احوالات حضرت امام جعفر صادق (علیه السلام)

در شهادت حضرت امام جعفر صادق (علیه السلام)

امام صادق ایدوب غمله ترک دنیانی

عزانشین ایلیوب اهل بیت طاهانی

باخوب بالالارینا صون نفسده یومدی گوزین

که یعنی گیتدوم ایدم درک جدّ و آبانی

یوموب او گوزلری که دائماً او گوزلریله

باخوب، لبیله، تلاوت ایدردی قرآنی

یوموب او گوزلری که برملا گورردی سالار

نه حاله اهل جفا ملّت مسلمانی

یوماندا گوزلرینی داده گلدی آل امام

اوجالدی گویلره آل رسول افغانی

بالاسی موسی جعفر ایدوبدی غسل و کفن

بقیعه حمل ایلیوب نعشِ علمه دریانی

جلال و عزّتیله باشلانان زمان تشییع

تجلّیّات محبّت یغوب احبّانی

جنازه نی گوتوروب شیعه لر ال اوستونده

فغان و شوریله دولدوردولار او سامانی

مدینه شهری دولوب بانگ وا امامادن

ایدوبله بیر دلیله هر بیری نواخوانی

دیردیلر تانیسوز کیمدی بو اولور تشییع

بودور او مدرسه ی فقهِ جعفره بانی

اوزی گیدور قالی باقی اونون گوزل فقهی

او فقه وار نه قَدَر واردی عالم فانی

او فقه دور بشریّته ده راحته برهان

او فقه دور وار اونون اتّصال قرآنی

هزار حیف او وفا روحی بیزدن آیریلوری

قویور یتیم بیزی شهر فقه سلطانی

جفا و ظلمیله خانه نشین اولان آقاوای

جهانی ترک ایلین دلده آه سوزانی

گل بهشتیدی، سولدوردی حیف باد اجل

حیات گلشنی اولدی لَهیب تالانی

او قان اولان اورگی لاله تک دونوب قانه

دوتوبدی قان آپارور دلده رنگ نعمانی

شکسته قلبیله زخم زبان آلوب آپارور

یارالی قلبیده زخم دل فراوانی

اولان اُلونجه شقیلر الیله ناراحت

گیدر منام ایده راحت او تحت غبرانی

اوزی گیدور، بو اورکلرده داغ لر قویوری

اودور توکولّه یوزه شیعه لر جگر قانی

سزادی شیعه لر اوز باشینه سپه توپراق

نه چون ویروبدیله الدن عزیز مولانی

یتیم شیعه لرین قالدی بوینی چیگنینده

ایشیق گونوز اولارا اولدی لیل ظلمانی

سریرده اوجالان نعشی شان و عزّتیله

دل ترابه قویار باش او فخر روحانی

او باش او تیره ترابین باشین اوجا ایلر

تاپار بقیع ترابی مقام اعلانی

بیله وجودی چتین چشم روزگار گوره

بُیوده مادر ایّام بیله دانانی

بقیع توپراقی احوالیوه اولا طوبی

جهاندا تاپدون عجب افتخار عظمانی

هدایتین گونیدور بو گلن، کسوفه دوشوب

گلور سنه ساری سینوندی مغرب جانی

شکسته حالیله الله قوناقیدور بو گلن

دوت احترامیله بو دلشکسته مهمانی

ضعیف جسمیله داغلار بویی اورکده غمی

آل اوز کناریوه بو جسم ناتوانانی

اماندی جان کیمی آغوشیوه آل اینجیتمه

یارالی قلبیله مسموم جان و جانانی

کنار قبریده تابوتینی قویوبلا یره

گوز ایستوری گوره حال امام موسانی

گوره نه حالتیله ال اوزور آتاسیندان

قویور مزاره ایله گنج علمه دارانی

دم فراق گلوب وصل گوسترور پایان

چخور الیندن آتانون وصال دامانی

قالور قیامته دیدار، الدن ال اوزولور

گوزونده موج وورور اشک چشم دریانی

تراب تیریه آغلار گوزیله تاپشوردی

جوار حضرت باقرده کنز ایمانی

آلوب کناره بالاسین آتا، محبّته باخ

یاتوبلا اوردا گورونجه قیام کبرانی

آتا مزارینه بیر باخدی نازنین گوزلر

دولوب بولود کیمی یاغدوردی اشک بارانی

سیلردی گوزیاشینی شیعه لر محبّتیله

ویرردیلر اونا مین مهریله تسلّانی

گلیدی شیعه لر ای کاش کربلا چولینه

گوریدیلر او بیاباندا شور و غوغانی

گزوب او قانلی بیابانی بیر چوخور یرده

گوریدیلر تن مجروح شاه عطشانی

تاپوب ویرِیدیله تسکین امام سجّاده

آلوب آرایه محبّتله اول معزّانی

سیلِیدیلر او غریب آغلیاندا گوزیاشینی

آلیدیلر اورگیندن غم فراوانی

شاعر : مرحوم تائب

احوالات حضرت امام جعفر صادق (علیه السلام)

در شهادت حضرت امام جعفر صادق (علیه السلام) 

دیولّه بیزلره عالمده جعفری مذهب

عیاندی مسئله، روشندی گون کیمی مطلب

امام جعفر صادقدی رکن دین مبین

اودور مروّج احکام و مذهب و آئین

آتاسی حضرت باقردی حجّت باری

آناسی بنت محمّددور، امّ فروه یقین

یازولّا هجرتین هشتاد اوچومجی سالینده

قدم بو عالم امکانه قویدی بو شه دین

ربیعُ الاوّلین اون یِدّیسی دوشنبه گونی

بو شاه دینه ولادت گونی اولوب تعیین

وجودی صفحه ی غَبرایه اولدی زینت بخش

تفاخر ایلدی عرش خدایه سطح زمین

ازل موسّس قانون شرع مصطفوی

بونی یازولّا تواریخیده معارف بین

همین که سنّ شریفی اوتوز بیره یتدی

آتاسی اُلدی، غم و ابتلایه اولدی قرین

بنی امیّه او وقته کیمی مسلّطیدی

ائمّة تحت فشار عدوده زار و حزین

ائمّه قورخودان احکام دین دیَنموردی

فشاره سالموشیدی هر امامی بیر بی دین

بونون زمانی خروج ایلدی بنی عبّاس

بنی امیّه ایله باشلادی عداوت و کین

بیری بیریله اولار جنگه اولدولار مشغول

بو، خلقه ایلدی احکام مذهبی تلقین

اودور سبب که شیاع ایتدی جعفری مذهب

شریعه نبوی روشن اولدی چون پروین

بنی امیّه نی محو ایلدی بنی عبّاس

یتوب خلافته منصور شوم و کینه گُزین

دوشوب بو فکره او کافر امامی اُلدورسون

بهشت عدنیده ایتسون پیمبری غمگین

دیدی امور سیاستده پیشرفت اولماز

امام صادق اگر ایتمسه منه تمکین

امام ده گِچینوردی تقیّه حالینده

ز بس رئوفیدی ایتمزدی دشمنی نفرین

دوانقی ولی اَل چَکمدی او سروردن

امامه ایتدی او بی شرم گونده بیر توهین

چاقوردی بیر گئجه خلوتده محرم رازین

دیدی اگرچه اولوبدور امام خانه نشین

ولی وجودی منه مانع ریاست دور

او اولماسا اولور عالم اَلیمده نقش نگین

گئجیله فوراً اونی ایله مجلسه احضار

شهید ایدوم تاپا بلکه بو خاطریم تسکین

ولی نه حالیله گورسن او حالتیاه گَتور

حقارتیله یتور مجلسه ملول و غمین

گَلوب نه گوردی نماز اوسته راکع و ساجد

امام تَکدی، یاتوب سر به سر بنات و بنین

قویوبدی سجدیه باش، دل آچوب مناجاته

ایدور دعا، گَلوری غیبیدن صدا آمین

ایله سیزیلدیری تاثیر ایدور جماداته

اولور عیان در و دیواریدن صدای اَنین

عمامه یوخ، باشینا باغلیوبدی بیر دسمال

گِیوبدی اَگنینه اول شاه بیر لباس خَشین

ایدوبدی منزلینی رشکِ وادی طور

دوشوب کلیم کیمی شاه یوم باز پسین

حضور یاریده گوزدن آتوبدی اغیاری

ایدور خدائیله راز و نیاز امام مبین

تحمّل ایتدی نمازین امام قورتاردی

و لیک قویمادی ایتسون عوض لباس لرین

اَیاق یالین باش آچوق گَتدی حجّتُ اللهی

یتیشدی مجلس منصوره شاه عرش مکین

گیرنده مجلسه ویردی سلام منصوره

یره توکولمدی علّت ندور سپهر برین

قوجا امام اَیاق اوستونده قالدی بیر ساعت

و لیک ایلمدی اعتنا او شوم و لعین

بیر آز گیچوب باشینی قوزادی تکبّریله

اولیدی لال گوروم، آچدی ناسزایه دلین

امام صادقه شرم ایتمیوب دیوب کاذب

ایدوب بو لفظیله قلب عوالمی تحزین

خیال سلطنته دوشموسن دیدی گورورم

دوزَلدوسن اوزیوه دور و برده یار و معین

بویوردی حضرت صادق منه دیمه کاذب

لقب ویروب منه صادق بابام رسول امین

جوان لیقیمدا ریاست خیالی ایتمَمیشم

قوجا لیقیمدا دوشم بیله بیر خیاله چَتین

دوانقی ایشیدوب بو سوزی غضبلندی

آپاردی غبضه ی شمشیر خون فشانه اَلین

غلافیدن قلجین بیر وجب ایدوب خارج

دوباره قویدی غلافه او مرتد بی دین

ایکیمجی دفعه ایدوب بیر ذِراع بویی خارج

امام قتلینه آرتوردی دلده کی هوسین

اوچومجی دفعه ایدوب تیغی غیظیله عریان

ایدوب او حالیده خاموش آتشِ غضبین

محبّتیله چاقوردی یانیندا یِر ویردی

محبّته عوض اولدی عداوت دیرین

امامه غالیه ی خاصّینی تعارف ایدوب

ایدوب او غالیه ایله محاسینین تزئین

چوخ عزّتیله یولا سالدی حجّتُ اللهی

ربیع سرّینی ایتدی سوال ماوقعین

جواب ویردی خلیفه سنه بیان ایدرم

و لیک بیر کسه بُلدورمه بو ایشین سببین

همین که ایتدیم اراده امام قتلینی من

اَیاق یالین باش آچوق گَلدی حضرت یاسین

بویوردی ایتمه اذیّت، بالامی اینجیتمه

هلاک ایلرم اولسان امام عصره ظنین

گَلِیدی کاش پیمبر یزید مجلسینه

امام قتلینه فرمان ویرن زمان او لعین

دییدی سیّد سجّادی ظالم اینجیتمه

اسیرلیق غمی بسدور، زیاده ایتمه غمین

قولونی باغلاموسان بسدی، جسمی ناخوشدی

بو غُلّ جامه مجروح ایلیوب بدنین

بو بیر بیوک، اوشاق، عورت، تیکوب بو ناخوشه گوز

اَلیندن آلما بو بی کس لرین اماندی کسین

ترحّم ایله بو بیچاره هاشمیّه لره

اوجاتما زینب و کلثومین آه و ناله سسین

سنه (حسینی) بو اشعار خوش نتیجه ویرر

قالار او گون که هامی ایتدوقی عملده رهین

شاعر : مرحوم حسینی سعدی زمان

احوالات حضرت امام جعفر صادق (علیه السلام)

از ولادت تا شهادت حضرت امام جعفر صادق (علیه السلام) 

سال هشتاد اوچ هجرتده خداوند غفور

اهل اسلامون ایدوب قلبینه اعطای سرور

ششّمین حجّتنه لطف ایلدی حکم ظهور

طالع اولدی آنا بطنندن او نور ازلی

سومین نسل درخشان حسین ابن علی

شرف مولدینه غبطه اونون طور ایلدی

جدی سجادی نه اندازه مسرور ایلدی

حضرت باقر ایوین نور علی النور ایلدی

آچدی حق بین گوزین عالمده او مولود گرام

مکتب شیعه اثنا عشری تاپدی قوام

خلقته فخر و مباهات اولان اصل و نسبی

آدلانوب جعفر آدیلان او شریف عربی

صابر و فاضل و هم طاهر و صادق لقبی

طاهریدی اوزی رشد ایتدی ایکی طاهریله

یعنی سجاد نیاسی آتاسی باقریله

اون ایکی ایل اول عمری او فرزند خلیل

محضر زین العبادن آلوب الهام دلیل

آتاسیلان صورا رشد ایتدی ایگرمی ایکی ایل

نیّرینون یتشوبدور اونا نور مددی

گلشن ماخلقون اولدی گل سرسبدی

کچدی عمریندن اوتوز دورد جلالتلی بهار

فرش پر ارج امامتده دوتوب حکم قرار

آچدی ابواب علوی بشره لیل و نهار

مکتب جعفری عالمده یتشدی ثمره

چخدی شاگرد برازنده سی دورد مین نفره

گوش آفاقه سالوب علمینون آوازی طنین

کیم گلوب مکتبینه اولدی سعادتله قرین

عارف و صاحب دانشلر اونی گورمک همین

پیشگاهنده وروردی یره زانوی ادب

محضریندن ایلیوردی هاموسی علم طلب

مرتضی تک گیجه گوندوز ایلیوب سعی تمام

اولدی روحانی معلم بشره صادق امام

جهد ایدوب تربیت روحه او شایسته مقام

معنویاته او برنامه که تعیین ایلیوب

خط مشی ملل عالمی تامین ایلیوب

کاشکی ساکت اولا مرکب جهلون پرشی

یعنی اجرا اولونا حضرت صادق روشی

شرق و غربی دوتا برنامه سینون گسترشی

بیر مردمده گمان یوخ قالا آثار خلل

قابل بررسی حاشا اولا منشور ملل

منطق جعفری دنیا بوئی تجلیل اولاجاق

حکمت آمیز سوزی تجزیه تحلیل اولاجاق

نسلدن نسله امانت کیمی تحویل اولاجاق

حسن کلماتی اولور آینه چهره نما

ملکوتی یوزینی اوندا گورر اهل وفا

بدو خلقتدن همیشه ایکی نیروی تضاد

حال دعواده اولوب تا اولاجاق یوم معاد

مادی و معنویدور بحثدن البته مراد

اهل معنی بشری ساحت معنایه چکور

مادیاته خوش اولان دامن دنیایه چکور

بو ایکی زمره که وار هر بیرینون بیر هوسی

بیربیریله متفاوتدی تز و فلسفه سی

فرقی معلوم اولاجاق سنسا طبعت قفسی

قبل از اینکه قورولا محکمه یوم نشور

ایسته سون فوری نتیجه ایله تاریخه مرور

حضرت صادقون همدوره سی منصور دنی

مادیات اوسته ویروب عزت نفسین علنی

عاشق جان و زر و سیمیدی روح و بدنی

جامعه گلّلرینی محو ایلیوب چون خس و خاش

پیشبرد عمل شومینه ایلوردی تلاش

روزگاری ایلدی زمره ساداته سیاه

دم شمشیره چکوب مردمی بی جرم و گناه

اعتراض ایلینی قویمادی اول مرد تباه

انتقاد حسننی ایتدی دل مردمده خفه

اعتنا ایتمدی بو ضایعه پراسفنه

قرمزی قصر دوزتمشدی به اجلال تمام

کبر و نخوتله ایدن وقته او قصر ایچره مقام

نحس برنامه سی قان توکمگیدی تا دم شام

حکمنون حاصلی جلادی تلسدیرمگیدی

سر سادات بنی هاشمی کسدیرمگیدی

عالمی تنگ ایلدی نسل امام حسنه

ایولرین ترک ایلیوب قاشدیلا دشت و دمنه

اولدیلار گوشه نشین قالدیلار حسرت وطنه

دین اولمادی خلیفه بو نه ایشدور گوروسن

علویزاده لرون جرمی ندور ئولدوروسن

بیر گون اگلشمشیدی قصریده آشفته روان

دل پریشان اوزی اوز آتیه سیندن نگران

یوز دوتوب حاجب مخصوصی اونا ایتدی بیان

سنی که چرخ ایلیوب یار خلافتله قرین

نه غمون وار گورورم حالوی محزون و غمین

گلدی منصور دله حاجبنه ویردی جواب

سن بلوروسن چوخ ایوی ایتمشم عالمده خراب

قتل فرماننی فرض ایلمشم حکم صواب

چکمشم تیغه شمشیریمه باش ترپدنی

بیر نفردن نگرانم ایدوب آشفته منی

صادق آل محمدی گل گلشن دین

رهبری معنوی اهل سماوات و زمین

قلبمی جدا ایدوب شهرت تقواسی ظنین

فکر ایدوب هاشمیانون اورگین داغلامشام

عزم راسخله اونون قتلنه بِل باغلامشام

جهد ایله دلده اولان لکّه آلامی گوتور

مرکب نیّتمی مقصدینه فوری یتور

گیت نماز اوسته ده اولسا اونی جلب ایله گتور

گلدی مامور او شهی گرم عبادتده گوروب

قبله گاه بشری قبله طاعتده گوروب

سوزینی کشف ایلیوبدور پس از اتمام نماز

سنی احضار خلیفه ایدوب ای شاه حجاز

ایتمیوبدور او ستمگر منی تاخیره مجاز

زنده دارشب اونی بلدی نه منظوره گلوب

پا برهنه باش آچوق مجلس منصوره گلوب

داخل مجلس اولوب ویردی او بی شرمه سلام

اولمادی اذن اوتورا قالدی ایاق اوسته امام

ناروا سوزلرینه ایلدی منصور تمام

تهمتیله گتوروب درده امامون اورگین

نجه من شرح ایلیوم صادقه کاذب دیمهگین

دیدی منصوره نه مغلوب ایلیوب نفس سنی

فکر ایله گور کیمه توهین ایلیورسن علنی

یوخ گناهیم قوجا وقتیمده چوخ اینجتمه منی

دستگیرم بلوسن حکم مشیّتله سنه

ویرمه غربتده اذیت بو جلای وطنه

نچه یولدور گیجه نون عالمی زحمتله منی

چکموسن مجلسوه حس حسادتله منی

متّهم ایلیوسن فکر خلافتله منی

عمریمون آخری تحلیله گیدوبدور بدنیم

قسم اللهه خلافتده گوزوم یوخدی منیم

چشم منصور ابدا اولمادی ناظر خطره

حضرت صادقه شمشیر چکوب اوچ فقره

هر بیرینده گتوروب ختم رسولی نظره

چوخ پریشاندی دیور قهریله ای شوم و دنی

جعفریم قانه بویانسا بویارام قانه سنی

یوخدی افسوس اولا برنامه حکمتده سوال

عرض ایدک محضر پیغمبره ای عرشه جلال

گلمدون زینبیلن شمر ایلین وقته جدال

منت مقدم پاکون ایده زهرانی رهین

بزم منصوریله فرقی نئیدی قتلگهین

درک اعجازیله منصور چکوب قتلیدن ال

قورخوسندان او گیجه ویردی نشان عکس العمل

ساخلادی کینه سینی دلده اونامرده و دغل

مقتضی وقت تاپوب حضرتی مظلوم ایلدی

حاکم یثرب الیله اونی مسموم ایلدی

موسی جعفر ایدوب غسل امام زمنه

کفن قیلدی ایکی احرامین او یورقون بدنه

صورا مظلوم آتاسین بوکدی مجلل کفنه

تخت تابوتنه ویردی حرکت هاشمیان

ابدی منزلنه حجّت حق اولدی روان

یولدا بیر شاعریله اولدی مصادف تابوت

فوری پیشوازه گلوب ایتدی تقاضای سکوت

نظم دشتنده ایدوب مرغ خیالین مبهوت

بیر نچه بیت ادبی نوحه ایدوبدور انشاد

شعرینون ترجمه سیندن اله گلدی بو مفاد

ای جماعت که ایدورسوز یوزوزه اشگ روان

باش آچوب سمت بقیعه گیدورسوز ناله کنان

بلوسوز کیمدی بو تابوت قوجاقنده یاتان

عرشدن با عظمت شخصدی تشییع ایدوسوز

دفن گنجینه تقوایه نه اوزلن گیدوسوز؟

پیکر علم و فضیلتدی ایدون سینوزی چاک

سرد آغوشینه افسوس آلاجاق توده خاک

لحدی اوسته توکن و قتیده سیز تربت پاک

قلبوزون قاننی ممزوج ایلیون گوزیاشوزا

سعی ایدون تپراقی اولده توکون اوز باشوزا

انورا نظمی تصور ایله دریای عمیق

ساحله چخماقنا ایستیوری فکر دقیق

قورخوسی یوخدی ولی گر اولا توفیق رفیق

یازدیقون نوحه لرون ایسته سون عرفانی اولا

گرک اوز یازدیقوا روحوون ایمانی اولا

شاعر : مرحوم انور

 

احوالات حضرت امام جعفر صادق (علیه السلام)

در احوالات حضرت امام جعفر صادق (علیه السلام)

منصورظلمیندن هامی اهل جهان مغموم اولوب

جبرا امام جعفرصادق بوگون مسموم اولوب

آتمیش بش ایل عمرایلیوب یا اینکه یتموش سالیده

مسموم ایدوب اول حضرتی یرمی بش شوالیده

راوی دیرچوخ آغلادیم گوردوم پریشانحلیده

زارو ضعیف و ناتوان اول سید معصوم اولوب

ازبس گورنمزدی خدا نورین او چشم کوریلن

شام و سحرمکرو حیل ایلردی بو منظوریلن

آخرامام صادقی مسموم ایدوب انگوریلن

ظلمی او شوم و کافرین عالملره معلوم اولوب

بیرنچه دفعه قتلینه اول حضرتین اقدام ایدوب

اما موفق اولمیوب سانما که اخذ کام ایدوب

حکم خدا چون اولمیوب صادراوفکرخام ایدوب

قاتل امامه گورنجه اول روسیه معموم اولوب

اول حضرتی ایلوب طلب اوزبزمینه هنگام شب

شمشیرچکدی غیظیله ایتسون شهیداول بی ادب

اولدی ممثل ناگهان پیغمبراول شاه عرب

وحشت ایدوب چوخ مضطرب اول کافر میشوم اولوب

منصور بیدین انجیدوب بیحد امام صادقی

ایستردی خاموش ایلسون دایم او نور خالقی

بس معجزاتی اول شهین ظاهر اولوب اول فاسقی

قویموب بو سوئ قصدیدن اول کینه جو محروم اولوب

با اینکه حضرت غالبا ایلردی ایوده انزوا

قویمازدی راحت حضرتی ایلردی دعوت ناروا

بعضی سوئالات ایلیوب حضرتدن اول شوم دغا

حضرت جوابین رد ایدوب اول بیحیا محکوم اولوب

منصوربیدین شیعه لرچوخ ظالم سفاکیدی

سادات قانین توکماقا ناحق یره بی باکیدی

خونخوارو خصم عترت شاهنشه لولاکیدی

ظلمیندن آل مصطفی عالمده چوخ معدوم اولوب

ایلوب آتاسی صادقه موسی بن جعفر بش کفن

سمت بقیعه حمل اولوب دفن اولدی اول طیب بدن

جدی حسینین اولمادی جسم شریفین دفن ایدن

یر اوزره بی غسل و کفن عریان قالوب مظلوم اولوب

(ذاکر) امام صادقین بو نوحه سینده وار نظر

ذکر ایلینده شیعه نین ایلر قلوبینده اثر

لطف ایتمسیدی گر اوزی اولمازدی بو عین خبر

لطف امام اولدی که بو اشعار خوش منظوم اولوب

شاعر : مرحوم ذاکر تبریزی

!!! لطفا با نام کانال گنجینه گذشتگان کپی کنید !!!

احوالات حضرت امام جعفر صادق (علیه السلام)

حضرت امام جعفر صادق (علیه السلام)

سلام ای دلبر عاشق، سلام ای رهبر لایق

سلام ای زادهٔ باقر، سلام ای جعفرصادق

تو نور چشم طاهایی، تو بند قلب زهرایی

امام مکتب عشق و رئیس مذهب مایی

تو آن شاهی که تا دین خدا را در خطر دیدی...

درآن تاریکی مطلق، چوخورشیدی درخشیدی

برای اعتلای دین، بدون وقفه کوشیدی

برای حفظ ارزشها تورَعدآسا خروشیدی

رسان فیضی به(فیضی) از سبویِ ناب رفتارت

که مستم کرده استدلال و منطقهای گفتارت

خدا لعنت کند خصم بداندیش و ستمگر را

تداعی میکند داغت غم عظمای حیدر را

چو کرده حیلهٔ منصور در یثرب گرفتارت

الهی بشکند دستی که زد سیلی به رخسارت

امان از کوردلها که وقارت را ندیدند و...

درون ذاتشان اوج حقارت را ندیدند و...

همانهایی که بر انفاس شیطانی مُریدند و...

کنار مدفن جدّت امانت را بُریدند و...

برای کشتن نور حقیقت میدویدند و...

تو را در کوچه‌ها با دست بسته میکشیدند و...

همانهایی که طعم قتل و غارت را چشیدند و...

به زیر پای تو سجّاده‌ات را هم کشیدند و...

امان از حُبِّ دنیا و جنایات بنی آدم

و آن انگور مسموم و سیه‌پوشیدن عالم

احوالات حضرت امام جعفر صادق (علیه السلام)

احوالات حضرت امام جعفــر صــادق (علیه السلام)

گلوبدی باب توسلده خامه غوغایه

صحیفده سوز آچوب اهل بیت طاهایه

اورکده حضرت صادقدی عمده منظوری

کیم اولسا مشتری کیم قائل اولسا عقبایه

ازل گلوب اوزینه , جدینه سلام ایلسون

ایکمجیسی او حرمسیز آناسی زهرایه

ربیع الاولین اون یدیسی اذان وقتی

گلوبدی هجرتین هشتاداوچونده دنیایه

گلنده فخر ایلدی گویلره زمین و زمان

ویروبدی جمله ملک مژده سطح غبرایه

کیم اولدی جعفری مذهب اوجاتدی باش عرشه

شریعت نبوینی گتوردی احیایه

اولاندا عمری اوتوز بیر آتاسی جان ویردی

توکوبدی گوز یاشنی اول ملال عظمایه

خروج ایدوبدی زمانینده چون بنی عباس

حکومت امویله دوشوبدی دعوایه

اولار اولوبلار او حربه نه مدتی مشغول

بو حکم دینی دیوب خلقه آیه به آیه

بنی امیه نی مغلوب ائدوب بنی عباس

خلافته یتشوب بیر دنی فرومایه

دوانقی دی لقبده او پست آدی منصور

سالوبدی دین خدایه دوباره دن سایه

امامیده دولانوب سیر ائدردی شهرینده

محبتیله جماعت باخاردی مولایه

دوانقی گینه ظلمونده ایلدی طغیان

امامی گونده او ظالم گتوردی ایذایه

گچوبدی بیر نچه مدت چاغوردی محضرینه

تکًبریله دل آچدی او ماه سیمایه

دوزلدوسن دئدی لشکرائشیتمیشم بو سوزی

جواب وئر ندی منظور بو قضایایه

بیوردی حضرت صادق بو کذب مطلقدور

جوانلقیمدا دا هیچ دوشمدوم بو رویایه

دوانقی قیزاروب چهره سی غضبلندی

چکوبدی تیغی نه نوعی چکللر اعدایه

کرار ائدوبدی او اوچ دفعه تیغی گیزلتدی

دوباره باخدی محبتله شاه والایه

امامه وئردی چوخ عزتله عطر سلطانی

بو عطریلن یوزینی ایلیوبدی پیرایه

ربیع سوال ایلدی بو عمل ندور سنده

تعجبم من ئوزوم بیر بیله معمایه

بیان ائدوبدی بو طرزیله مرد بی ایمان

چکنده تیغیمی بوردا امام تنهایه

اماندی وورما بالامی دئدی هلاک ائلرم

نه گوردوم اوندا گوزوم دوشدی شاه بطحایه

گلیدی کاش پیمبر ووراندا سجاده

قولونا بند و رسن شمر , غملی صحرایه

دییدی وورما بالامی ملکلر آغلولار

چکوبد ی قاره خدا نه رواق مینایه

چکنده قافله نی شامه اول دنی ملعون

بالالار آغلادلار حالت غم افزایه

میننده ناقه لره عترت رسول الله

حیا ائدوب نه باخوب زینبه نه یکتایه

وورون دئدی یولا دوشسون سپاه و قافله میز

اوجالدی وا ابتا ناله سی ثریایه

چوخ آغلا (صادقی) یان بو سوزه

او گون زینب یاناردی حال ربابیله ام لیلایه

شاعر : صادقی

احوالات حضرت امام جعفر صادق (علیه السلام)

شهادت حضرت امام جعفر صادق (علیه السلام)

ای صحن خاکی حرمت دلرباترین

گرد و غبار مرقد تو کیمیاتربن

در ذهن ما حریم شما فوق جنت است

ای گنبد نداشته ی تو طلاترین

با احترام به نجف و مشهدالرضا

صحن بقیع خلوتتان با صفاترین

با استناد اینکه همه نور واحدید

صادق ترین ، عزیزترین ، با خداترین

دو مادر و چهار امامید در بقیع

با غصه ها و درد علی آشناترین

هستید در مدینه پس از این هزار سال

ام البنین و فاطمه را مبتلاترین

ما هر چه خواستیم ز دستت گرفته ایم

بوده همیشه لطف تو بی انتهاترین

خاکش شفاست مدفن تو یابن فاطمه

دست همه به دامن تو یابن فاطمه

پیداست در جمال تو تصویر اهل بیت

زهرا جوانترین و تویی پیر اهل بیت

درس کلام و فقه و اصولت زبانزد است

ای ناشر علوم فراگیر اهل بیت

عالم ز دانش تو مسلمان شناس شد

بی انتهاست جاده ی تأثیر اهل بیت

اسلام با تو و پدر تو رواج یافت

در تو ظهور یافته تدبیر اهل بیت

گاهی شده است علم تو روشنگر علوم

گاهی شده است علم تو شمشیر اهل بیت

در دستتان سپرده خدا هر جه هست و نیست

فی الجمله عالم است به تسخیر اهل بیت

شیخ الأئمه را ز چه بردند نیمه شب

با غم ، رقم زده شده تقدیر اهل بیت

مانند ابر ، چشم خلایق گریسته

عالم برای حضرت صادق گریسته

شیطان و باز کوچه ی اجداد فاطمه

ابن ربیع و خانه ی اولاد فاطمه

بی حرمتی به ساحت فرزند بوتراب

صبر است بس که حسن خداداد فاطمه

نیمه شب است و روضه ی مادر به پا شده

پشت در است نقطه ی میعاد فاطمه

بیخود نبود پشت در و بین شعله ها

افتاد ناگهان پسرش یاد فاطمه

هنگام رفتنش چو علی بین کوچه ها

آقا نیاز داشت به امداد فاطمه

بیش از علی و فضه و اسماء و زینبش

میخ در است شاهد فریاد فاطمه

از کوچه ها به آل علی ظلم ، باب شد

یارب ز دشمنان ، بستان داد فاطمه

ما را برای گریه ی بر تو محک زدند

با نام مادر تو به روضه نمک زدند

احوالات حضرت امام جعفر صادق (علیه السلام)

شهادت امام جعفر صادق (علیه السلام)

ای گوزوم آه و الامان

 آغلا امام صادقه

زهر اثریله وردی جان

آغلا امام صادقه

اهل مدینه غرق اولوب

بحر ملال و محنته

صادق امامی ظالمِ

دهر سالیب مشقته

چوخلی خلیفه زمان

ایلدی ظلم او حضرته

شیعه لر اولدی باغریقان

آغلا امام صادقه

ای گوزوم آغلا گون کیمی

روشن اولوبدی مسئله

دوتموشام اطلاع سر

رشته نخ گلوب اله

زهر وروبله زادهء

حضرت ختم مرسله

قاره گیوبدی شیعیان

آغلا امام صادقه

زهری تناول ایلیوب

زادهء مرتضی علی

سانکه خموش اولوب بو گون

نور چراغ منجلی

یومدی زمانه دن گوزون

یا علی ششمین ولی

گل ای امیر مؤمنان

آغلا امام صادقه

باتدی ملاله اولجاقین

شهر مدینه قاره پوش

چاتدی غروبه گون ولی

اولدی چراغ دین خموش

غملی بولوتلار آغلاشیر

آه و فغان ایدور وحوش

آغلور او حاله انس و جان

آغلا امام صادقه

اسدی مخالفت یلی

سولدی ولایتین باغی

تازه لنوب دوباره دن

داغلی اورکلرین داغی

موسی کاظمه دیون

شیعه لرین یامان چاغی

قالما نهاندا اول عیان

آغلا امام صادقه

سالدیلا تیر ظلمیله

مذهبین آفتابنی

قوپدی قرانلیق اولکه ده

بوکدوله دین کتابتی

ظلم وستمله حضرتین

باغلادیلار حسابنی

سنده امام مهربان

آغلا امام صادقه

فرش دن اوج ایدور نوا

عرش خدای داوره

دوندی زمانه فرصتی

وردی گروه کافره

وار یری عالم آغلاسین

شافع روز محشره

دلدن "امینی"آغلایان

آغلا امام صادقه

شاعر : امینی

حضرت امام جعفر صادق (علیه السلام)

حضرت امام جعفر صادق (علیه السلام)

مکتب صادق که استادش امام صادق است

مهد عرفان است و تحصیل مرام صادق است

باب این مکتب نوشته این کلاس عاشقی

مدرک و تایید و امضایش به نام صادق است

اندر این دانشگاه علم و فنون جعفری

حکمت آموزی ز تدریس امام صادق است

ره بر این مکتب اگر خواهی بیابی گوش کن

شرط اول احترام است و سلام صادق است

کر بر این عالم حکومت دین احمد می کند

نشر و ترویجش بدان با اهتمام صادق است

من بنازم بر کرامات امام الصادقین

برتر از عرش معلا هم مقام صادق است

گر حسین بن علی با خون قیامش ثبت شد

علم و فصل و حکمت آموزی قیام صادق است

آنکه با فرمانروایی دم ز قدرت می زند

با تمام حشمت و جاهش غلام صادق است

علم صادق دشمن بیچاره را آواره کرد

مرگ بر ضدّ ولایت این پیام صادق است

این سهامی را که با نام عدالت می دهند

ثروتش از دولت فضل وسهام صادق است

صادق آل محمد مظهر صدق و صفاست

مستی اهل ولا از لعل جام صادق است

نظم و نثر و شعر (معروف) و حدیث و موعظه

هر چه گویم اعتبار از کلام صادق است

شاعر : کربلایی ابوالفضل عباسی معروفان اهری

احوالات حضرت امام جعفر صادق (علیه السلام)

شهادت حضرت امام جعفر صادق (علیه السلام) و گریز به قتلگاه

بو گون باتوب آفتاب دل آرا

امام صادق سلاله ی زهرا

ایدوبدی منصور او سروری مسموم

بو غمده درده گلوب دل طاها

وجودی گل تک سولان آقام ایوای

ستمله مسموم اولان آقام ایوای

بو گون شیعه گوزیاشین یوزه باغلار

آقام وای دلده یانار سینه داغلار

قویوب هجر جعفر ابن محمّد

امام موسی ابن جعفری آغلار

فنا دنیادن دویان آقام ایوای

عیالین آغلار قویان آقام ایوای

ایا مهدی ای عزیز پیمبر

یانور جدّون ماتمینده اورکلر

باشون صاق اولسون سنون بو عزاده

اولان ای قلب شریفی مکدّر

غمی دله اود سالان آقام ایوای

خرابه قبری قالان آقام ایوای

دوزردی هر درد و رنج و بلایه

رضا اولوب دلدن امر قضایه

بساط ماتم قوراردی حسینه

چوخ آغلاردی شاه کرب و بلایه

جهاندا دل داغلین آقام ایوای

حسینه چوخ آغلین آقام ایوای

حسین تک اندوه و غم چکن اولماز

حسین تک عالمده ممتحن اولماز

اگر عالملر گله گیده کرّات

حسین تک نسگلّی جان ویرن اولماز

غریبانه جان ویرن آقام ایوای

کفنسیز قبره گیدن آقام ایوای

حسینه دل داغلینمدی زینب

دویونجا بیر آغلینمدی زینب

حسینینون قتلگهده او سانسیز

یارالارین باغلینمدی زینب

سوسوز یالقوز جان ویرن آقام ایوای

یارالاری قان ویرن آقام ایوای

بو گون دوشوب عرش و فرش آرا غوغا

اولوب عزاخانه جنّت الاعلی

الی اورکده بالاسینا آغلور

بهشت عدن ایچره حضرت زهرا

او زهرا که آهی عرشه دایاندی

سقیفه راییله درگهی یاندی

دفاع ایدنده ولی خدادن

قاپی دالندا قالوب یارالاندی

خبر ویر شیر خدا گله فضّه

ایده دشمنله مقابله فضّه

دی زهرانی ثانی سالدی ایاقدان

دوشوب زهرا امری مشکله فضّه

گورنده زینب او حالدا آنانی

گلوب ندا ایتدی شیر خدانی

بابا نه اگلشموسن آنام ئولدی

یتوردی ظلمین نهایته ثانی

شاعر : حاج تقی جابری