قسمتی از اشعار مرحوم #دخیل

یازار بو خطی حسین علی ، رسول شبیه
ایده مطالعه بو نامه نی حبیب فقیه

منه یقیندی منم پادشاه احمد جاه
علی سلاله سیم زاده رسول الله

منی دیوب اوزی تک چونکه سرور مدنی
اتیم اونون اتیدور قان اونون ،بدن بدنی

منیم رضامه پیمبر کیمی مکلف سن
تمام خلقه بو تعریف وار سن اعرف سن

بودور سوزوم سنه ای پیر معرفت آگاه
نفس ویروبدی سنه بش نفر ولی الله

ایدوبدولر سنی حفاظ حافظ قرآن
چخوبدی آدیوه منشور آیه قربان

گرک سنیله مباهات ایلیه اسلام
یازوب جنابوه چون اکبریم دعا و سلام

گتوردوم اکبر آدین قوت نفسدی سنه
فقیه کیمسنه سن بیر بو حسن بسدی سنه

نجه کی ایلموسن مشق علی زمانینده
گرک گلوب ویره سن مشق حسین قباقینده


جهاد مشقی گرک اکبریمه سن ویره سن
دوشوب قباقینه رزمه ازل اوزون گیده سن

گردی رزمده قرآن تلاوت ایلیه سن
النلرین باشی اوسته قرائت ایلیه سن

عربده غیرت اولار غیرت عرب سنسن
بو قوم بی ادبه مایه ادب سنسن

سخا بروزه ویروب گیچ عزیز جانیندن
بخیل ایتمه گذشت ایت بو یولدا جانیندن

گل اولگلان منه الله یولوندا سن قربان
که باطن حرم اللهه ایلییم دربان

دیمم جنازه وه غسل و حنوط ایلیه لر
ولی بونی دیرم اوز قاپومدا دفن ایده لر

گرک سنه ایکی من جه محبت ایلیه لر
مزاریوی ایکی دفعه زیارت ایلیه لر...

التماس دعای فرج