مناجات

مناجات

بارالها توکورم اشگیمی گریانم من

چوخ گناه ائتمیشم عمریمده پشیمانم من

ساحت قدسیوه ال آچدیم امیدیله سنون

لطفوه مستحقم تابع قرآنم من

خاطی ام خبط وخطاروحیمه آزارویروب

باخ قیامتده گوروم شادوخرامانم من

کئچ مقرّب لریوون خاطرینه جرمیمدن

یانورهرآن اورگیم حالی پریشانم من

جوشه گلسون کرمون حشریده یاذوالکرمیم

قورخورام یاندیراسان ناره هراسانم من

گونده بش وقته قبول ایله عبادتلریمی

سنه تنها ائدورم سجده مسلمانم من

شعرحُزن آورحسینه یازورام قرخ ایلدی

نوکرعاشق برجسته ی سبحانم من

قبرششگوشه سینی سن منه دن قسمت ایله

تا گوروم بنده ی ممتازوه مهمانم من

قبریمه گوندرآقام باشیمون اوسته دایانا

اوگجه منتظر خسرو خوبانم من

کیم منی ویرسا دییه ورما منه راجعدی

آری امدادگر تعزیه دارانم من

ائدم حاشا سنیلن مثل حسین راز و نیاز

دیدی جان اوسته الهی سنه قربانم من

نقدر اولسا بلا سینم آچوقدور گوندر

اوچ پراوخدان بیلوسن سینه سی شان شانم من

دیورم ربّی دوداقیمدن اولور قان جاری

کربلاده دوداقی یاره لی سلطانم من

ذَرّه سیندیرمادیم اعدا قاباقیندا ئوزومی

چونکی ذُرّیّه ی پیغمبر رحمانم من

یالوارور زمزم و کوثر هله ناز ایلیورم

ایچم حاشا بئله موقعده گر عطشانم من

تشنه ام تشنه سو آماله منی چاتدیرماز

عاشقم تشنه ی وصل خود جانانم من

هر کتابینده «معزی» یازوب اعلان ایلیوب

نوکر سرور و سالار شهیدانم من

شاعر : معزی اردبیلی

مناجات

مناجات

یارب بو گون ایتدیم وفا اوز ایتدیقیم پیمانیمه

ویردیم رضا تیر جفا آلدیم یارالی جانیمه

باخدیم ازلکه عهدیمه ترک جهان ایتدیم بو گون

من یَشتری سوداسینون شرحین بیان ایتدیم بو گون

دشت بلانی قانیله باغ جنان ایتدیم بو گون

حتّی اوزومده لاله تک آخِر بویاندیم قانیمه

بیر بیله ساعت ای خدا بیر عمر ایلردیم سراغ

صد شکر اولدی قسمتیم اغیاریدن تاپدیم فراغ

زاغ و زاغن خالی اولوب اطرافیدن خلوتدی باغ

بلبل کیمی دل آچموشام راز دله جانانیمه

جسمیمده قانلی یاره لر نی تک گلوبدی نالیه

درک ایلدیم بو عالمی یتدیم مقام عالیه

گیسوی اکبر تک خدا پرتاب و چین پر غالیه

دوندردی چینه بو چولی باخ دسته ی ریحانیمه

دوغراندی بیر اکبر کیمی پیغمبره بنزر بالام

واردور یری اکبر دیوب عالملره شیون سالام

چون سن رضاسن یانمارام منده گرکدور کام آلام

باخدوقجا القان ایچره بو آهو صفت قربانیمه

سمّ ستوران ایلیوب پامال جسم قاسمی

قولسوز یخوب آتدان یره دشمن رشید عبّاسیمی

زینب گرکدور شامیده دوتسون منیمده یاسیمی

مسکن اولاندا گوشه ی ویرانه اول نالانیمه

ایستردیم اهل عالمه مفتوح اولا باب فرج

اتمام حجّت ایلدیم تا ایتمه سون افواج لَج

من سهلم، عبّاس ئولماقی افلاک قدّین ایتدی کج

ماه فلک افسوس ایدوب یاندی مه تابانیمه

من باخمارام اوغلوم ئولوب چوخدور ملال و محنتیم

قارداشسیزام آرتوب غمیم اولموش خمیده قامتیم

یارب تمام عمریدن خوشدور منه بو ساعتیم

عالملری ویرسن اگر اولماز عوض بو آنیمه

بیر ضعفیله شدّت یتوب بو گون گونون احراقینه

یر ایسّیسی ایلر اثر بو آتلارین دیرناقینه

امّا خوشام من دوشموشم کرب و بلا توپراقینه

آختارمارام بیر کولکه یر راحتدی بو یر جانیمه

غم ایتمرم یالقوزلیقا نه یار و نه یولداش قالوب

نه قارداش اوغلی نه اوغول نه مهربان قارداش قالوب

گلمز ندن شمر شقی گورمور مگر بو باش قالوب

امّا گلنده شمر دون زینبده گلسون یانیمه

هر نه گمانیم واریدی تقدیم ایتدیم من سنه

سنده بغیشله جدّیمون امّتلرین یارب منه

ویر بیر امان نامه اولار یتسون مقام ایمنه

سن قیل کرم اکرام ایدوم منده گلن مهمانیمه

ناگه حبیبه بیر ندا ایتدی او دم محبوبیدن

ای سویگلوم بو حالتون آلدی شکیب ایّوبیدن

میلون نه قدر اولسا جوان و پیر و زشت و خوبیدن

عفو ایلرم قویمام بیری قویسون قدم نیرانیمه

امّت غمینده ایمدیکه چوخ آه و زارون وار حسین

غم ایتمه عفو ایتدیم حسین چوخ اعتبارون وار حسین

هر بیر کسه ایتسن عطا ایت اختیارون وار حسین

محکوم حکم ایتدیم سنه سن حاکم اول رضوانیمه

بو کارگاهیمده اولان وار هر نه بیش و کم سنون

حور و مَلَک، عرض و فلک، حتّی تمام عالم سنون

آب فراتی ایستمه کوثر سنون زمزم سنون

بیرده دیمه اوچ گوندی سو دگموب لب عطشانیمه

ای نور عین فاطمه محبوب حیّ ذوالکرم

بیر لطف قیل ویرّم قسم قارداشون عبّاسه قسم

ایسته شِفا ویرسون خدا هر چاره‌دن بی‌چاره‌ام

دکترلر امّا گورمه سین عاجزلیوب درمانیمه

شاعر : مرحوم شانی تبریزی