدیم قلج یوزیوه جهالت یولیله من

کسدیم یولون که چخمیشیدیم شاهراهدن

قورخوتموشام پیمبرین عزّتلی قزلارین

چوخ قورخورام معادیده قهر اِلهدن

دوتموشدی خواب غفلت اویاندیم هزار شکر

گلدیم که استفاده ایدم انتباهدن

یوخ طاقتیم جهنم اودوندا یانام شها

ال چکمرم سنون کیمی پشت و پناهدن

نومید ایلمه منی ای معدن کرم

ایلر کریم عذری قبول عذر خواهدن

ایله قبول توبه می ویر رخصت جهاد

مأیوس ایلمه منی درگاه شاهدن

اوّلده محضرونده گرک قانه من باتام

جانیم چخاندا منده چخام اشتباهدن

خنجر یاراسی نیزه قلج اوخ جراحتی

خوشدور منه یزید ویرن عزّ و جاهدن

لطفیله ایله گوشۀ چشمیله بیر نظر

گئچسون مقام و مَرتَبَتیم مهر و ماهدن

«ذهنی» ده بیله بیر نظره احتیاجی وار

مین دردینه دوا اولا تا بیر نگاهدن

شاعر : مرحوم ذهنی زاده

احوالات حر بن ریاحی

احوالات حر بن ریاحی

چون طلوع صبح  عاشورا دمید

از حق و باطل  کتابت صف کشید

دید  حر کز وضع جیش انگیختن

در دو سو کار  است بر خون ریختن

از عمر  پرسید کای نام تو ننگ

هست گویا با حسینت رای جنگ

گفت هان ای حر شد امری چنین

جنگ خواهم کرد اکنون  با حسین

آن قدر  امروز رانم  جوی خون

کز زمین تا حشر خون  جو شد برون

حر چو  بشنید  این سخن  زان شور بخت

هی بخود  لرزید  چون شاخ درخت

پس بخود گفتا  که ای سر گشته حر

از پی  باطل  زحق برگشته  حر

گفت  سیر خلد و برزخ میکنم

عارفانه  طی  برزخ میکنم

یک طرف  پیغمبر و یک سو یزید

ادخلوها  جفّت  باهل من مزید

پس  دو دست  خود  زغم بر سر گرفت

فطرتش هم تیغ و قرآن  بر گرفت

گفت ای دادار غفار الذنوب

کاشف ا لاسرار و ستار العیوب

گر دل خاصان تو بشکسته ام

باز دل بر عفو  عامت  بسته ام

وانگه آمد  تا بنزدیک خیام

گفت از حر تو شهِ دین را سلام

توبه کردم  لیک توابم توئی

عفو خواهم  لیک وهابم توئی

گر بخوانی خیمه بر گردون زنم

ور برانی  غوطه اندر خون زنم

چاکرم از لطف اگر بنوازیم

شاکرم از قهر اگر بگذاریم

شاه گفت اهلا و سهلا مرحبا

گرچه ببریدی ره ظاهر بما

بحر کی در انتقام از قطره شد

مهر کی در انکسار از  ذره شد

گر زتو  نسبت بما سر زد خطا

آن خطا اینجا بَدل شد بر عطا

کفر اگر باما رود  ایمان شود

طاعت ار بی  ما  همی عصیان شود

حر چو لطف شاه اندر خویش دید

عشق وا پس مانده را در پیش دید

گفت چون اول من آزردم  تو را

اذن ده تا گردمت اول فدا

کز بد این قوم من در خجلتم

عزتم دادی  منه در ذلتم

شاه فرمودش  توئی مهمان ما

میهمان را جاست اندر جان ما

پس زشه جست اذن  گفتا خیر باد

شد برزم و جیش را  آواز داد

کای گروه دون دور از عافیت

بی نصیب از محشر و از عاقبت

رفته ام گریان و خندان آمدم

رفته ام مور و سلیمان  آمدم

خالی  از خود گشتم و پر از خدا

از همه  بیگانه با حق آشنا

این شه لب تشنه کو مهمان ماست

از ازل خود میزبان انبیاست

این بگفت و تیغ خصم افکن کشید

برق تیغ  آتش زیِ خرمن کشید

خورد وزد تیغ سبک گرزِ گران

رفت و آمد گه کنار و گه میان

ناگهانش اسب وی  کردند پی

خود پیاده  رزم را  افشرد پی

چون فتاد از پشت زین  آن با شکوه

گفتی از پشت نسیم افتاد کوه

شد همی تیغی به جسمش جایگیر

همچو برق اندر دل ابر مطیر

بود اورا نیمه جانی  کز امام

دید بر بالین خود جانی تمام

زیر لب  خندان سوی جنات رفت

از صفت بگسست و رو بر ذات رفت

طبع (جیحون) حر را چون بنده شد

از مقالش  صفحه،  مشک آکنده شد

شاعر :  تاج الشعرا جیحون یزدی

!!! کپی بدون نام کانال گنجینه گذشتگان حرام است !!!

احوالات حر وبرادرش مصعب و غلام حر

احوالات حر وبرادرش مصعب و غلام حر

گوردی سپاه کینه ایدر عزم کارزار

میدان حیرت ایچره دیدی حر نامدار

بیر طرفده گورورم شعله چکر نار جحیم

بیر طرفده آچیلوبدور در جنات نعیم

بیر طرفده گور ایدر خشک گل دینی سموم

بیر طرفده گور آچار غنچه ایمانی نسیم

بیر طرفده گورونور سیر گلستان وفا

بیر طرفده قورولوب دانه و دام و زر و سیم

عاشقانه دیرم گاه گیچوم جانیمدن

که سالار قلبیمه یوز دغدغه شیطان رجیم

آز قالور که من اولام قلزم حیرتده غریق

سن یتوش دادیمه ای خالق رحمان و رحیم

امتحان عاشقینی جانیله ایلر معشوق

ایتمه بو گونده خجالت منی ای رب کریم

بار الها منی تیز ایله بو مظلومه فدا

قور خورام اولمیا قسمت منه بو فیض عظیم

مرحبا باشیمه ای عشق گتوردون گینه شور

دو شدی بو ظلمت آرا قلبیمه بیر لمعه نور

جانیمی ترک ایلیوب طالب جانان اولدوم

دینیده ناقصیدیم یاخشی مسلمان اولدوم

یاخشی توکدوم یره بو چولده خس و خاشاکی

طالب سرو و گل و سنبل و ریحان اولدوم

شکر صد شکر بو میخانیه دوشدی گذریم

بیر قدح نوش قیلوب همدم مستان اولدوم

من هارا بیله سعادت هارا صد شکر اولا چون

ذره دن کمتر یدوم مهر درخشان اولدوم

باشیمه وه نه عجب شور گتوردون ای عشق

یاندوروب حرقتی مجنون کیمی سوزان اولدوم

ایتمرم حوری و غلمانه هوس من اصلا

بو دل آرامه که من عاشق نالان اولدوم

شمشیرین آسدی بوینونا اشک روانیله

گلدی حضوره سویلدی آه و فغانیله

درگاهیوه حسین آقا عصیان گتورموشم

روی سیاه و دیده گریان گتورموشم

بلدوم که لطفو مرحمتون بی شماریدور

باعث اودور که جرم فراوان گتور موشم

تقصیریمی گذشت ایله سیندرما قلبیمی

گور التماسه بیردل نالان گتورموشم

قورخوتموشام اشاقلاری چوخدور خجالتیم

عفو ایت گلن قلب پشیمان گتورموشم

اول صفحه جمال علی اکبره سنی

ویرم قسم شفاعته قران گتورموشم

بیر اوزگه زاده یوخدی گمانیم جنابوه

ایتسن قبول جانیمی قربان گتورموشم

بیر مدتی ایلموشم خدمت یزید

بو صون دمیمده حقه من ایمان گتورموشم

گلدیم یولوندا قانیمه غلطان اولام بوگون

بو قامتیمی زینت میدان گتورموشم

فرمایش ایتدی شاه شهید ایتمه غم بسی

نومید اولمیوبدی بو در گاهیدن کسی

او دمده عرض ایلدی حر امام دورانه

مرخص ایت منی یوز دوندروم بو میدانه

نگاه مرحمتین کیمیای خالصدور

حضورینده آقا قوی باتوم قزل قانه

ایشتدی بو سوزی فرمایش ایتدی شاه شهید

چکل بو مرحله هولناکیدن یانه

آخان سو چشملری قاندی گللری یاره

نهالی نیزه قدم قویما بو گلستانه

قالوبدی اهل و عیلین گوزی یولوندا سنون

گل ایمدی خانه عیشین سن ایتمه ویرانه

دیدی اماندی منی قووما آستانیندن

وگر نه اود وورار آهیم جهان امکانه

منم او مور که تحفه گتورموشم بیر جان

بسان پای ملخ حضرت سلیمانه

همی اوزوم همی قارداش همی ایکی اوغلوم

فدا بو خاک ره اهل بیت نالانه

قیتدی رزمگهه اذن ایتدی چون حاصل

جهیمه تیغیله چوخ کسلر ایلدی واصل

چو زخمدار اولوب اول قوم نابکار ایچره

بلشدی قانینه میدان کارزار ایچره

توکولدی استینه لشکر ز بسکه فوج بفوج

که قالدی جسمی اونون گردیله غبار ایچره

گون ایسیسینده یاناردی کباب تک جگری

گلردی شوره دیردی اوسوز نار ایچره

هزار شکر بو عالمده کامیاب اولدوم

که حسرتیم داخی یوخدور بو روزگار ایچره

بو یاره لر که وورورسوز بو قانلی پیکریمه

گل شکفته دی بو گلشن بهار ایچره همیشه

وار منیله عشق قامت جانان

اونون محبتی واردور بو جان زار ایچره

نه گوردی مصعب او دمده اول یل دوران

که ایتدی قارداشینی خصم قانینه غلطان

اولوب او دمده امام زمانیدن ماذون

گلوبدی رزمگهه اولدی مرگینه ممنون

او دشمن استه چکوب تیغ ایلیوب حمله

ایدوب او دامن هامونی کشته دن مشحون

او دم او شیر دلیر استینه هجوم ایتدی

سپاه نحس عمر سعد بیدین و مالعون

خدنگ و تیر سنانیله ایتدیلر مجروح

زبسکه قانی آخوب اولدی غرق لجه خون

گلوب برابره حر شهیدین اوغلی علی

گوروب بو نوعیله اوضاع چرخی دیگر گون

اوآهنین دل اولان خصمه تیغ فولادی

او چولده قویمادی سیماب وار صبر سکون

توکولدی خون عدو بسکه اولدی رنگا رنگ

بسان دامن گلچین او دامن هامون

اودا او بزم بلاده ایاقیدن دوشدی

که اولدی شوقیله سرمست باده گلگون

غلام حر وفادار ایدردی نظاره

حباب وار گوروب جام عیش چرخی نگون

می شهادتی شوقیله نوش جان ایتدی

زهی سعادت جاوید طالع میمون

شاعر : مرحوم شکوهی مراغه ای

!!! لطفا با نام کانال گنجینه گذشتگان کپی کنید !!!

احوالات جناب حر (ره)

احوالات جناب حر (ره)

خوش حالینه او کیمسه لرین وار درایتی

شامل اولوبدی حالینه حقین عنایتی

اونلار کی اوز مرامینی دیناره ساتمادی

هول و هراس محشری یاتدان چیخاتمادی

عاقل اودور هر امریده فرجامی آختارا

صادق اودور کی ائیلمییه نفسینه جفا

آزاده مرد اودورکی اولا صاحب اختیار

انسان اودور عمل ائلییه وئرمیه شعار

گر بیر زمانی اولسا هامی شبهیه دچار

عاقل اولان تعقل ائدر حق یولون تاپار

تاریخه عبرت اولدی قضایای کربلا

آیریلدیلار محکده او چولده مس و طلا

بیر بیر او چولده مدعی لر دالدالاندیلار

ناحقه یار اولوب هاموسی حقی داندیلار

هر لحظه دشمنین سایی آرتیب چو مور و مار

تنگ اولدی شاه تشنه لبه حلقه حصار

یتمیش ایکی گهر اوزونی ائیلدی عیان

گورمز مثالین اونلارین هیچ دور و هئچ زمان

ظاهرده آلدی بیر گئجه مهلت او پادشاه

باطنده وئردی بیر گئجه فرصت او پادشاه

فرصت وئریب دی بلکه آچیلدی ره نجات

شمس هدی او جمعه وئره جلوه حیات

افسوس او نوری ظلمت شب درک ائدنمدی

سعد اوغلی نفس خواهیشینی ترک ائنمدی

عاشور عشق تا گون اوزون ائیله دی عیان

اتمام حجت ائیله دی سلطان انس و جان

اما مصمم اولدوی قشون اوز جفاسینه

عقابی بوشلادی هامی دنیا هواسینه

سعد اوغلی ملک ری دن اوتور مست دی مدام

گییدی لباس رزم وئریب لشگره نظام

تجهیز ائدیب سلاحه پیاده سوارینی

تعیین ائدیب امیر یمین و یسارینی

تاپدی قرار مرکز لشکرده اول لعین

وئردی غلامینین الینه کفر پرچمین

آماده اولدی هر ایکی لشکر مقاتله

دولدوری کربلا چولونی شور و هلهله

درک ائیلیوبدی حر او هنگامه ده خطر

دوشدی وجودی لرزیه دیلدن تاپیب شرر

بیر سمتیده باخیر گوروب حق وحقیقتی

بیر یاندا سعدین اوغلون او کان شقاوتی

بیر سمتیده بهشته باخیر دیلده حسرتی

بیر سمتیده باخیر گوروری کفر و ظلمتی

دنیا گوزونده جلوه ائدیری سراب تک

عشقی ولی زبانه چکیردی شهاب تک

بختی اویاندی تاپدی سعادت او باوقار

تصمیم دوتدی جانینی اوددان ائده کنار

مست اولدی کوی عشقیده جام شرابیدن

دریانی گوردی ال چکیب آخر سرابیدن

گوز یومدی ملک و منصب و مال و منالیدن

سرمست اولوبدی جذبه جام وصالیدن

سرعتله عزم کعبه جانان ائدیب دی حر

بیر ایش گوورب کی عالمی حیران ائدیب دی حر

وئردی مس وجودینه عشقیله بیر محک

گلدی بو نیتیله حسینه ائده کمک

بیر آز قالاندا خیمیه ترک ائتدی مرکبین

یاتدان چیخاتدی منزلت و قدر و منصبین

شمشیرین آچدی چکمه لرین سالدی بوینونا

گه اللرین قویوب یوزینه گاه قوینونا

اقرار ائدیب او پاک نهاد اوز گناهینه

سالدی اوزون شکسته کرم بارگاهینه

ائتدی سلام صورتینی قویدی توپراقا

عرض ائیله دی کرم قاپوا گلمیشم اقا

جرمیم بویوک دی دردسره سالمیشام سنی

عفو ائیله فاطمه آناوین حقینه منی

ایوای اوزوم قرادی اگر ائتمسن کرم

بو روسیاهی ائیلمه سوز عفو نیلرم

اولده من اورکلری ظلمیله داغلادیم

اقرار ائیلورم یولی بو چولده باغلادیم

سن شاه با کرامت و من بندیم آقا

ائیله کرم خجالت و شرمندیم اقا

ای فاطمه عزیزی منه ائیله بیر نظر

گور شرمیدن تمام وجودیم نئجه اسر

من گرچي خاطی ام سن هدايت چراغيسان

دارالامان دی درگهین ای شاه انس و جان

اوز جرمیمیمن بویوکولوگونی بیلمیشم آقا

مین بیر امیدیله قاپوا گلمیشم اقا

قوش تک گلیب بو درگه لطفه سیخیلمیشام

ای ذولکرام سن دوت الیمدن ییخیلمیشام

چاره يوخومدي رحم ائله بو حال زاريمه

قویما اسه خزان یئلی فصل بهاریمه

کسدیم یولی حریم ولا اولدی دربه در

شرمندلیق اودیلا وجودیم دوتوب شرر

من بيلمديم كي ايش يئته جاق بو نهايته

سالدیم بو چولده آل رسولی مشقته

مولا سنین كرم قاپوي بيلميشم اوميد

من روسیاهی بیر باخیشا ائیله رو سفید

شانین بیوکدی من بیلیرم قدر و قیمتین

گلدیم چالام امیدیله درگاه عزتون

من گلميشم رضایتیوی اخذ ائدم شها

شرمنده جانی محضروه ائیلییم فدا

سن کشتی نجات سان حق رهنماسی سان

شانین بیوک دی حضرت زهرا بالاسی سان

بذل ائتدی تازه کوینگینی سائیله آنان

بذل ائیله دی رکوع حالیندا اوزوک آتان

جدین رسول فتحیده عفو ائتدی دشمنی

سن بیل رسولین حقی اقا عفو ائله منی

وئرم قسم آقا سنی زهرا و حیدره

عفو ائت منیم گناهیمی رحم ائت بو مضطره

سنسن بو گونده عالم هستیده مقتدا

توبه م قبول اولا منی سن قیل اوزون دعا

کانال اشعار محمد هوشمند (مدهوش)

زبانحال جناب حر (ره)

زبانحال جناب حر (ره)

حر گمراهم گناهیمدن خجالت گلمیشم

عین ذلتده تاپوب راه سعادت گلمیشم

خواب غفتلدن بو گون چشم دلیم بیدار اولوب

مست صهبای تغافل، دفعتاً هوشیار اولوب

شایقم عقبایه بو دنیا گوزومده خوار اولوب

ایتمشم ترک جلال و جاه مکنت گلمیشم

من او غواصم که تاپدیم گوهر یکدانه می

ترک قیلدیم جان و ملک و شوکت شاهانه می

حیف اولا اما اگوب بار خجالت شانه می

اولموشام مستغرق دریای خجلت گلمیشم

واریدی میخانه عشقونده بانگ نوش نوش

بانگ نوشانوش سالدی جانیمه جوش و خروش

نه بیله بیر بزم اولار، نه سن کیمی بیر می فروش

ایلیوب دور بوی می، بو بزمه دعوت، گلمیشم

می نه می؟ بیر جرعه سینده نشئه مین جام وار

ذوق مستی وار، صفا وار، جذبه وار، الهام وار

سرخوشان بزم عشقه، یاردن پیغام وار

امن و الفت بزمی دور، بو بزم وحدت گلمیشم

منده گلدیم دست پیر عشقدن بیر جام آلام

لکه ننگی یووام اوز دامنیمدن، نام آلام

برق شمشیریله قلب خصمدن آرام آلام

قویمیام دشمن گوزینده، خواب راحت گلمیشم

ای ولایت ملکنه شاهنشاه عالی تبار

شکر اولا اللهه ختم اولوب انجام کار

من اوزوم گر چه امیر لشکرم، سرباز وار

خدمتونده ایتماقا هر گونه خدمت گلمیشم

سن کلیم عشق سن، کرب و بلا بیر طور حق

نشر اولار قانیله بوردان عالمه منشور حق

مه جمالوندا عیاندی انجلای نور حق

روحیمی مجذوب ایدوب، نور حقیقت گلمیشم

من سنی موجه گلن دریای رحمت گورموشم

اللرونده بارش ابر کرامت گورموشم

مه جبینونده شها، نور ولایت گورموشم

اولموشام مست می ناب ولایت گلمیشم

بیر نگاهندور ایدن توپراقی مطلق کیمیا

خاک کویوندور هامی درد اهلینه رمز شفا

سن طبیب عشق سن، من دردمند بینوا

ایتماقا اوز دردیمه بوردا طبابت، گلمیشم

باطلی ترک ایتمیشم تا حقه پشتیبان اولام

مکتب عشقونده گلدیم، طفل ابجد خوان اولام

ایسترم منده فدای مکتب قرآن اولام

وار سویدای دلیمده بیله نیت گلمیشم

لطف ایله قورتار غم و اندوه خجلتدن منی

اصغره فرض ایله بیر نوکر بو ساعتدن منی

بهره مند ایله فیوضات شهاتدن منی

قلبیمی لبریز ایدوب شوق شهادت گلمیشم

ساحل امیدسن، من غرق دریای گناه

بیر پشیمانم سرشک دیده بو امره گواه

باشیم اوسته سایه سال، ای سایه لطف الاه

محضروندن وار تقاضای عنایت گلمیشم

بیر گناهیمدن دوشوبدور اهل عالم حیرته

سد راه ایتدیم بو چولده، اهل بیت عصمته

نازپرور قیزلارون سالدیم هراس و وحشته

جسمیمی ایمدی دوتوب آثار وحشت گلمیشم

قویما تیر غم دل آشفته می چاک ایلسون

اذن ویر حره که قانین زینت خاک ایلسون

بلکه قان یوزدن غبار خجلتی پاک ایلسون

خجلتیمده قالمیوب حد نهایت گلمیشم

ایلمز راضی داخی بوندان صورا منصب منی

یاندیرار اما شرار درده بیر مطلب منی

نیلرم عفو ایتمسه بیرده خانم زینب منی

اود سالوبدور جانیمه سوز ندامت گلمیشم

دشمنوزده ایله کیم ذاتاً رذالت ارثدور

سیزده جدوزدن ولی نسلا اصالت ارثدور

بالاخص زینبده زهرادن نجابت ارثدور

تا باجون ایتسون منی، مرهون منت گلمیشم

لکه ننگی یوانماز دامنیمدن رود نیل

چاره سیز قالدیم گلوب درگاهوه دوشدوم دخیل

سیز قبول ایتسوز منی، رد ایلمز رب جلیل

من بو درگاهه به امید شفاعت گلمیشم

قویما روحیم جسمیمه بیر وصله ناجور اولا

کام دل شهد شهادتدن شها مهجور اولا

حر ایستور حشرده، عباسیله محشور اولا

قویما سینمده قالا بو داغ حسرت گلمیشم

من غریق بحر عصیان، سن کرم دریاسی سن

رهروان کوی عشقین سرور و مولاسی سن

دهرده هر بی پناهین ملجاء و ماواسی سن

بسلیوب دلده سنه چوخلی ارادت گلمیشم

تا قبول ایتدون منی، ای شمع حق پروانه سی

باده شوقیله دولدی آرزو پیمانه سی

بذل جاندور مقدمونده لطفوین شکرانه سی

ایتماقا جانیله جبران خسارت گلمیشم

قومادون حری قاپوندان، ای شه گردون حشم

دست خالی سائلی رد ایلمز اهل کرم

منده (مجنون) گنه کارم، سیزه خیل خدم

دلده وار بیر حاجتیم، ارباب حاجت، گلمیشم

شاعر : سید محسن رجایی (مجنون)

فرزند مرحوم سید حسین رجایی (ره)

!!! لطفا با نام کانال مدح و مرثیه کپی کنید !!!