در احوالات حضرت فاطمه زهرا (س)

در احوالات حضرت فاطمه زهرا (س)

 

رقم رقیمده خامه یازاندا زهرادن

خیالی وارگتوره سوزعلی اعلادن

 

علی چکن غمی دنیایه قسمت ایله سلر

اولونجه شاد اولان اولماز بیراهل دنیادن

 

ایشیت روایت عماری عرضیمه شاهد

بیله بیانگراولوب شرح حال مولادن

 

علینین او گوننکی حقی غصب اولدی

گوزونده گوندوزی تاراولدی لیل یلدادن

 

قاپوسی  یاندی دوگولدی عیالی جبریله

شهید محسنی اولدی فشاراعدادن

 

گوروبدی صدمه خانم فاطمه مریض اولدی

یواش یواش مرضین شدتی سالوب پادن

 

خلاصه اولدی مقام شهادته نائل

اوحالیله که یارالیدی نچه اعضادن

 

گیجه له دفن ایلدی نازنین جنازه سینی

دگولدی کامرواگروصال زهرادن

 

اولوب ایوینده معزانچه گیجه گوندوز

ایدوبدی رابطه سین قطع پیروبرنادن

 

ولی بیرعده منه اهل شهریدن دیدیلر

علی گورونموری عمار شهربطهادن

 

اگرچه خانه نشیندی گینه دیردی گوزه

گیدوبدی یوخسابیرآیری یره بو ماوادن

 

اودودمانه یولون وارسنون خبربول گور

هاراگیدوبدی کسوب علقه زشت وزیبادن

 

اراده ایتدیم علینی تاپام دیر عمار

یتم حضوره تفحس ایدم قضایادن

 

مشرف اولدوم علی دودمانینه بیرگون

ایوین نماسی آپاردی منی تقاضادن

 

قیچیم سینیدی دیدیم کاش گلمییدیم من

غم آیداولدی منه حدسیزبوسودادن

 

آقام علینون ایله حالی حالیمی پوزدی

دولوپ گوزوم چیخام آزقالدیکه شکیبادن

 

حسن صاقینداصولونداحسین اوتورموشدی

توکردی گوزیاشی رخساره چشم شهلادن

 

چکردی باشلاریناال یتیمه قیزلارینین

اوپردی رائفتیله زلف مشک آسادن

 

ایله آنا تک آناسیزلارا محبت ایدیر

باخاندادیده دل حظ  ایدیر تماشادن

 

دیدیم خلاصه اونامردمون دیین سوزونی

بولوردی گرچه اوزی ماجرانی اولادن

 

بیوردی ایلدون عماردردیمی تازه

ساغالمیندی اگرچه گیچوب مداوادن

 

یادونداواردی وفات خدیجه کبرا

آلوب توانینی آلدی قرارطاهادن

 

پیمبرایوده اوتوردی عزادوتوب نچه گون

صباوشام توکوب اشگ چشم بینادن

 

سنون کیمی منیده خلق اوناایدوب مامور

تاپام پیمبری واقف اولام معمادن

 

یتوب حضورینه اندوهه مبتلاگوردوم

منیده سالدی غمه حالت غم افزادن

 

دیدیم عم اوغلی فداگوزلرووه آز آغلا

توان آلیرغم ودردین سپر مینادن

 

جواب ویردی علی سختدورفراق نگار

مگرتوجه اولا کردگار یکتادن

 

اولاخدیجه کیمی بالخصوص کان وفا

نیین دیوم اولابیرقطره بلکه دریادن

 

فراق یاره پیمبردوزنموری عمار

اونیله بیردگولم گرچه هیچ زوایادن

 

اوزون حساب ایله زهراهاراخدیجه هارا

ایکیسی بیراولابولمزله هیچ زوایادن

 

خدیجه نون قاپوسی یانمیوب کوته یمیوب

آغارمیوبدی قرازلفی ظلم اعدادن

 

علاوه عمرطبیعی ایدوب معمراولوب

گینه پیمبری حسرت اوخی سالیرپادن

 

دیوم بومطلبی حق ویرمنه که شاهدسن

گرک اولونجه یانام بوعزای عظمادن

 

ثقیفه اهلی جوان اولدوروبله زهرانی

اوزون حدیث مفصل اوخی بوایمادن

 

ویرنده غسلونی نه چکمیشم بولورالله

نه یوزویروبدی سوروش ماجرانی اسمادن

 

قاریشدی سینه سینین قانی غسلونون سوونا

سزادی آهیم اوخی گیچسه چرخ خضرادن

 

الیم قولوندادگوب تازیانلریرینه

خجالت اولدوم اوآزرده شاخ رعنادن

 

حیاسی عصمتی لطفی منی اوتاندیردی

دوزوب نه ظلملره قوم طبع سفلادن

 

منه کی محرمیم ورمیوب نشان گوردوم

نشان ویرورولی بیرسری واراواخفادن

 

منیم رعایت ایدوب حالیمی وفاسیندن

گوروبکه چوخدی غمیم حدوحصرو احصادن

 

گوزومده اود دیسن پارلادی گورنده گوزون

مزین آق گل اولوب رنگ زردحمرادن

 

بونظم شعره سخندان اولوب سبب یازیلوب

تشکرایله همیشه اومرد دانادن

 

ریاست اوسته بلی آدلاری مسلمانلار

اولولا (حافظی) ادنا یهودو ترسادن

 

مرحوم حافظی تبریزی

منبع مجموعه کانالهای مدح و مرثیه

در احوالات حضرت زهرا (س)

در احوالات حضرت زهرا (س)

 

اسما دِیَر که فاطمیه صاحب الزمان

آغلار گوزیله غسل ویروب نصف شب نهان

 

باخدوقجا مغسل اوسته علی اوز نگارینه

خون دیلون روانه اِیلردی عذارینه

 

ایله سیزلدیاردی سینخ نی کیمی علی

دلدن یاناردی بس که غم آشکارینه

 

بیر لحنیله دیردی که وای حالیمه منیم

لرزه دوشردی یکسره یثرب دیارینه

 

گوردوم اَلون آپاردی اِیدور معجرین کنار

احساس ایلدیم دگور اوز اختیارینه

 

بولدوم گوزونده جلوه لنور غم نشانه سی

قلبیم دوام اِیتمدی اول حال زارینه

 

عرض اِیلدیم بو شدتیله آغلوسان نَدَن

اَسمانی آگه اِیت خبر ناگوارینه

 

نطقه گلوب بویوردی امام بزرگوار

قلبیم یانور ولایتین آیینه دارینه

 

مسمار علاوه باغریمی قان ایلیوب منیم

بیر ضربه ده دگوبدی بتولین عذارینه

 

پیغمبرین امانتینه ال آچوب عدو

نار دگر سالوبلا دل داغدارینه

 

نیلی اولوبدی صورتی قان آغلادور منی

غم لشکری اودور که سالوبدور حصارینه

 

بولدون ندن دوتاردی یوزون فاطمه منه

جانیم فدا اولا بو دل بردبارینه

 

گیزلتممیشدی فاطمه مندن اورک سوزون

دردین دِیَردی دایماّ اوز غمگسارینه

 

مانع اولوب حیاسی منه آچمیوب سوزون

درد دیلون دیوبدی فقط کردگارینه

 

تقدیره باخ بو یرده قضا اقتضا اِیدوب

گیزلین قالوبدی سرّی بو غملر دچارینه

 

هیهات بیرده قلبیم آچیلسون بو غصًه دن

چون که سبب اولوبدی بو غم احتضارینه

 

پیغنبرین وصیتینه باغلیدور قولوم

یوخسا سالاردیم اوت بولارین روزگارینه

 

زاغ و زغن اودور که بیله جرعته گلوب

حیدر گرک باخوب یانا اوز ذولفقارینه

 

چرخ فلک چووردی علینین دونرگه سین

صبر ایلیم گرک هامی دنیا فشارینه

 

نیسکیل اولور که شهر پیمبرده فاطمه

گیزلین گیدور اورکده یارا ئوز مزارینه؟

 

عمروم بویی بو نیسکیله قان آغلیام گرک

قلبیم یانا اولونجه بو محنت شرارینه

 

قبره قویاندا وای منه گر دست مصطفی

گورسنسه آرتاجاخ اورکین غصّه بارینه

 

بیر یول بویورسا آیینه قلبیمی سینوب

بسدور بو سوز مماتیمین انجام کارینه

 

آسان بولمه بو غم عظمانی حیدره

درد آرتروب بو نیسکیلی غم شهریارینه

 

توشه اولار بو نوحه لرون محشره #عتیق

چون که قلم الونده آخیر اوز آخارینه

 

بیر عده نی  بیرعده آلوب روزگاریده

سن باخما جیره خواریلرین جیره خوارینه

 

یاز نوحه آغلا جیره وی زهرا ئوزی ویرر

دخت نبی محبت ایدر ئوز هَزارینه

 

اغیاریله نه نسبتی زهرا سوونلرین

عاشق اودور که عاشق اولا سازگارینه

 

هر گونده بیر لباسه دوشر جیره خوار دون

بیگانه لرده لَعن اَیدوری طرز کارینه

 

جناب استاد طهمورثی (عتیق)

منبع مجموعه کانالهای مدح و مرثیه

در احوالات حضرت فاطمه زهرا (س)

در احوالات حضرت فاطمه زهرا (س)

 

جان اوسته باخدی فاطمیه شاه انس وجان

بیر ضجّه چَکدی شدتیله اِیلدی فغان

 

گریان  گورنده  فاطمه  شاه ولایتی

موجه گلوبدی سینه ده بَحر محبتی

 

عرض اِیلدی عم اوغلی علی آغلاما بیله

توکمه عذاره سیل کیمی اشک حسرتی

 

حسرت گوزیله باخما منه گلمه شیونه

خُسفه آپارما اشکیله اول ماه طلعتی

 

چوخدا بو دمده فاطمه نین قالما قیدینه

تقدیر اقتضا ایلیور هر مشقتی

 

قربان اولوم جلالتیوه ، لطف قیل منه

سال چیگنیوه دوباره قَبای خلافتی

 

باخسون دویونجا گوز دولوسی فاطمه سنه

ارزانی اِیله فاطمیه بو ضیافتی

 

مدتدی که بو وصلی من ایلردیم آرزو

جان اوسته باشیمه سالاسان ظِل رحمتی

 

حمد اِِیلرم خدایه نصیب اولدی وصل یار

تاپدوم غریبه وقتیده فیض زیارتی

 

اِیندی نَیم یوخومدی منیم روزگاریده

حاشا ویرم بیر عمره جهاندا بو ساعتی

 

ویرمَم بو وصله گر ایکی دنیانی ویرسلر

لطفون فراهم اِیتدی غریبه سعادتی

 

 سن لطفویله باشیمی عرشه اوجاتموسان

قربان اولوم قدومیوه که جاندی قیمتی

 

گل نطقه بیر منیله دانش درد دل اِیداخ

قورخوم بودور که چیخسون اَلیمدن بو فرصتی

 

جانیم یِتوب دوداقیمه ای شاه مشرقین

چکدیم زبس که دهریده سنگین ریاضتی

 

زهرانی گوز یاشون کیمی گوزدن عم اوغلی سال

دلدن سالوبدی درد و غم  بی نهایتی

 

دیوار تکیه ایلیورم یول گیدن زمان

گلمیر دالیمجا هر نه اِیدیرم پای همتی

 

چوخ قالموری یومام گوزومی دار محنته

لازمدی که اچام سنه بو غملی صحبتی

 

بیر نچه لحظه فاطمه مهمانیدور سنه

رخصت بویور بیان اِیلیوم بو عبارتی

 

عرض ایلیم گلوبدی نَلر باشیمه او گون

آزمدت ایچره تاپدی باشیم چوخ مصیبتی

 

درگاهیمی یاناندا علاوه سینوب قولوم

بیر یاره ده ، اورکدن آلوب طاب و طاقتی

 

مسماریله نه نسبتی بو داغلی سینه نین

مرهم گوتورمیندی بو کاری جراحتی

 

توکمه عذاره گوزیاشیوی مندن ال گوتور

ترک ایلیم گرکدی که من بزم وحدتی

 

بیر نائبه بو ایوده قویور فاطمه گیدور

ایلر سنه منیم عوضیمدن حمایتی

 

حامی اولار ولایتیوه هر زمان سنون

الله بولور نه قَدری اونون وار لیاقتی

 

تاپشیرمشام حسینی گوزی اوسته ساخلاسین

من تک اونوندا آز قالور اولسون قیامتی

 

کرب و بلاده زینب آدی شهرت ایلیر

دنیانی یکسره دوتاجاخ نام و شهرتی

 

روز الست اولوبدی حسینه شریک غم

باشه ویرر شراکتی چون وار صداقتی

 

کرب و بلاده قانلاری قویماز خَفی قالا

عالملره تانیتدیراجاخ قانلی نهضتی

 

من واقفم ، که واقف اسراریسن ئوزون

بیر عالمین الونده دی یکسر هویتی

 

سینم دولوب غمیله اودور نطقه گلمیشم

قبره اورکده گیتمیه تا درد و محنتی

 

عرضیم تمام درد دیلیدی عم اوغلی جان

بو غمکشین اورکده ده وار بیر وصیتی

 

 ئولسم عنایت ایله منه غسل ویر ئوزون

قوی کوینکیم بو تنده قالا وار چون علتی

 

دوشسه گوزون بو یاریه که آغلیوبدی قان

 قلبون یانار ، جهانه ویرار اُوت ، حرارتی

 

گیزلینجه دفن ایله منی، قبریم نهان اولا

آگاه اِیتمه دفنیمه مرحومه امتی

.......

 

اِِیتدی خانم وصیتینی یومدی گوزلرین

تبدیل ایدوبدی ماتمه زهرا او خلوتی

 

چکدی علی ولی خدا آه جان گداز

گلدی نوایه درد و اَلمدن او حضرتی

 

یوز دوتدی شه بالالارنا اِیلدی خطاب

ای وای منه که اولدی پیمبر امانتی

 

نیسکیلیدور وصیتی ، قبره گیدور نهان

آغلار قویوبدی حاکم عدل و عدالتی

 

قان آغلیون که باغرینی قان ایلیوب عدو

یکسر قویون کناره بو دم قِید خجلتی

 

یَثربده غمکشیده آناز چوخ غریبدور

داندی اصالتین، بو دیارین جماعتی

 

گویا که بیر نفر تانیمور کیمدی فاطمه

پیغمبریله گتدی مزاره جلالتی

 

معصومه دور محجبه دور فاطمه آناز

اللرده ئولدوربدوله ، بو کان عصمتی

 

مندن غمین نهان اِیلیوب چون نجیبه دور

مانع اولوب بو فعلینه تنها نجابتی

 

عیسی آناسی غبطه ایدوبدور جلالینه

مین مریمه مقامیده وار افضلیتی

 

حشره گلنده ناقه ده صدیقه طاهره

خلق جهانه فاش اولار اوندا فضیلتی

 

یاز غملی نوحه آغلا بو ماتمده ای (عتیق)

روز جزا یِتَر سنه زهرا شفاعتی

 

هر کیمسه نین که حُب ولا سینه سینده وار

سالماز دله محبت هر بی بضاعتی

 

احساس اِیتمه واردی هامی کیمسه ده مرام

هر کیمسه نین خیال ایلمه وار فراستی

 

چوخلار یازوبدی نوحه ئوزون مطرح اِیلیه

یوخدور یانیمدا بیر بیله اشخاصین حرمتی

 

شاعر اودور که طبعی اولا شعر خلق ایده

مرقوم ایتمیه او یازیلمیش کتابتی

 

شعر (حسینی) (صافی) و (شانی) نشان ویرور

هر بیر گولون وار آیری بیر عطر و طراوتی

 

جناب استاد طهمورثی (عتیق)

منبع مجموعه کانالهای مدح و مرثیه

در احوالات حضرت زهرا (س)

در احوالات حضرت زهرا (س)

 

خلق اِیلیوب خدا بشری نچّه علته

بیر علتی اشاره اولوبدور عبادته

 

بیر علتینده معرفته وار اشاره سی

انسانی معرفت یتیرر اوج رفعته

 

بیر علتیده عهده وفادور ، گر اولماسا

 حاشا یِته جهاندا بنی آدم عزّته

 

قران بیزه چراغ هدایتدی لاکلام

نازل اولوبدی قلب، خداوند رحمته

 

البته دلده اولماسا گر حُب مرتضی

ممکن دگور اَیاق قویاسان باغ جنّته

 

جَنّت او کسلرین یِِریدور روزگاریده

یول ویرمیوب محبت هر بی کفایته

 

دل ملکینی محبت یاره اِیدوب مکان

ویرموب مقام شاهدی ارزان قیمته

 

بیرده آنا محبتی زیبنده دور دله

احسان حقّدی دهریده یکسر جماعته

 

هر کیمسه نین که واردی محبت آناسینا

قربان اولوم او دلده کی عشق و محبته

 

حَقّا آنا محبتیدور هانسی دلده وار

گنجینه ایلیوب دلی آیات رحمته

 

قیزلار بولر محبتینین اصل و رسمینی

یوخدور توان خامه ده شرح عبارته

 

گورسه اگر محبت اونا اِیلمور آنا

رخصت ویرر گوزونده او دم اشک حسرته

 

باخسا  آنا او گوزدن آخان اشکینه اونون

قلبی یانار او غمده دوشر اوزگه حالته

 

فوراً گلوب دوتار دله مین دل دیر اونا

اِیستر که روحی دوشمیه رنج و اذیته

 

بو نوعیله علاوه که قیز ایسته دَر ئوزون

فعلینده یوخ نیازی جهاندا وساطته

 

هر چند که بو فعلده وار چوخ مهارتی

آرتوق نیازی واردی ولیکن حمایته

 

حلال مشکلات بولر ئوز آناسینی

سسلر هراینه  اِیشی دوشسه صعوبته

 

واقفدی که آنا کیمی یوخ قلبیدن یانان

باخ سن اوشاقدا ای دل غافل فراسته

 

بیر آنیده سالور یول آنا قلبینه بالا

حیران قالوبدی خلق بو اعجاز خلقته

 

دقتله باخ  آنان کیمی دلدن یانان هانی

گولدور آنا او گولده باخ عطر و طراوته

 

دنیا بویی گوزلیقی قلبینده گورسنور

معنای حُبی گور نه چکوب صور صورته

 

اِیتسه دعا اگر بالاسین مستجاب اولار

الله دعاسینی یِتیرَر استجابته

 

گلدی بو یرده رشته مطلب اَله (عتیق)

سعی ایله ویرمه فرصت عالینی غفلته

 

یاز زینبین او حالینی که گوردی فاطمه

بیر اللی یاره باغلوری دوشموش اذیته

 

توکدی عذاره گوز یاشینی عرض اِیدوب آنا

گیزلتمیسن بو یاره نی آیا نه علته

 

نطقه گلوب بویوردی قیزیم من نجه دوزوم

آغلار گوزیله سن باخاسان بو جراحته

 

قالوبلا سالوبدی بلایایه باشیمی

عمروم چوخ آز قالور که یتیشسین نهایته

 

لازمدی که آچام سنه بیر غملی صحبتی

دیداریمز نه چون قالاجاخدور قیامته

 

جاندان عزیز آتاندی بیزه روزگاریده

خدمت ایله اولونجه او شاه ولایته

 

 خدمت ایله او خدمتیوه فخر ایله مدام

یتدون صغیره سنیله عالی سعادته

 

دلده رضاسی بول گیلن الله رضاسیدور

تقدیر حقدی توش اولا سنگین ریاضته

 

جدین منه بویوردی علی باب علمیدور

بش گون قوناق گلوبدی بو دنیای ظلمته

 

قاصردی خامه لر یازا شان و جلالتین

مینلر کتاب اولار یِتیشه گر کتابته

 

 باخما سقیفه اهلی یوزون دوندروب اونا

جاندان یانار امام زمن حال امته

 

بیر گون بولار که دوندروب ئوز ئُوز امامینه

بیر گونده بیعت ایلمیشیدی او حضرته

 

افسوس اولا که پوزدلا بیعتلرین تمام

آلاندلار جهاندا کَذایی ریاسته

 

بیر غملی سوزده وار که اِیدم فاش من سنه

قلبون مکان اولار گِینه بیر تیر محنته

 

سسلر حسن که گل انا جان دادیمه یتیش

قالمور جهاندا تاب و توانیم سکینته

 

قارداشیوین یتیش او زماندا هراینه

 اول نائبه او دمده قیزیم بو وصیته

 

جان تاپشیراندا گوزلرینی باغلا زینبیم

تا دوشمسین دوباره گوزی دار محنته

 

تَشته گلر جگرلری قان آغلادار سنی

قان آغلاسان دوباره بیر آیری عبارته

 

بوندان بویوک بلاده هله باشیوی تاپار

 کرب و بلا چولونده قالارسان مصیبته

 

بیر بیر باتالا قانه جوانان هاشمی

نوبت یِتن زمانیده شمس هدایته

 

اول پیرهن که فیضّیه تاپشیرمشام اونی

آل رد ایله او چولده شه با کرامته

 

 قارداشیوین او دم عوضیمدن بوغازین اُوپ

باخ بیر دویونجا گول کیمی سولموش او صورته

 

اِیله سوار مرکبه عزتله سال یولا

قان لُجه سینده تا یِِتیشه بزم وحدته

 

  عهد اِیلیوبدی اِیلیه ایفا ئوز عهدینه

لازمدی که او چولده یِتیشسین شهادته

 

آیرلسا بیرده خیمیه گلمز حسینیمی

نائل دوباره که اولاجاخسان زیارته

 

اُول نائب الزیاره منه مقتلینده سن

اولادی سندن اوزگه سی کیم بو نیابته

 

چوخدا یوبانما چون که گلر غارته قوشون

غارت دئمه که اوخشیاجاخدور قیامته

 

قالسا قالار او چولده سنه بیر یانان چادر

مسکن اولار او قورخلی صحراده عترته

 

بیر جرعه سو ربابه او دم بولدقون اِِیدر

سسلر سوسوز بالاسینی پی در حمایته

 

تاپشیرمیشام حسینه اَحبانی من (عتیق)

قبره گیدنده داده گله دوشمه وحشته

 

هر کیم حسینه آغلیا اولام شفیعه من

مشمولیدور شفاعت آل طهارته

 

محشرده آغلاماز کیم حسینه گر آغلیا

اشک روانی ناصر اولوب قانلی نهضته

 

استاد طهمورثی (عتیق)

منبع مجموعه کانالهای مدح و مرثیه

زبانحال حضرت فاطمه (سلام الله)

زبانحال حضرت فاطمه (سلام الله)

 

توکمه عارضه گوزیاشین بیله

ایتمه آه و افعان عم اوغلی جان

آغلاما سنه فاطمه فدا

باغریم اولدی القان عم اوغلی جان

 

من بو حاله قالدیم که گورمیم اشک چَشمیوی عارضه آخور

گوزلریم دوشنده سرشکیوه غملنیر اورک یاندیرور یاخور

ایستیرم سنه سینه داغلیام حسرتیله اولدوزلاریم باخور

بیر بیره دئیولر که اولمیا یِتدی وقت هجران عم اوغلی جان

 

اوت دوتوب یاناندان قاپوم منیم قلبیمی اِحاطه ایدوب محن

کیم گورور دیور چوخ قوجالمیسان نیسکیل ایلیور آغلیور حسن

 دم به دم دِیور ای خدا نَدن یاندی درگه شاه ممتحن

پشت درده آیا نه علته قلبی اولدی شان شان عم اوغلی جان

 

مجتبانی آغلار گورن زمان سس ویرور حسینیم صداسینه

سسلنور حسینیم دیور خدا ویر شفا بو غم مبتلاسینه

منده لاجرم سس قوشوب اونا آغلورام اونون کربلاسینه

واقفم ئوزوم عاقبت منی ئولدورر بوعنوان عم اوغلی جان

 

بیر دگور یانان دلده محنتیم مین غمیله من سینه داغلورام

خیرداجا اوشاق یاره باغلاماز لاجرم ئوزوم یاره باغلورام

 هیچ کسه بو دردی دینمیرم دلده دردیمه گیزلین آغلورام

سعی قیلمیشام ساخلیام هله من بو فعلی پنهان عم اوغلی جان 

 

 ای ولی حق دلده دردیمی فاش اِیدم اگر یوخ نهایتی

گوئیا بولور زینبیم که وار سینه مین بویوک بیر جراحتی

بو کِچن گیجه سویلدی آنا ، یوخدی یاره وین چوخ اَذیتی؟

لاجرم ددیم یوخ قیزیم ولی آغلیور یارا قان عم اوغلی جان

 

هر زمان موّذِن اذان ویِرر پهن اِیدر یره فوری جانماز

سویلیور آنا تکیه اِیت منه حائلم سنه باشلا قیل نماز

لطف قیل فقط ایستمه ئولوم گل بو فعلدن اِیتمه پیشواز

دردیلن اودور سازش اِیلورم دوشمشم ایاقدان عم اوغلی جان

 

رحلت اِیلیندن رسول حَق قلبیمی احاطه اِیدوب ملال

شاهدیم ئوزونسن که تاپمورام درد و غصه دن یا علی مَجال

خدمتیمده اولسا قصور اگر حقیوی منه ایله سن حلال

 سن او شاهیسن اهل عالمه ایلیرسن احسان عم اوغلی جان

 

سن او شاهیسن چُوخ یَتیمه نین روزگاریده گوگلون آلموسان

عرشیدن بوتون اهل عالمه ظلً رحمت حقی سالموسان

 یوخ نَیم منیم روزگاریده قیدیمه بو عالمده قالموسان

قوی دیوم کراماتون حظّ اِیدوم چیخمیوبدی تا جان عم اوغلی جان

 

ئولسم ای عم اوغلی عنایت اِیت غسلومی گیجه یاری ویر نهان

کوینکیم بو جسمیمده قُوی قالا باغرین اولمیا بلکه لخته قان

دفن ایله دل شبده سن منی قبریم اولمیا هیچ کَسه عیان

غربتیم فقط ایلیر سیزی یصرب ایچره نالان  عم اوغلی جان

 

واقفم بونا ئوز علاقه سین روحیم آز قالور جسمیدن کَسه

دورت بالام یانا سوز هجریمه بید تک یانان دللری اَسه

ویرسلر اگر چه بو دورت بالام ماتمیمده بیر آنی سس سسه

عالمه برابردی نینیرم گلدی آیری مهمان عم اوغلی جان

 

قلبیدن بو ماتمده یان (عتیق) نوحه یاز اوخی آغلا روز و شب

محشره بویوک توشه بول گیلن اولسا گرچه بیر بیتی منتخب

بیرده مطلعی یاز بو بیتیده چون که قلبیوه سالدی تاب و تب

توکمه عارضه گوز یاشین بیله اِیتمه آه و افغان عم اوغلی جان

 

طهمورثی (عتیق)

منبع مجموعه کانالهای مدح و مرثیه

زبانحال امیرالمومنین حضرت علی (ع) در احوالات حضرت زهرا (س)

زبانحال امیرالمومنین حضرت علی (ع)

در احوالات حضرت زهرا (س)

 

 قبر زهرایه علی دائم اورکده تاب و تب

 یول سالاردی ناله ایلردی ولیکن نصف شب

 

سَسلنردی بو منم نالان فرقت فاطمه

قلبیمی اِیلوب اِحاطَه درد و محنت فاطمه

 

گوگلوم اِیستیر روز و شب بو یرده سینه داغلیام

روز روشن قسمت اولمور بو سعادت فاطمه

 

 مرتضانی آیری بیر احواله سالدی فرقتون

تنگ اولوب سنسیز منه دنیای ظلمت فاطمه

 

 آچ گوزون دور قبریدن باخ گور نه حاله قالموشام

بی سبب آخمور عذاره اشک حسرت فاطمه

 

ای منیم اِیستکلی دلداریم نه خوابه گِتمیسن

نطقه گل درد و غمیندن اِیله صحبت فاطمه

 

درد اَلیندن دینجَلوبسن قبریده یایوخ هله؟

من کیمی دردون و یا اِیلوبدی شدت فاطمه

 

اولمادی بیر دم گورم آسوده خاطر اولموسان !

درد و غمدن قبریده اولدون نه راحت فاطمه

 

احمد مختارین اشکی مَرهَم اولدی یاره وه

من که اشکیله اِیدنمزدیم طبابت فاطمه

 

آغللادوقجا یاره لر قان آغلاداردی حیدری

خشگ بند اولموردی سیننده جراحت فاطمه

 

دردیوه چوخ سعی قیلدیم تاپمادیم اما دوا

بو مصیبتده نهاندور هانسی حکمت فاطمه

 

لازمیمیش غم غم اوستوندن قالانسین قلبیوه

قالسین آغلار حاکم عدل و عدالت فاطمه

 

من دعا اِیتدیم نصیب اولسون شهادت اولمادی

سن دعا ایتدون ولی اولدی اجابت فاطمه

 

تک نه سن چاتدون اورکده مقصد و مقصودیوه

قسمت اولدی محسنه فیض شهادت فاطمه

 

سسلدون تا پشت درده فیضّه نی امدادیوه

نچّه یول اولدوم دیریلدیم من او ساعت فاطمه

 

 کشمکشده همتون حاشا که خاطردن چیخا

کیم بولر اِیتدون منه آیا نه نصرت فاطمه

 

 کوچه ده ای کاش اولیدیم منده، اما اولمادیم

اقتضا اِولدی منه اوندا مشیت فاطمه

 

نصف شب غسلون ویرنده سرّون اولدی برملا

 قاتلون گوردوم ایدوب اوزگه جسارت فاطمه

 

آیری بیر احواله قالدوم تا گوزوم گوردی یوزون

جانیمی آز قالدی آلسین بو عبارت فاطمه

 

ناگهان گوردوم حسن آچدی او کوچه صحبتین

گورسنوب گویا قیامتدن علامت فاطمه

 

مجتبانین قلبی غمدن اِیلیوب ایله وَرم

عاقبت دلدن سالار بو درد و محنت فاطمه

 

کاش حسینه اولمییدی ظلم ثانی برملا

 کربلاسینده اونون وار چوخ مصیبت فاطمه

 

بیر اِیله احواله قالمیشدی بالالارون او دم

گِتمیشیدی اللریندن صبر و طاقت فاطمه

 

باغرینا باسمشدی کلثومی او دمده زینبون

واردی بیر دنیا بویی اوندا لیاقت فاطمه

 

 همتین تنها اویرده اِیتمیوبدور بر ملا

اِیلدی شام غریبانونده همت فاطمه

 

بیر ایله شام غریبان حشره تک اولماز اولا

آیری بیر عالم یارانمشدی او ساعت فاطمه

 

سس ویروردی زینب و کلثومه هر دمده حسین

 قلبینی آلموشدی درد بی نهایت فاطمه

 

گوز یاشین گوزدن روان ایتدی عذاره صبحه تک

اشک چشمیندن بیر آن اِیتموب قناعت فاطمه

 

گر چه هیچ کیم گلمدی شام غریبانه اودم

ماتمه ویردی حسینون آیری زینت فاطمه

 

نوحه یاز بو ماتم عظماده آغلا ای (عتیق)

دستگیرون تا اولا روز قیامت، فاطمه

 

جناب استاد طهمورثی (عتیق)

کانال اشعار جناب طهمورثی

اینستاگرام جناب طهورثی

زبانحال حضرت فاطمه زهرا (س)

زبانحال حضرت فاطمه زهرا (س)

 

ای امید زهرا هایانداسان جان یتوب دوداقه عم اوغلی جان

جور خصم ایاقدان سالوبدی گل آز قالور فراقه عم اوغلی جان

 

ای پناه عالم عنایت ایت باشیم اوسته سال ظلّ رحمتون

گرچه حالیمه هر نفس اولوب شامل التفات و کرامتون

آخِرین دقایقده اُلمه میش بو مریضه اولسون عنایتون

بستر اجلدن چتین داخی من دورام ایاقه عم اوغلی جان

 

رنجه قیل قدم فیض لطفیدن بزم انس خلوتدی یاعلی

باشیم اوسته اگلش دانیش دانیش دم بو دم غنیمتدی یاعلی

یار یاریله درد دل ایده ایمدی یاخشی فرصتدی یاعلی

چوخ محالدور بیرده بیر بیله فرصت اتّفاقه عم اوغلی جان

 

دلخوشام مقام رضاده من قسمتیمده کی سرنوشتیله

فارغم وجودینلا یوخ ایشیم نه بهشتیله نه کنشتیله

سن منیم بهشتیم سن ایتمرم گل یوزون عوض مین بهشتیله

حسنیوین وجودیله هر ندن کسموشم علاقه عم اوغلی جان

 

ظاهراً منم، یوخسا باطناً محو اولوب وجودوندا سندیم

ذرّه اُلماقیمدان غم ایتمرم عشقیوین وجودیله زندیم

آند اولا جلال جلالیوه درگه تولّاده بندیم

حلقه سین ازلدن ولایتون سالموشام قولاقه عم اوغلی جان

 

ذرّه ذرّه اعضای پیکریم ذکر ایدر دمادم دیر علی

قلبیم اللریم گوزلریم دلیم هر نفسده باهم دیر علی

رمز اسم اعظم آدیندادی آدمیله عالم دیر علی

عالمیله آدم فدا بیله جاه و طمطراقه عم اوغلی جان

 

عالم ازلدن ولایتون عالمینه حصن حصین اولوب

کیم قدم قویوبدور سعادتی آخرتده عین الیقین اولوب

حبّیوین وثاقی نه تک منه اهل عشقه حبل المتین اولوب

رستگار اولوب پایبند اولان بیر بیله وثاقه عم اوغلی جان

 

گنجدور جهاندا ولایتون، ‌شایقم ازلدن بو گنجه من

شوقیله بو گنج اوسته دوزموشم هر مصیبت و درد و رنجه من

بو ولاده نرم ایتموشم اودور درد و رنجیله دست و پنجه من

درد و رنج گلدوقجا گلموشم شور و اشتیاقه عم اوغلی جان

 

ویرموشم بلایه ازل بلی، وار رضایتیم سرنوشتیدن

بستر حریره نه حاجتیم بالش ایلرم پاره خشتیدن

محضرونده بیر لحظه اولماقین باشدی سلسبیل و بهشتیدن

سلسبیل و جنّت هاچان چاتار بو شریف اتاقه عم اوغلی جان

 

عیش فصل وصلت چاتوب باشا، باشلانوب غم موسم فراق

بیرده محفل قدس انسیده حاصل اولماز ایّام اتّفاق

هجر اودوندا یوخ چاره میز گرک سنده منده بوندانصورا یاناق

من جهاندا، منده مزاریده اودلاناق فراقه عم اوغلی جان

 

گوزلرون فداسی بو گوزریم بیر نظر، نظر قیل بو حالیمه

گور نجه ایاقدان سالوب منی اود دوشنده باب جلالیمه

شرحه یوخدی حاجت نشان ویرر گر نظاره ایتسن جمالیمه

کیم نجه جهالت تفاقیمی دوندروب نفاقه عم اوغلی جان

 

عفو قیل باغیشلا، جنابیوه زحمت و عنادن بودور غرض

لطف ایله نچه وار وصیّتیم ایتمه میش روان قبره بو مرض

کفن و دفنیمی ایله سن گجه ای حقیقت جوهر و عرض

دیو و دد رضا اولما ال تاپا دولت وفاقه عم اوغلی جان

 

بیر نچه دقیقه قوناقیوام محضر شریفونده بو گجه

بزم انسیده فیض وصلیدن توشه حاصل ایتموم نه چون نجه

صبح اولونجا شمع حیاتیمی سوندورر اجل ساخلاماز گجه

کاش آچیلمیه صبح، گون باتا آی دوشه محاقه عم اوغلی جان

 

اشقیا بو گون یاندیروب بیر اود سهلدور اولا حشره تک خموش

اود نه اوددی بولمم که اودلانور جانیمه سالور اودلی بیر خروش

بو همان او اوددور که اوغلوما واقفم اولار کربلاده توش

خیمه سی جلالی یانار بوتون سوز احتراقه عم اوغلی جان

 

واقفم که بیر گون گلر گیدر جبریله عراقه بالام حسین

کربلا چولینده قتیل اولار اهل کین الینده بو نور عین

جان ویرنده مقتلده تشنه لب ای شهنشه مُلک نشاتین

من گلنده لطف ایله سنده گل جانب عراقه عم اوغلی جان

 

یاعلی او گونده حسینیوی اُلدوررر سوسوز فرقه ی نفاق

سهلدور ایله ظلملر اولار اوغلیوا گوزوندن او گون ایراق

جسمی کربلاده قالار، باشی کوفه ده گیدر خولیه قوناق

کینه دن نیدر من دینمورم میزبان قوناقه عم اوغلی جان

 

ای امیر مُلک رفیع عشق اوز غلامیوه بیر عنایت ایت

مستحق بو شبخیز عاشقه خاکساریمیزدی کرامت ایت

اولسا گر خطاسی گذشت ایله موقف جزاده شفاعت ایت

سالماسون صف حشریده باشین شرمیدن اشاقه عم اوغلی جان

 

مرحوم عباس شبخیز

منبع مجموعه کانالهای مدح و مرثیه

در احوالات حضرت زهرا (سلام الله)

در احوالات حضرت زهرا (سلام الله)

 

دیده حق بینی یومدی عالمه خیرالنساء

 دفنینه فوراً تدارک قیلدی شاه ماسوا

 

چون وصیّت اِیلمیشدی اولسه گیزلین دفن اولا

صبح صادق اولمامیش اولدی او امری جابجا

 

آز زمان ایچره بو فعلی بولمه آسان حیدره

بیر نچه قبرین او یرده طرحین اِیتمیشدی بنا

 

یِتدی تا اتمامه گیزلینده بو فعل جانگداز

مرتضی گلدی یانان درگاهینه چکدی قرا

 

تا ایشخلاندی هوا بولدی جفا اهلی تمام

دفن اولوب زهرا، اونا حیدر دوتوب اِیوده عزا

 

بو خبر گلدی سقیفه اهلینه بس که گران

جمع اولوب تشکیل شورا ویردی اول قوم دغا

 

صورت ظاهرده بیر عدّه سالوردی توطعه

صورت باطنده اولموشدی جهان ماتمسرا

 

دوتدولار تصمیم آچسونلا بتولین قبرینی

تا نماز مِیتی بوبکر ئوزی اِیدسین اَدا

 

ثانی بی دین قاباقدا آردیجا مردان پست

اولدولار راهی بقییعه یکسره اهل جفا

 

ویردی بیر کیمسه او دم مولایه گیزلینده خبر

آشنای اهل دل اولماز اولا بی آشنا

 

تا اِئشیتدی اِیستیور ثانی اِیده نبش قبور

اَل آپاردی ذوالفقاره لاجرم شیر خدا

 

باغلیوبدور بیر ساری دسمالی فوراً باشینه

یتدی قبرستانه صیحه ویردی میر مقتدا

 

کیم بتولین قبرینه قصد اِیلسه بولسون بوگون

ذوالفقاریله علی اِیلر باشین تَندن جدا

 

اولدوربسوز ظلمیله پیغمبرین ریحانه سین

قویمسوز قبرینده ده زهرانی سیز راحت یاتا

 

کیمده جرأت واردی آچسون دخت طاها قبرینی

تیغ تیزیمله گرکدور ختم اولا بو ماجرا

 

باخمیون زهرانی دویدوز ئوز قاپیمدا دینمدیم

دعوت اِیتمیشدی منی صبره نه چون که مصطفی

 

گوردی ثانی دوشدی اشراری سکوت مُبهمه

اعتداره آچدی دل اول مرد شوم و بی حیا

 

عرض ایدوبدور منده دستور آلمیشام بوبکریدن

آگهم، یوخسا دگور جایز بو فعلیم مطلقا

 

نوحه یاز قان آغلا بو ماتمده دائم ای (عتیق)

عمروی قویما اولا بیجا بو عالمده فنا

 

جناب استاد طهمورثی (عتیق)

منبع مجموعه کانالهای مدح و مرثیه

زبانحال حضرت زهرا (سلام الله)

زبانحال حضرت زهرا (سلام الله)

 

ای نائب پیمبر حَقّ دینه مقتدا

جانیم اولا ولایتیوه یا علی فدا

 

ای ظلمیله دونن بو جهاندا دونَرگه سی

بو ظلمیلر دَگوردی سنون شانیوه سزا

 

 هر چند داندی حقیوی ظاهرده نچّه دون

 دنیاده اِیتدیلر سنه چوخ جوریله جفا

 

باطنده لیک اهل ولایه امیریسن

سندن علاوه خلقه مگر کیمدی رهنما

 

ای مقتدای اهل ولا توکمه گوزیاشین

قربان اولوم او گوزیاشیوا ایلمه نوا

 

زهرایه باخما حسرتیله آغلاما بئله

چوخ قالموری که روحیم اولا جسمیدن جدا

 

بو سون نفسده آغلیوب آغلاتما زینبی

لازم اولوب عم اوغلی قضا اولسون اقتضا

 

زهرانین ایلمه داخی فکر و خیالینی

هجریمده صبره تکیه اِیله ای شه ولا

 

بیر عالمین غمین یئمیسن روزگاریده

اولماز ندندی اهل دل آلامیدن رها

 

اما سنون اورکده غمون بی شماریدور

آخر نه ابتداسی عیاندور نه انتها

 

قورخوم بودور بو غملر ایاقدان سالا سنی

لازمدی که،  صبور اِیلیه،  حَقّه اِتکا

 

صبر امامتیله فراقیمده صبر ایله

تا عمروی بو درد و غمیم اِیتمیه فنا

 

قربان اولوم اورکده غم بی حسابیوه

اولدون غریبه درده بو عالمده مبتلا

 

امکانی اولسا فاطمه نی گل گوزوندن آت

دردیم یاماندی یوخدی منیم دردیمه دوا

 

بو سون نفسده باشیمی آل بیر دیز اوستونه

تا درد دل بیان ایلیاخ ای غم آشنا

 

گل نطقه بیر دانش آچیلا بلکه کُونلوموز

دنیا بویی اورکده غمی اِیلمه خفا

 

بیر نچه لحظه فاطمه مهمانیدور سنه

هر دم گوزومده جلوه لنور عالم بقا

 

اولسم عنایت ایله ئوزون غسل ویر منه

گیزلینده دفن ایله منی چون سرّی وار شَها

 

قصدیم بودور اولار که ووروب اوت قاپوم یانوب

تَشییعه گلمیه اولار ای شاه لا فتا

 

هیچ کیمسیه اولوم سوزونی قویما فاش اولا

قلباً بو فعله فاطمه اصلا دگور رضا

 

اَصحابین آگه اولسا اونا یوخ سوزوم ، ولی

اهل سقیفه سعی اِیله تا آگه اولمیا

 

دفن اِیت منی قائیت قاپیا چَک گیلن قرا

یاز بیر غریبه دور بو اولن دوتمشوخ عزا

 

هر کیم سُورشسا آدی نَدور ویر جواب اونا

پیعنبرین قیزیدی آدی خیره النساء

 

درگاهینی ستمله بویور یاندروب عدو

آز مدتین ایچینده اولوب غرقه بلا

 

سویله خلاصه یُوردی اونی روزگار دون

آچدی سمایه اللرینی سسلدی خدا

 

آغلار گوزیله فاطمه دور سَسلئین سنی

ایستور وفاتینی اَل آچوپ اِیلیور دعا

 

آخر دعاسی یِتدی بویور استجابته

قالدی یتیم اوشاقلاری ایلوله آه و وا

 

تا سوزلرین قوتاردی خانم یومدی گوزلرین

آرتردی ناله سین او زمان شاه ماسوا

 

بیر آق قتیفه چکدی او جسم مطهره

گیتدی صفاسی وحی ایوینین اولدی غمفزا

 

مشغول ایدوبدی فکریمی بیر فعل جانگداز

رسم جهاندی اُولسه هر ایوده اگر آنا

 

خیردا بالاسی اولسا چیخاردالا صحنه دن

یثربده اولدی عکس بو محنتلی ماجرا

 

یوز دوتدی شه بالالارینا ایلدی خطاب

قان آغلیون بو غمده ایدون ناله وبکا

 

بیر بیر گلون وداع اِیلیون اولدی فاطمه

یومدی گوزون جهانه داخی روح مصطفی

 

سالدی ئوزون او دم آنا آغوشینه حسین

ای کاش اولیدی عالم امکان او گون فنا

 

مرغ روان پر آچدی هوای حسینیله

دنیانی آغلادور غم سلطان کربلا

 

ظلمیله کسدی باشینی شمر لعین سوسوز

ویردی جِدایه تا یارالی باشی اشقیا

 

گلدی همان یارالی باشین کوفه دن سسی

چکدی دوباره فاطمه نی گور فلک هارا

 

آغوشه الدی جان کیمی راس مطهری

ایسی کول اوسته قویمادی قانلی باشی قالا

 

اشکین روانه اِیلدی اول کول دولان گوزه

نطقه گلوب بویوردی حسین آچ گوزون بالا

 

 گل نطقه بیر دانش منیله چوخ داریخمیشام

نطقونله ویر دوباره سینخ کُونلومه صفا

 

گلدی حضوره معجزه شاه کربلا

قان یاش توکوبدی عارضه عرض اِیلدی آنا

 

خوش گلمیسن سرای وصال نگاریوه

مرحون منتوندی ذَبیحَ من اَلقفا

 

قوی باشیمی کول اوسته که پهلو شکسته سن

قانون دوباره اِیستمیرم سینه دن آخا

 

چوخ مایلم که بوس ایلیم خاک مقدمون

خاک قدومیدور آناجان حلقیمه دوا

 

سنگ جفایلن لب لعلیمده وار اثر

قوی اللرین دوداقیمه تاپسون آنا شفا

 

حنجر دمینده اینجمیشم زینبیم بولور

خنجر یاراسینه اودا اولموشدی مبتلا

 

بو نیتیله نوحه یازار آغلیار (عتیق)

مشمول اولا شفاعتیمه اِیستئیر اودا

 

روز جزا شفاعت اونا ایلرم ئوزوم

محشرده قویمارام اونی بیر دم نزار اولا

 

بو علته که نوحه یازاندا بیزه یازار

تقوا ایدوبدی پیشه بیر آن اِیلمز ریا

 

جناب استاد طهمورثی (عتیق)

منبع مجموعه کانالهای مدح و مرثیه

در احوالات حضرت فاطمه زهرا (سلام الله)

در احوالات حضرت فاطمه زهرا (سلام الله)

 

ای دل نَدن وفا اِیلمز چرخ کجمدار

اِیلر مدام اهل دلی غصّیه دچار

 

 هیچ کیم دئمور اِیدوبدی زمانه وفا منه

عالم دِیر اِیدوبدی جفا خلقه روزگار

 

بش گون اگر وفا ایلیور باخما بیر کَسه

بیر گون دوباره اِیلیجاخ دهریده نزار

 

اولسیدی گر وفاسی اِیدردی پیمبره

دنیا یالاندی یوخدی بو دنیایه اعتبار

 

تاکید اِیدردی امته طاها بو نکته نی

آلامیون بو عالمه ای خلق کردگار

 

آگاهیدی بشرده اولان نفسه مصطفی

بو نکته نی سفارش ایدردی اودور کِرار

 

قدرین جهاندا بولمدیلر موقع حیات

دائم اذیت اِیتدیله پنهان و  آشکار

 

فرمایش ایلیردی همین سرور گرام

مندن صورا علیدی بو عالمده تاجدار

 

آگاه اولون رضایتی الله رضاسیدور

دلدن یانار چون امتیمه بو بزرگوار

 

کیمدور علی خدا بولوری روزگاریده

مشکل گشادی مشکل عالملری آچار

 

ذکر جلّی اِیدون ئوزوزه نام پاکینی

 عیسی ایدوبدی ورد زبان اِیلر افتخار

 

هر کیمسه صدقیله چاغیرا یا علی مدد

هر یرده اولسا داده گلر قیدینه قالار

 

عمروم منیم چوخ آز قالوری روزگاریده

هر بیر یارنمیشی تاپاجاخ حال احتضار

 

مندن صورا ولایتینون قدرینی بولون

مرد عمل بو فعله اُلون ویرمیون شعار

 

طاها بولوردی امتینه یوخدور اعتبار

فرمایش ایلمیشدی ، دگور دور از انتظار

 

تا گوردیلر وداع اِیلدی عالمی رسول

سالدی آرایه تفرقه بیر عده اهل نار

 

جمع اولدولار سقیفیه بیر نچّه مرد پست

تصمیم دوتدولار سالالار یثرب ایچره جار

 

هر کیمسه که علیله او گون بیعت ایلیوب

پوزدی دوباره بیعتی اول جمع بی شمار

 

بوبکره بیعت ایلوری یکسر جماعتی

 چوخ قالموری علی اولا تا صحنه دن کنار

 

دستوریدور علیده گرک بیعت ایلیه

امضا اِیده خلافتینی اِیتدی واگذار

 

بیر حالیده بو فکره او دم دوشدی نچّه دون

تازه علی و فاطمه اولموشدی داغدار

 

هیچ کیمسه بیر دئموردی که آیا نه علته

ایستیرسیز اولسون حیدر کرار بر کنار

 

جرعت تاپوپ بو خاطره اهل سقیفه نی

بِیت ولی حقّه طرف اولدی رهسپار

 

ازًل که دوگدولر قاپونی اولمادی جواب

ویردی لگد او درگهه بیر نچّه کین شعار

 

زهرا نه گوردی چکدی علی آه جانگداز

قان آغلادی او حالینه اول دمده ذوالفقار

 

عرض اِیلدی عم اوغلی علی لطف قیل منه

رخصت بویور گیدوم قاپیدا تا گوروم نه وار

 

اذن آلدی گلدی پشت دَره دخت مصطفی

نطقه گلوب بویوردی که ای قوم نابکار

 

بیز دن نه ایستیسوز گوروسوز که عزالیوخ

دلدن یتوبدی عرشه بو ماتمده آه و زار

 

سسلندیلر اگر قاپونی آچماسان بو دم

درگاهیوه بیز اوت ویراروخ درگهون یانار

 

زهرا بویوردی اِیلمیون بیله فکر خام

من قویمارام ولی خدا تاپسین انکسار

 

روباهه شیر فکر اِیدیسوز بیعت اِیلیر

بو فعله اولمسوز نه سببدن امیدوار

 

نومید اولوبدی یکسره اهل سقیفه تا

اوت ویردلار همان قاپیا اولدی شعله بار

 

 یاندی گونون گون اورتا زمانینده درگهی

معناده اِیتدی حضرت طاهانی اشکبار

 

ای کاش آچیلمییدی قاپی، سال خیالیوه

مسماری وار یانان قاپونون ویرسلر فشار

 

تنها نه پشت درده قالار فاطمه ئوزی

 محسن قالار مصیبته بیر گول کیمی سولار

 

اما آچیلدی مین ستمیله یانان قاپی

حشره کیمین بو غم دل عشاقی یاندورار

 

سسلندی فیضه داده یتیش اولدی محسنیم

بو سس یتیشسه دلبره گور یاندورار یاخار؟

 

بیر حالیده چیخوبدی علی آستانیه

اِیستَکلینین مصیبتینه گوز نجّه باخار

 

باخدی نه گوردی قان آپارور یار یارینی

مُحسن ایاخلانور قوری یر اوسته آشکار

 

سسلندی سس یتور منه زهرا نه یاتموسان

کُونلوم قوشی بو نوعیله بلکه تاپا قرار

 

زهرا او دمده سسلدی بیر یا علی مدد

دیندیرسه یار یارینی واضحدی دم تاپار

 

مخمور جام عشق مسیحادن آلدی دم

دم ویرسه یار یاره اولار باده خوشگوار

 

دوردی ایاقه محکم ایدوب باشدا چادرون

گوردی اولوبدی یاری عجب مشکله دچار

 

ظلمیله باغلانوبدی یدالله قولاری

یوز دوتدی سسلنوب دیدی که ای قوم پست و خوار

 

اَکملتو آیه سین اوخیون والی دور سیزه

والی حقه اِیلمیون ظلم بی شمار

 

 دامانینی محالیدی اَلدن ویرم اگر

مین جانیم اولسا اِیلیرم دینیمه نثار

 

بیله خیال ایلمیون تک قالوب علی

زهرا کیمی ولایتینین جانفشانی وار

 

اولسم اگر بو یولدا منه افتخاریدور

داغلی دئیله دوباره گلون سالمیون شرار

 

ثانی نه گوردی اَل گوتومور یار یاریدن

اِیتدی اشاره قُنفذّا اول مرد حیله کار

 

آل دامن علینی اَلیندن یوبانما چوخ

حیدر طنابه باغلیدی زهرادی اصل کار

 

 قُنفذّ او دمده آلدی اله تازیانه سین

باغ بهشت لاله سین ایتدی نشان خار

 

بیر آیری ظلم اولوبدی قلم شَرم ایدور یازا

هوشه دوباره گیتدی او نخل شکسته بار

 

مولانی چکدی مسجده اوچ یوز نفر دَنی

بوبکره بیعت ایلیه تا میر با وقار

 

زهرا دوباره هوشه گلوب آچدی گوزلرین

باخدی علینی گورمدی قلبی اولوب فکار

 

فرمایش ائتدی فیضه عم اوغلوم هایاندادی

ویردی جواب آپاردی اونی فرقه شرار

 

دوردی او وضع و حالیله یوز قویدی مسجده

تا یتدی مسجد ایچره امامه او غمگسار

 

سالدی سکوت مُبهمه اهل سقیفه نی !

دخت نَبینی اِیتدیله مسجده تا نظار

 

دوتموشدی یوز سمایه او دم دخت مصطفی

گوزیاش توکوردی عارضه چون بارش بهار

 

سسلوردی ای خدا بو علیدور که ظلمیله

غصب ایلیوله حقینی یاددان مگر چیخار

 

شمشیریله نه نسبتی وار اهل منطقین

بو غملی منظره آلوری دلدن اختیار

 

بیعت آلولا جبریله سن شاهد اول ئوزون

بو علته ویرور منه یوز حال ناگوار

 

یا صبر ویر ئوزون منه بو فعلده و یا

آل جانیمی ئوزون منی بو غصه دن قوتار

 

قورتارمامیش اورک سوزینی خیره النساء

قَهر بلای حَق نچه یول اولدی آشکار

 

ناچار اولوب گوتوردی اَلین ظلمدن عدو

بیر عدّه دوشدی وحشته اِیتدی او دم فرار

 

گورجاخ او غملی منظره نی شاه لا فتی

نطقه گلوب بویوردی گل اولما بو غمده زار

 

قورخوم بودور که اُت دوشه یکسر عوالمه

حقدن بو غمده اِیسته فقط ویرسون اصطبار

 

افغانه سن گلنده دوشور لرزه عالمه

چکسن اورکدن آه  جهان قالماز استوار

 

نطقه او دمده گلدی غرض سویلدی بتول

هر چند که یرینده اورک تاپموری قرار

 

صبر ایلرم خدایه گورا بو مصیبته

 قُوی قلبیمه مدام سالا محنتون شرار

 

یاز نوحه آغلا بو غم عظماده ای (عتیق)

سندن قالار بو نوحه لر عالمده یادگار

 

استاد طهمورثی (عتیق)

منبع مجموعه کانالهای مدح و مرثیه