متن و دانلود نوحه های ترکی و فارسی جدید

نوحه روز عاشورا-نوحه حضرت علی اصغر (ع)-نوحه حضرت ابوالفضل(ع)

نوحه روز عاشورا

ییخلوب یارالی دی باغبان اونا یاس دوتوب چمن آغلیور

گل آچوبدی یارلرینده قان گلن آغلیور گیدن آغلیور

یارالار قیزیل گوله بنزیور گل لاله لباسی وار

سینه سینده قرمزی پیرهن بورونوبدی قرمز اباسی وار

دوداقی گوزی بلشوب قانا یوزونون بیر اوزگه نماسی وار

آچولوبدی سینه چشمه قان اونا قانلو پیرهن آغلیور

بلی باغبان گله سو ویرر نیه بس سوسوز دی بو باغبان

سارالوبدی گللری خیمه ده نیه بس سولوبدی بو گلستان

ییخلوبدی سرو صنوبری نیه باغی الله اولوب خزان

بو چمنده بلبل ایدور فغان گوزی دولدی یاسمن آغلیور

ییخلوب بو کیمدی چوخور یره گلن اوخ ویرور گیدن اوخ ویرور

کیمین الده نیزه سی خنجری وار او تک یارالینی چوخ ویرور

داش آتالا چوخ اوچو خور یره کمک ایلسون بیری یوخ ویرور

یارالی جنازه سی تتریور ایکی اللری دوشن آغلیور

نه گوربله اوندا او تئلّدن بیری بو غریبه کمک گلور

ایکی اللرین باشینا قویوب باجی سی گلور ولی تک گلور

قدم آتدوقیجا ویرور باشا او باشیندا قاره لیئچک گلور

اوجادان دیور ایله یا حسین اوجادان حسین دین آغلیور

ایاق آلتدا باخمادی خنجره اوخا تیره گوله گوله

یول آچوبدی لشکره باخمادی یتوروب اوزونی او مقتله

نه گوروبدی شمر جفا آلوب توکه قانی خنجرینی اله

ال آتوبدی فوری او خنجره بو شهامتی گورن آغلیور

نه شجاعت ایتدی علی قیزی پوزوب اوندا حالین او کافرین

ایتی خنجر عریان الینده ددی یاپیشوب ایکی اللی او خنجرین

او لعین چکوب آلا خنجری بله دوغریوب ایکی اللرین

بیله گوردی زینبی فاطمه او چو خور یره گلن آغلیور

نوحه حضرت علی اصغر (ع)

ای مهربان عمو جان اصغر یانور عطشدن

بو قوللاریوه قربان اصغر یانور عطشدن

قان اولدی قلب زاریم سو یوخدی خیمه لرده

صولدی بو گل عذاریم سو یوخدی خیمه لرده

گل ایله ایندی احسان اصغر یانور عطشدن

ای معدن کرامت طوفاندی کربلاده

بیلمم نه واردی عمم گریاندی کربلاده

قربانون اولّام اصغر عطشاندی کربلاده

قان اولدی قلبیم الان اصغر یانور عطشدن

ای دین حق فداسی سقای مهربانسان

بو گوزلریم ضیاسی سقای مهربانسان

بو قوللارون فداسی سقای مهربانسان

بو چولده یوخ مسلمان اصغر یانور عطشدن

من نیلرم بو چولده ای روح پاک ایمان

قان آغلارام ئولونجه قارداشیم ئولسه عطشان

باغلاندی راه چاره عطشاندی بیر گلستان

گلدیم بو دشته میهمان اصغر یانور عطشدن

ای صود امریم آغلاما یات قوی سحر اولسون

قویما آناوین زحمتی اوغلوم هدر اولسون

آتسوندا منی سن که سنی آتمارام اوغلوم

لای لای چالارام صبحه کیمین یاتمارام اوغلوم

بی کس آناوی ائتمه گونی قاره علی جان

دیر ناخلارون ائتدی دوشومی یاره علی جان

نوحه حضرت ابوالفضل(ع)

اولوب قوللار قلم الله اکبر

اسوب قانلی علم الله اکبر

سو مشکین گوزلریندن چوخ گوزتلور

او سقای حرم الله اکبر

او اللر که گزردی اللر اوسته

هوادن اود توکردی صفلر اوسته

همین اللر دوشوب خاکستر اوسته

دوروب ثابت قدم الله اکبر

هزار افسوس او سردار گرامی

گورونمور دوره سینده اهل شامی

آتون اوز بوینونا دوشمیش لجامی

دوتوب گوز لیور الده سو جامی

دیور هی دمبدم الله اکبر

دئدی ای مرکبیم سمتون دولاندور

قیت بو گئتدیگون یولدان اماندور

گوزی یولدا رقیم باغری قاندور

ولیکن تشنه لردن آز اوتاندور

سو یوم یوخدور گئدم الله اکبر

وفالی مرکب رزم آزموده

اطاعت ایلدی اول کان جوده

ایکی شهر اهلی صف صف توده توده

ائدوبلر حمله بیر قولسوز وجوده

رکوعه گئتدی تا دوشسون سجوده

دیدی یا ذا الکرم الله اکبر

حسین جام اجل مرد افکن اولدی

وجودیم حربه دن روئین تن اولدی

آچوب گل سینم اوستن گلشن اولدی

بدن گوز گوز مثال جوشن اولدی

گل ایندی گورمین گوز روشن اولدی

گلوب زهرا ننم الله اکبر

نه گوردی بیلمورم ائتدی بهانه

دوتوب یوز خیمه گاهه یانه یانه

تقاضا ایتدی شهدن عاجزانه

قوناقون گلدی گل ویر مژدگانه

الیم یوخدور وئرم خیمون نشانه

کسیلمیش اللریم الله اکبر

نوحه علمدار کربلا

گلدیم یانووا ایندی قربانون اولوم عباس

دور یاتما بئلیم سیندی قربانون اولوم عباس

دردیمون درمانی لای لای ابوالفضل