در شهادت امیرالمومنین حضرت علی (علیه السلام)

در شهادت امیرالمومنین حضرت علی (علیه السلام) 

یاعلی غسلون ویروب دفن ایله دی اوغلون حسن

قالمادی نعشون حسین تک یرده اوچ گون بی کفن

جان ویرنده سن ، یانوندیدی بنی هاشم سنون

دستگیر اولموشدی مسجدیدی دین سیز دشمنون

نوح پیغمیر مهیا ایله موشدی مدفنون

اولمادی اما حسینون نعشنی دفن ایلیین

گوزآچوب گوردون دوروب محضرده اوغلون مجتبی

قیزلارون آغلور توکور گوزیاشی دلده وا ابا

گوز آچاندا صون نفسده گوردی شاه کربلا

قاتلی دورموش الینده قان توکن شمشیریلن

سن ئولن گون کوفه شهرینده بیوک غوغاییدی

هر طرفده بزم ماتم کوفه ده بر پاییدی

روزعاشورا ولی بیرمحشر کبراییدی

قانیله الوانیدی یتمیش ایکی باش سیز بدن

سویلدون فزت برب الکعبه یتدون ایمنه

ایستیینده سوگتوردی ویردی زینب سو سنه

جان ویرنده اوغلون اما سو دییردی دشمنه

ویرمدی سوسهلیدی توهین ایدیب فاش و علن

سویلدی دایم دییردون شیر داور اوغلیم

بو سودورمهریه زهرا پیمیر اوغلیم

فخر ایدوردون خلقه من ساقی کوثراوغلیم

سسله گلسون سو گتورسون تشنه لب جان ویرمه سن

گرچه بیریاره سنون حالون پریشان ایلدی

یاره لر جسم حسینی بیرگلستان ایلدی

حیف اولاشمرستمگر یولدی خندان ایلدی

کربلا صحراسنی دولدوردی عطر نسترن

اوچ گیجه گوندوز قالوب توپراقلار اوسته بی کفن

اولمادی نعش حسینی بیرنفردفن ایلیین

امر اولوبدی سید سجاده گلدی کوفه دن

دفن ایده گونلر ایوینده قالمیه مظلوم اولن

گوردی بیرعده اوجالدور ناله وشیون سسین

بیل کلنگ الده آلوبلار قتلگاهون دوره سین

گوردولر آتلی گلور گیزلتدی هرکس ناله سین

قورخودان اما یواش آعلور اوشاقلار مرد وزن

سویلدی اهل قبیله ایلییون شیون گلون

سری کتمان ایتمیون هرگزاولون ایمن گلون

اوعلیم من بوغریبون قورخمیون مندن گلون

گلموشم دفن حسینه سیزلره امداده من

گورموسوز کوه منایه بنزوری بو قتلگاه

باش بدنلردن گیدوب وارحقوز ایتسوز اشتباه

آگهم من کیمدی بونلاردان رعیت کیمدی شاه

سیز منه امداد ایدون مدفون اولا هرجان ویرن

بومنیم بیکس آتامدور خاکیله یکسان اولوب

بو گلستان وفاده گل کیمی خندان اولوب

ناطق قرآن اوزی شیرازه سیزقرآن اولوب

طعن ایدر اسلامه بو پاشیده اوراقی گورن

کهنمویی چوخ بیوک دشمندی بو نفس دنی

ایله تقواتا که نفسون ایتمسون اغوا سنی

نوحه خوان طهبازکه یازدوردی سنه بو نوحه نی

باعثی بو خیر عملده یاد ایله شعرونده سن

شاعر : مرحوم کهنمویی

!!! لطفا با نام کانال مدح و مرثیه کپی کنید !!!

در شهادت امیرالمومنین حضرت علی ابن ابی طالب (علیه السلام) و گریز به قتلگاه

در شهادت امیرالمومنین

حضرت علی ابن ابی طالب (علیه السلام) و گریز به قتلگاه

ای جمالی کعبه ی اهل حقیقت یا علی

سن شهید اولدون شهید اولدی عدالت یا علی

کوفه ده ظاهرده بیر یعسوب دین ئولدوردولر

باطناً آیات قرآن مبین ئولدوردولر

یعنی کفر اهلی امیرالمومنین ئولدوردولر

قویدولار اسلامیده ظلم اهلی بدعت یا علی

بیر نه تک آل علینون قلبینی قان ایتدیلر

بیر غلط منظوری بو مورد ده عنوان ایتدیلر

وجه وجهُ اللهی القانیله الوان ایتدیلر

قانیویله دولدی محراب اطاعت یا علی

بو غلط حکمه بو گون دشمنده ایلر اعتراف

عمروعاصیله ایدوب تا پور سفیان ائتلاف

حُکم منفور حَکَم اسلامیدی آچدی شکاف

قالدی بو آثار شومی تا قیامت یا علی

زاده ی ملجم، او بی شرم خطاکار و لعین

اولدی تا بیر بی حجابیله گئجه خلوت نشین

وعده ی وصل آلدی اولسون مُنهَدم ارکان دین

قتلیوه اولدی اودا بیر عمده علّت یا علی

اوز جمالین بی حیا قُطّامه تا ویردی نشان

زاده ی ملجمدن آلدی جلوه سی تاب و توان

بیر وصالین شرطی قتل حجَّةُ اللهدور تمام

وای اگر انسانه نفس ایتسه حکومت یا علی

اوندا که مشغولیدون سن حضرت معبودیله

سجده ده سرگرمیدون بیر شاهد مشهودیله

ووردی بیر ضربت باشوندان تیغ زهر آلودیله

پایه ی اسلامی سیندیردی او ضربت یا علی

مسجده بیر خیمه وورموشدی او بی شرم و عفاف

معتکف ظاهرده، امّا دلده قصد انحراف

آه از آن احیای قدر و وای از آن اعتکاف

قتلیوه اولدی زمینه بو عبادت یا علی

هر کسی خالق ایدر اوز قدرتینجه امتحان

راستی حیرتده دور بو آزمایشده جهان

سجده دن سن باش گوتوردون ویرمدی دشمن امان

تیغ کینی ایتدی فرقوندن اصابت یا علی

اولدی بیر شمشیریله رکن هدایت مُنهدم

گَلمسه اوغلون بو شیرازه اولانماز مُنسجم

چون آلار بو قانلاری بیر گون امام مُنتقم

حق او مولایه ویروب بو امره نصرت یا علی

تا ایشیتدی جبرئیلین صیحه سین آل رسول

مسجده یوز قویدولار گوز یاشلی، محزون و ملول

گَلمدی امّا کناره دخت زهرای بتول

پشت درده دوردی اول کان حمیّت یا علی

کربلاده بُلمورم گوردی نجه قارداشینی

ابر باران تک توکوب رخسارینه گوز یاشینی

معجریله باغلادی محکم خانم اوز باشینی

قتلگاهه گَلدی اول دریای عصمت یا علی

بُلمورم شمریله ایتدی ایتمدی جنگ و جدال

خنجریله بُلمورم دوغرانمادی دوغراندی اَل

بو قَدَر وار سَسلدی ناگه بابا فریاده گَل

صور محشردی دوتوب دنیانی ظلمت یا علی

کربلاده گَل بابا بو قان دولان میدانی گور

باد ظلمیله بو صحراده قوپان طوفانی گور

زینبی، شمری، حسینی، قانلی بیر دریانی گور

بو کشاکشده منه ایله حمایت یا علی

ماجرای قتلگاهی ایلمه «خوندل» بیان

قانلی بیر دریادی، گیتسن غرق اولارسان بی گمان

بیر گَزَر اوردا مروّت سیز ستمگر ساربان

هر کس اوز مولاسینه ایتمز جسارت یا علی

شاعر : مرحوم حاج حیدرخوندل

!!! لطفا با نام کانال مدح و مرثیه کپی کنید !!!

در شهادت امیرالمومنین حضرت علی ابن ابی طالب (علیه السلام)

در شهادت امیرالمومنین

حضرت علی ابن ابی طالب (علیه السلام) 

یوموبدی گوزلرینی شاه لافتا بوگئجه

فنا جهانیدن آیریلدی مرتضی بو گئجه

صدای ناله گلورعرش حی داوردن

باتوبدی ماتمه بو غمده ماسوا بو گئجه

نه چون کسوفه دوشوب شمس عالم امکان

نجومدن اولورری انقطاع ضیا بو گئجه

غبار غم بوریوب عالمی مصیبتدن

تحوله یتشوب عرش کبریا بو گئجه

آچوبدی کثرت غمدن گل نبی باشینی

اولوبدی مرثیه خوان ختم الانبیا بوگئجه

گلوبدی جنة الاعلاده آه و وایه خانم

او گوز که آغلاماسا ایلیوب خطا بو گئجه

ویرور تسلی خاطر اونا جنان اهلی

یارالی قلبینه دگدی گینه یارا بو گئجه

عجب مصیبت عظمادی یوز ویروب بشره

بیر آیری حاله قالوب شاه کربلا بو گئجه

حسن حسینه تسلی ویرور ، دیور قارداش

آخان بو گوز یاشیوا گوزلریم فدا بو گئجه

یانخلی دیللریله اوخشاما دیور زینب

بلالی باشی تاپوبدور گینه بلا بو گئجه

دونوبدی گوزیاشی قانه گوزونده عباسین

اولوبدی ورد دلی دلده وا ابا بو گئجه

دیار کوفه ده غوغادی بو مصیبتدن

یتیم لر ایدور ایولرده آه و وا بو گئجه

بیری دیور گیجه لر باش چکن یتیمیلره

علی دگور گورسن گلمدی خدا بوگئجه

بیری ایاق سسینه باغلیور آچور قاپونی

دیزینده قالمور آجندان داخی قوا بو گئجه

بیری دیور که اجل درک ایدوب ، گلوب گئتمور

تاپوب اونون باشینی گوئیا قضا بو گئجه

همیشه عهدینه دنیاده ایلمیشدی وفا

یوبانماموشدی یوباندی او با وفا بو گئجه

نه ایستسن بو گئجه (ساده) ایسته مولادن

نه ایسته سن کرمیندن ایدر عطا بو گئجه

شاعر : استاد طهمورثی (عتیق)

!!! لطفا با نام کانال مدح و مرثیه کپی کنید !!!

در ختم عزای امیرالمومنین حضرت علی (علیه السلام)

در ختم عزای امیرالمومنین حضرت علی (علیه السلام)

ختم اولور بوگون عزای مرتضی یابن الحسن

هارداسان ای جدینه صاحب عزا یابن الحسن

ای ظهورینده ایدن احکام دینی تقویت

بو غمه صاحب عزاسن دوتسا هر کیم تعزیت

اولمادی ممکن حضوراً عرض ایدیدوخ تسلیت

اولدی مانع بیزدکی جرم و خطا یابن الحسن

بسته دور امر فرج بیر خالقین تقدیرینه

بیرده هر شخصه جزا وار ایتدیگی تقصیرینه

باعث اولدوخ بیز ظهورین بیر بیله تاخیرینه

ایلدوخ از بس عمل لرده ریا یابن الحسن

دوتموسان ماتم امیر المومنینه آغلوسان

اولمیَن اجراسی قرآنه مبینه آغلوسان

گه باخوب تعطیل اولان احکام دینه آغلوسان

بزم ماتمدور سنه ارض و سما یابن الحسن

گه باخورسان کوفه ده جدون علی محرابینه

گه یانورسان مذهبین سولموش گل شادابینه

گه ایدیرسن غصه دینین ترک اولان آدابینه

آغلوسان بو باره ده صبح و مساء یابن الحسن

گه باخورسان آغلوسان شمشیر خون آشانیوه

منتظرسن سکه دولت وورولسین نامیوه

امر اولونسون انتقام آل تا یتیش اوز کامیوه

ایلمه بیر بیله فرساد و نوا یابن الحسن

آیری بیر علتده وار بو ناله روز و شبه

آغلاروخ بیز شیعه لرده دائماً بو مطلبه

آغلوسان یا سیدی عموّن یارالی زینبه

دلده دائم ناله یا عَمَّتا یابن الحسن

بیر باجی قارداش حسینه زینبه اولماز مَثَل

باجی قارداش قاتلیله ایلیوب ایله جَدَل

دوغرانوب بارماخلاری قان آخدی مجروح اولری ال

واردی کیمده بو محبت بو وفا یابن الحسن

آغلوسان گاهی دیورسن جان ویروب سقا سوسوز

کربلاده قالدیلار ذریه ی طاها سوسوز

اولدوروب جدیم حسینی شمر بی پروا سوسوز

تشنه لب ایتدی ذبیحاً مِن قفا یابن الحسن

«کهنموئینون» بو خدمت لرده وار بیر نیتی

نار دوزخدن خلاص اولسون اودور جدیتی

چون اوطی سیددی وار سیز خاندانه نسبتی

ایستیون تا که قبول ایتسون خدا یابن الحسن

شاعر : مرحوم کهنمویی

!!! لطفا با نام کانال مدح و مرثیه کپی کنید !!!

تسلیت حضرت امام حسن مجتبی (علیه السّلام) در عزای پدر به حضرت امام حسین (علیه السّلام)

 تسلیت حضرت  امام حسن مجتبی (علیه السّلام)

در عزای پدر به حضرت امام حسین (علیه السّلام)

دور آتام هجرینده ایتمه ذکر واویلا حسینیم

توکمه گوز یاشین سرور سینۀ زهرا حسینیم

قویما بوینون چیگنوه چوخ اشگون آز رخساره باغلا

آه آتشبار چکمه قلبون آز حسرتله داغلا

گوزلرون قربانی قارداش اُز اُزون یورما آز آغلا

عرش اعلایه اوجاتما بانگ واویلا حسینیم

قان اولار دل لر بلالی سن بیله دل داغلینده

حسرتیله گل جماله اشگ حسرت باغلینده

عالم آغلار یر گوی آغلار سس چکوب سن آغلینده

ایتمه ناله ای حبیب خالق یکتا حسینیم

غم دوتار کلّ جهانی سن حسین غمگین اولاندا

اشگیله گوزلر دولالّار گوزلرون اشگه دولاندا

سر بسر گل لر سولا للار عارضون گل تک سولاندا

سولما زهرا گلشنینده ای گل زیبا حسینیم

چوخ اورکلنمه بو قدری باشینه اشگون بوراخما

اللرون قوینوندا بیله صاق صولا حسرتله باخما

گوزلرون دولدورما باخما قارداشون یاندیرما یاخما

اودلی قلبونده یاراتما آه آتش بار حسینیم

پیکر مهر و وفایه سن حسین روح روانسان

نور ایمان روح قرآن اصل دین جان جهانسان

جوهر جان سان عزیزیم سیّد اهل جنانسان

احترامون ساخلار اهل عالم بالا حسینیم

سن منیم صبر دلیمسن هم آنام زهرا عزیزی

هم آتام آرام جانی هم بابام طاها عزیزی

هم حبیب لم یزلسن خالق یکتا عزیزی

آغلاما پوزما وقارون عزّته دارا حسینیم

سن روان عاطفتسن هیکل مهر و وفاسن

ین اوسان اسمون دوادی ذکر اولان دلده شفاسن

خامس آل عباسن شهسوار کربلاسن

هر بلا گَلسه بلا - دی لا دیمه اصلا حسینیم

اود دوتوب قلبون دولوبدور قانیله بیللم لبالب

آغلاما بیر بیله امّا توکمه گوز یاشین مرتّب

سن بیله بی صبر اولاندا نیلسون مظلومه زینب

گورموسن آغلار اوغونماز دختر زهرا حسینیم

آغلاما صبر ایت بلالی باشوین غوغاسی واردی

کربلاده ماجرای یوم عاشوراسی واردی

زینبین اوردا همان گون محشر کبراسی واردی

ای قتیل تشنه کام یوم عاشورا حسینیم

ایله بیر گوندور که زهرا وای بالام وای باشلار آغلار

رنگی سولموش قزلار آغلار باجیلار قارداشلار آغلار

یرلر آغلار گویلر آغلار داغلار آغلار داشلار آغلار

سسلنر وای قارداشیم وای زینب کبری حسینیم

دین یولوندا باش ویرنلر دینینه قربان اولالار

تشنه لبلر،سود امرلر،پیرلر نورس جوانلار

مردلر گل پیکریندن سوکیمی آخدیقجا قانلار

کربلا صحراسین ایلر قانلی بیر دریا حسینیم

«تائبا» سن دوت بقانی بو جهان دار فنادی

بو فنا دنیا مقام امتحان ماسوادی

هر گون عاشورادی هر یر کربلای پر بلادی

اهل عاشورا اولوب - دی ای گوزل مولا حسینیم

شاعر : مرحوم تائب تبریزی

!!! لطفا با نام کانال مدح و مرثیه کپی کنید !!!

زبانحال امیرالمومنین حضرت علی (علیه السلام) به فرزندش امام حسن مجتبی (علیه السلام)

زبانحال امیرالمومنین حضرت علی (علیه السلام)

به فرزندش امام حسن مجتبی (علیه السلام)

تا باد اَجل گلدی خزان اولدی حسن جان

باغیمده بهاریمده خزان اولدی حسن جان

گُل صاحبی گِتسه غم و درده دولی گُل لر

افسرده اولار رنگی سارالموش سولی گُل لر

گوزدن دوشر البتّه پریشان اولی گُل لر

گُل یوزلولریم اشگ فشان اولدی حسن جان

من گِتمَه لیَم غُصّه قالار گُللریمیله

غمدن سارالان سوسن و سُنبل لریمیله

شور اوسته گَلَن نالیه بُلبُل لریمیله

مونس اولارا داد و فغان اولدی حسن جان

افسوس اَجَل گلدی اَلوزدن منی آلدی

بیله آرامیزدا آیروب تفرقه سالدی

دیدار داخی سیزلریله محشرده قالدی

بو آیریلقیم طول زمان اولدی حسن جان

قان آغلار اگر یاری گوره یار اوزاقیندا

قندیل مُصیبت آسیلار دل اطاقیندا

مشکل دی ولی قانلو گَزَه گوز قاباقیندا

بو درد سیزه٬دردِ گران اولدی حسن جان

دنیا که فنادی اونی اوّلده اونوتدوم

آتدیم هوسِ نَفسی رضای حقی دوتدوم

بونلان بیله بیر نچه ایل عالمده قان اوتدوم

لاله کیمی باغریم دولی قان اولدی حسن جان

قلبی٬کیمین عالمده بیله دردیله دولدی

یا لاله یانوب هاردا بیله خونجگر اولدی

دنیاده کیمین گُلشن عمری بیله سولدی

بیله هدف باد خزان اولدی حسن جان

کیم من کیمی عالمده اولوبدور بیله مَغموم

کیم من‌کیمی حقیندن اولوبدور بیله محروم

کیم من کیمی محروم دی کیم من کیمی مظلوم

کیم بیر بیله مظلوم زمان اولدی حسن جان

مظلوم ایلیوب یخدی منی ظالم جانی

بولموب بیله دوران اولی کوتاه زمانی

مظلوم قیامتده یخار اهل جفانی

ببر گون که گورر حشر عیان اولدی حسن جان

دنیا منه تنگ اولدی جهاندا گُوز ائویمده

حق اوسته ائشتدیم گهی ناحق سوز ائویمده

گه خانه نشین ایلدی دشمن ئوز ائویمده

بو ظلم منه بار گران اولدی حسن جان

من یرمی بش ایل عزت ظاهردن اَل اوزدوم

ائوده اوتوروب دلده غم اوسته غمی دوزدوم

اللّه ئوزی عالمدی که دُزدوم نجه دُزدوم

دوران منه چوخ چوخ خفقان اولدی حسن جان

بونداندا یامان درد اولی بو دارِ فناده

دانا باخا نادانلار اولا صاحب اراده

من باخدیم اولار ایلدی احکامی پیاده

قانون جفا حکمی روان اولدی حسن جان

دردیم چوخالاندا گجه لر ماهه دیردیم

گه آه چکوب دلده اولان آهه دیردیم

گزلینده گیدوب دردیمی گه چاهه دیردیم

سانما اورگیم دردین آلان اولدی حسن جان

دل دردیمی منله دِلَه توپراق آلاجاقدی

چوخ قلبه او بیر نِسگل اود سالاجاقدی

قبریم نچه ایل دهریده ایتگین قالاجاقدی

بو نکته ده چوخ نُکته نهان اولدی حسن جان

سالدیم اورگه دردیمی صبر و دُزومیله

مشغول ایلدیم ئوز ئوزومی حق سوزومیله

ئوز دردیمی من قبره آپارام ئوزومیله

بو درد منه مونس جان اولدی حسن جان

من گیتملیَم قیزلاریم آغلار قالاجاقلار

گُل یوزلرینه رنگ یتیمی آلاجاقلار

دلده بابا وای باشلارا قاره سالاجاقلار

ای وای اولارا ورد زبان اولدی حسن جان

چوخ قویما گَلَه زینب مظلومه نوایه

فریاد و نَوا قویما سالا عرشِ خدایه

دِهٔ ساخلاسون ئوز آغلاماقین کرب و بلایه

عادت اونا فریاد و فغان اولدی حسن جان

(تائب)سنه دم وئردی (نوازی)بو سوزونده

یاز آغلا بَرات نجف آل اشگ گوزونده

با هم سورونون اوردا (نوازی ده)ئوزونده

عرض ایله آتان لطفی عیان اولدی حسن جان

شاعر : مرحوم حاج صادق تائب تبریزی

در مدح امیرالمومنین حضرت علی (علیه السلام)

در مدح امیرالمومنین حضرت علی (علیه السلام)

بندهء درگاه تو چون شاه شاهان می شود

خاک کویت مفخر دیهیم خاقان می شود

از لب لقمانی ات وز حکمت سقراطی ات

طفلِ ابجد خوانِ مکتب، همچو حَسّان می شود

گورگیران گر ببیند صولت بهرامی ات

گور جوی و پاگریز از دیده پنهان می شود

تا عصای فضل تو از دست بیضایت فتد

رشتهء فرعونیان در بطن ثُعبان می شود

هر سحرگه شأنی از صدها شئون شمس توست

ذرّه ها از شأن تو خورشید تابان می شود

لعل جانبخشت (کُن)ی گوید اگر از امر حق

از لبت ذرّات هستی درّ و مرجان می شود

دست نظمت برتر از نظّام ِ سحر ِ روزگار

غبطه خور بر نثر تو صد کِلک سَحبان می شود

خاتم جود و عطای راکعان در دست توست

از نگینت بینوایان، شاه و سلطان می شود

شاعر : مختار وطن پرست (نگین)

منبع : کانال اشعار نگین

زبانحال امیرالمومنین حضرت علی (علیه السلام) در شهادت حضرت فاطمه زهرا (سلام الله)

زبانحال امیرالمومنین حضرت علی (علیه السلام)

در شهادت حضرت فاطمه زهرا (سلام الله)

دونوبدی گور نجه دور زمانه فاطمه جان

گتیردی شیر خدانی فغانه فاطمه جان

امام آغلاماز عالمده درد و محنتدن

محالیدور سالا غم صبر و استقامتدن

فراق دردی سالوبدور علینی طاقتدن

سرشکیمی چووروب لخته قانه فاطمه جان

نه یاتموسان گوزون آچ، گل تکلمه بیرآن

دانش منیله سن ای کشته ره قران

یوزونده نقش دگر نقش اولوب سنه قربان

که قبره سنله گیدور بو نشانه فاطمه جان

یانور غمونده یارالی بو غصه لی سینه

سنه جسارت ایدنلرده واردی چوخ کینه

دگوبدی ضربه مهلک سینوبدی آیینه

قباله نی ایلیبدور بهانه فاطمه جان

نه قدری یاره ووروبلار مگر بو خسته تنه

خدا بولور نه قدر ظلم اولوب جهاندا سنه

نجه یوووم بو اللی که سپر اولوبدی منه

گورنده اود سالوری جسم و جانه فاطمه جان

سالوبدی نورینی ماه تمام پیکریوه

دوشور گوزوم منه قان آغلیان او گوزلریوه

یانور بو داغلی اورک، دلده جمله غملریوه

اودور که آغلیورام یانه یانه فاطمه جان

گورنده سینه وین اوسته بو زخم مسماری

اُلوری عارضیمه اشک چشمیمی جاری

او یاره نین منه سندن ده چوخدی آزاری

بو سِرّ ، گلموری شرح و بیانه فاطمه جان

باخاندا باطن ظاهرده حسن نیتیوه

فرحلنردی علی لطف بی نهایتیوه

منه او دلده اولان عشقیله محبتیوه

فدا اولام گر، اولار منصفانه فاطمه جان

سن ای فروغ فروزان محفل عصمت

سن ای وجودی اولان خلقته بویوک علت

سن او امانتیدون سنله اشرف خلقت

چکوبدی امتینی امتحانه فاطمه جان

جهان عاریه ده نچه افتخارون وار

بیر بودور که حَق حَقدن اختیارون وار

زبان حَق واروندور که ذولفقارین وار

سالوبدی کفری تمام الامانه فاطمه جان

هنوز واردی یادمدا عطوفت ایلموسن

فصیح نطقیله مسجده صحبت ایلموسن

فدا او نطقیوه زهرا، قیامت ایلموسن

اودور او خطبه اولور جاودانه فاطمه جان

مفاد خطبه ایدوب نصَ مصحفی زنده

که بند بندی سالوبدور سقیفه نی بنده

او خطبه ایلیجاخ اهل حقی پاینده

بو فخر فخر اولی صاحب زمانه فاطمه جان

بقية اللَّهِ اَعظمسَن ای سُووَرده بشر

گلوبدی شانیوه حقدن معانی کوثر

سنون وجودیوه فخر ایلیردی پیغمبر

یوزونی باخما چووردی زمانه فاطمه جان

سوزی سوز اهلی آلار مختصر اشارتدن

اشارت ایلیورم بیرده بیر عبارتدن

قیامتین گونی امت نجه خجالتدن

باشینی گوزیاجاخ آسمانه فاطمه جان

(عتیق) زنده لطف و نثار دلبردور

جهان عاریه ده تشنه کام کوثردور

اودور که قلب منیری منیر حیدردور

تفاخر ایلور سنلن جنانه فاطمه جان

شاعر : استاد طهمورثی (عتیق)

!!! لطفا با نام کانال مدح و مرثیه کپی کنید !!!

زبانحال امیرالمومنین حضرت علی (علیه السلام) بعد از شهادت حضرت زهرا (سلام الله)

زبانحال امیرالمومنین حضرت علی (علیه السلام)

بعد از شهادت حضرت زهرا (سلام الله)

شعله زد در خرمن جان آه آتش زای من

کو زلال فیض لعلت؟ جان من! زهرای من!

هاله ی غم چتر گردان جمالت گشته است

کو خدائی جلوه ات؟ ای ماه مهر آرای من

نشکفد گر بر تکلّم غنچه ی خاموش تو

هر سخن افسرده گردد بر لب گویای من

نرگست گوئی بود مست شکر خواب سحر

ای نگاهت مایه ی نوشینی رویای من

بوی هجران می تراود از گل پژمرده ات

وایِ من!‌ از تلخی ایّام هجران، وای من!‌

نوبهارا جلوه ات چون شد، مگر باد خزان

برد بر یغما صفای این گل رعنای من

از نیایش شعله در جان ملائک می زدی

ذکر و تسبیحت چه شد ای همدم نجوای من

چشم بیدار تو را چون خفته بینم نیمروز؟

ای چراغ افروز بزم طاعت شبهای من

بشکند دستی که شد ویرانگر بنیان صبر

کرد چون فیروزه، رنگ لولو لالای من

ریخت اشکم، ریخت تا گردون به جامت زهر غم

سوخت جانت، سوخت تا کاشانه و ماوای من

از تو باشد رونق گنجینه ی تنزیل و وحی

ای به اکلیل کرامت گوهر والای من

حال امروز تو خون اندر دل من می کند

گر نگردد حال، وای از تلخی فردای من

قامت صبرم شکست از بار محنت زای درد

تا نشان سنگ کین شد گوهر یکتای من

شکرُ لِلَّه جز به درگاه نبی و آل او

پیش کس عابد نشد خم قدّ استغنای من

شاعر : مرحوم عابد

!!! لطفا با نام کانال مدح و مرثیه کپی کنید !!!

زبانحال امیرالمومنین حضرت علی (علیه السلام) بعد از شهادت حضرت زهرا (سلام الله)

زبانحال امیرالمومنین حضرت علی (علیه السلام)

بعد از شهادت حضرت زهرا (سلام الله)

شعله زد در خرمن جان آه آتش زای من

کو زلال فیض لعلت؟ جان من! زهرای من!

هاله ی غم چتر گردان جمالت گشته است

کو خدائی جلوه ات؟ ای ماه مهر آرای من

نشکفد گر بر تکلّم غنچه ی خاموش تو

هر سخن افسرده گردد بر لب گویای من

نرگست گوئی بود مست شکر خواب سحر

ای نگاهت مایه ی نوشینی رویای من

بوی هجران می تراود از گل پژمرده ات

وایِ من!‌ از تلخی ایّام هجران، وای من!‌

نوبهارا جلوه ات چون شد، مگر باد خزان

برد بر یغما صفای این گل رعنای من

از نیایش شعله در جان ملائک می زدی

ذکر و تسبیحت چه شد ای همدم نجوای من

چشم بیدار تو را چون خفته بینم نیمروز؟

ای چراغ افروز بزم طاعت شبهای من

بشکند دستی که شد ویرانگر بنیان صبر

کرد چون فیروزه، رنگ لولو لالای من

ریخت اشکم، ریخت تا گردون به جامت زهر غم

سوخت جانت، سوخت تا کاشانه و ماوای من

از تو باشد رونق گنجینه ی تنزیل و وحی

ای به اکلیل کرامت گوهر والای من

حال امروز تو خون اندر دل من می کند

گر نگردد حال، وای از تلخی فردای من

قامت صبرم شکست از بار محنت زای درد

تا نشان سنگ کین شد گوهر یکتای من

شکرُ لِلَّه جز به درگاه نبی و آل او

پیش کس عابد نشد خم قدّ استغنای من

شاعر : مرحوم عابد

!!! لطفا با نام کانال مدح و مرثیه کپی کنید !!!