شب عاشورا
احوالات شب عاشورا
آچیب عزت قاپوسین شاه شهیدان بو گجه
گلور عشاق و ملک خیمیه مهمان بو گجه
یغشوب پیر و جوان جمله حسینون باشینا
آخرین سؤزلرینی ایلیه اعلان بو گجه
رخ زیبای حسین هر طرفه نور سالیب
آفتاب و قمری ایلدی حیران بو گجه
تا سکوت اولدی عیان پیر طریقت دیدی هو
باشلیرام الله آدیلان بودی فرمان بو گجه
خوش گلیبسوز سیزی بیر امره مخیر ائدورم
اولمیا غالب اولا نفسوزه شیطان بو گجه
چون سحر یوم بلا جنگ و شهادت گونودی
ایستورم واقف اولام وار نچه قربان بو گجه
بی تعارف دیورم خیمه که تاریک اولدی
کیم گئدور گئتسون اگر اولسا پشیمان بو گجه
من حسینم ئوزومه عاشق صادق گزیرم
قالماسون هر کس اولور ناقض پیمان بو گجه
کیم حسین عاشقیدی یار حق رحماندی
قالاجاق عمر ابد تابع قرآن بو گجه
من اونون اللرینی ویرسه اجازه ئوپرم
اودی وارسته بشر طالب جانان بو گجه
الغرض سؤندی چراغلار کسیلوب همهمه لر
هرکس ئوز ذائقه سین ایلدی کتمان بو گجه
او قرانلوقدا گئدن گئتدی یازار مقتلده
قالدی با عاطفه یئتمیش ايکی انسان بو گجه
شمعلر روشن اولان وقتده مظلومین آقامین
روحی گؤیلرده اوچوب شاد و خرامان بو گجه
باخدی سالار شهیدان کمگین ائتدی مرور
قییدوب منفک اولان جسمینه بیر جان بو گجه
دئدی صد شکر خدایا بولارین غیرتینه
قویمیوبلار قالا تک شاه لب عطشان بو گجه
فکره دولدی ایله بیل نقشه چکور جنگاهه
لشکره ایستوری ویرسون سر و سامان بو گجه
ئوز خیالینده مجسم ائلدی صبح اولسا
کیمی اول ائده جاق عازم میدان بو گجه
گؤردی اکبر یاراشور یازدی آدین اولده
سالار البته علی عرصه ده طوفان بو گجه
ولی حیف اولسون اونون قامتینی دوغرادیلار
یئری وار تازه جوانلار اولا گریان بو گجه
قاسمون بیلدی که وار باشدا شهادت فکری
آدینی یازدی مبادا اولا نالان بو گجه
تازه داماد ولی طوی گونی قرمز گئیدی
قاره پوش اولدی عروسی شب هجران بو گجه
تا که عباسه گؤزی دوشدی چکیب دلدن آه
بیلدی قارداشی دوشر نهرده بی جان بوگجه
سالدی دشمن او علی بوسه ووران اللرینی
روز عاشوردن الواندی نیستان بو گجه
نقشه لر چکدی خیالینده او شه طولانی
بیر نچه لحظه غرض هوش آپاریب مولانی
درک ایدیب عالم رویاده رسول اللهی
وار یئری جدی مخاطب ائلیه اول شاهی
عارف اول سنسن اوغول آل محمدده شهید
سن گرک فاش ائده سن سر فنا فی اللهی
سالما تاخیره حسین گل که نه تنها ملکوت
گؤزلیور آدم و خاتم یولوی واللهی
بو گجه ای گل زهرا سنه آخر گجه دی
قوی باشون بالشه یات برهم اولان خرگاهی
استراحت ائله شاید باشون اللرده قالا
اولمیا گل بدنین مشتری دلخواهی
هوشه گلدی دئدی هیهات حسین بن علی
جدینون امرینه بیر لحظه ائده کوتاهی
ایندی آماده اولون گودی مقتلده گورک
نجه درک ایلدی زینب بو غم جانکاهی
داشلاری نیزه لری ووردی کناره او خانم
ؤردی بی سردی یاتیب قاندا مبارک ماهی
وا اخا ناله سی قؤزاندی او دم زینبدن
دئدی ایوای یارالی عالمی اولسون واهی
ایندی منده یازورام شعر حسین وای دیلده
اون بش ئیل بو قاپیدا ایله میشم مداحی
ایستورم لطفیله الله گؤره «معروفه» روا
ئیلده بیر دفعه ئوپه جنت اولان درگاهی
ابوالفضل عباسی معروفان اهری
.......................................
احوالات شب عاشورا
امشب شهادت نامه ی عشاق امضا می شود
فردا ز خون عاشقان، این دشت دریا می شود
امشب کنار یکدگر، بنشسته آل مصطفی
فردا پریشان جمعشان، چون قلب زهرا می شود
امشب بود بر پا اگر، این خیمه ی خون خدا
فردا به دست دشمنان، بر کنده از جا میشود
امشب صدای خواندن قرآن به گوش آید ولی
فردا صدای الامان، زین دشت بر پا می شود
امشب کنار مادرش، لب تشنه اصغر خفته است
فردا خدایا بسترش، آغوش صحرا می شود
امشب که جمع کودکان، در خواب ناز آسوده اند
فردا به زیر خار ها، گم گشته پیدا می شود
امشب رقیه حلقه ی زرین اگر دارد به گوش
فردا دریغ این گوشوار از گوش او وا می شود
امشب به خیل تشنگان، عباس باشد پاسبان
فردا کنار علقمه، بی دست، سقا می شود
امشب که قاسم زینت گلزار آل مصطفی ست
فردا ز مرکب سرنگون، این سرو رعنا می شود
امشب بود جای علی، آغوش گرم مادرش
فردا چو گل ها پیکرش، پا مال اعدا می شود
امشب گرفته در میان، اصحاب، ثار الله را
فردا عزیز فاطمه، بی یار و تنها می شود
امشب به دست شاه دین، باشد سلیمانی نگین
فردا به دست ساربان، این حلقه یغما می شود
امشب سر سر خدا، بر دامن زینب بود
فردا انیس خولی و دیر نصاری می شود
ترسم زمین و آسمان، زیر و زبر گردد حسان
فردا اسارت نامه ی زینب چو اجرا می شود
مرحوم حبیب الله چایچیان (حسان)
منبع مجموعه کانالهای مدح و مرثیه
......................................
احوالات روز عاشورا
و میدان رفتن یاران
و گریز به حضرت ابوالفضل (ع)
روز عاشورا چکلدی نقشه ی پیمان عشق
قلبلرده اولدی تفسیر آیه ی عرفان عشق
عشقیله غیرت ویروبلر ال اله تا ثبت اولا
دفتر حق و حقیقتده اولان عنوان عشق
جمع اولوبلار بیر یره یتمیش بیر عاشق سینه چاک
ایتدیلر امضا یازیلدی دفتره دیوان عشق
شاه مظلومان عالم بند قلب فاطمه (س )
ایستدی جاری اولا عالمده چون فرمان عشق
بیرطرفده لشگر تیره ضمیر اشقیا
بیرطرفده لشگر جان بر کف سلطان عشق
کربلانی چولقاموشدی شور و شوق و اشتیاق
گوئیا گویدن یاغوردی عرصیه باران عشق
بیر به بیر اصحاب قویدی عرصه ی رزمه قدم
دللرینده شوق وصل یار و جان قربان عشق
حَنظَله،جُندب،حبیب و مسلم ابن عوسجه
عابِس و یعقوب کِندی اولدولار مهمان عشق
حر نام آور گلوب اولدی بو درگاهه دخیل
عرض قیلدی ای حسین ای سرور مستان عشق
گیتمیشم راه خطا،من قیزلارون قورخوتموشام
جانیمی وئرسم یولوندا،دل تاپار سامان عشق
قورتاروب انصار،نوبت یئتدی آل هاشمه
اکبر شهزاده اولدی عازم میدان عشق
عون و فضل و جعفرینده ایلدی دینه فدا
قاسم داماده اولدی حجله گه دامان عشق
وِیردی عباس علمداره حسین دین پرچمین
منصبی اولدی او شیرون ساقی طفلان عشق
وقت او وقت اولدی علمدار ایلسون عزم فرات
ایلمیشدی خیمه ده برپا عطش طوفان عشق
چگنینه سالدی سو مشگین زاده ی ام البنین
روبرو اولدی سپاه شامیله اصلان عشق
سسلدی ای قوم کین پرور ندور بو شوروشر؟
کوفه اهلی یوخدی سیزده غیرت و وجدان مگر؟
ای گروه پست فطرت شرم ائدون قرآنیدن
بو عمل لر چوخ اوراقدور شیوه ی ایمانیدن
خیمه ده عطشان اوشاقلار سسلنورلر العطش
ایلیوب گهواره ده بی کس ربابین اوغلی غش
بیر نفر شام اهلی لشگردن وئروب بیله جواب
سو سوزون اصلا دانیشما ای بدیل بوتُراب
وئرمروخ بیر قطره ده دولدورسا گر دنیانی سو
صادر ایلوبدی بو فرمانی یزید کینه جو
یا گرک بیعت ائده سلطان شامه قارداشین
یا گرک اطفالی ائچسون سو یرینه گوزیاشین
تا ایشیتدی بو سوزی سقای شاه نشاءتین
سویلدی بو امره حاشا تن وئره شاهیم حسین
"بیعت امرین پادشاه ارض و مافیها بولر"
جنگ ایشین اما بو چولده صولته دارا بولر
گر اله شمشیر آلام بو دشتی ویران ایلرم
صولتیمدن لشکر اعدانی حیران ایلرم
فن جنگی من آتام شیر خدادن آلمیشام
غیرتین درسین او شاه لافتا دن آلمیشام
منصبیم باب الحوائج رتبه ده ارزندیم
شیرزادم من علینون شیردل فرزندیم
شاهباز اوج عشقم جعفر طیار تک
فتح جنگه قادرم من حیدر کرار تک
گر منی جنگه مخیر ایلسیدی شاه دین
خاکیله یکسان ایدردیم اهل شامین بیرقین
شیر هیجایم جماعت لیک حسینه نوکرم
شاهیمون بیر موی نی کل جهانه وئرمرم
من بو درگاهه اوتوز بش ایل اولار وابستیم
افتخاریمدور بو نوکرلیق منیم،وارستیم
الغرض ایتدی او قومه هرنقدری احتجاج
دونمدی راه خطادن دشمن کینه مزاج
ال آتوب شمشیرینه لشگر دوشوبدور وحشته
مرحبا بو صولته احسن او بی حد غیرته
کیم مبارز اولدی نوش ایتدی اجل پیمانه سین
محکم ایتدی مرکب اوسته پور حیدر شانه سین
یول آچوب نهر فراته بین لشگردن او شیر
داخل اولدی نهره تا پور غیور شیر گیر
بیر فراته باخدی سقا بیرده خالی مشکینه
گوزلری ایسلاندی بیردم غرق اولوب اوز اشکینه
بیر اوغوج گوتدی سودان تاکی یتوردی لبلره
یادینه دوشدی وئروبدی وعده ی سو اصغره
حال یاسیله سویی ایتدی مخاطب،گیچمرم
ایچمیوبدی بو سودان تا کی رقیّم ایچمرم
آتدی فورا، یادینه دوشدی خیام طاهرات
نفسینی قیلدی مخاطب سویلدی اول خوش صفات
سن دیدی مهریه سن زهرایه ای آب فرات
بس ندورعلت قالوب عطشان بو صحراده بنات
آیریلاندا خیمه دن باخدیم اولوب قلبیم کباب
اصغری گوردوم آلوب آغوشینه آغلور رباب
یالواروردی آغلاما ای نازدانَم آغلاما
لبلرون قربانیم بو قلب زاری داغلاما
بیرده کی گوردوم رقیّه صف چکوب قیزلاریله
الده سو جامی دوروبدی غملی اولدوزلاریله
چگنیمه سالدی سو مشکین آغلادی اُول باوفا
سویلدی عطشانم ای سقای دشت کربلا
لبلریم یاندی سوسوزدان دردیمه درمان ایله
اولسا امکانی عمو بیر شربه سو احسان ایله
عقل سویلردی اگر ایچسن اولارسان کامیاب
عشق سویلردی مبادا!!! عشقیوی ایتمه سراب
عقل سویلردی سوسوزسان،ایچ سووا ناز ایلمه
عشق سویلردی عطش سن،لیک،ابراز ایلمه
ما حصل بو کشمکشده غالب اولدی نفسینه
سلسبیل و حوض کوثر طالب اولدی نفسینه
دولدوروب مشکی سودان سقا، غرض دوشدی یولا
سعدین اوغلی گوردی نقشه آز قالور پامال اولا
عزم خرگاه ایلیوب شاد و خرامان یول گیدور
مشکی اخیامه یتیرماقدان اوتور چوخ سعی ایدور
اوخ آتانلاره دیدی اجرای فرمان ایلیون
مشکیله سقانی باهم تیرباران ایلیون
سوز دایاندی یازما "دلجو" آچما سرین بو سوزون
بولمورم مشکین نشانه ایتدیلر یا
کانال اشعار اصغر گلمحمدی متخلص به (دلجو)
.....................................................
اذان صبح عاشورا
گهواره ایچره گو : که مسیحا سسلنور
عبداللهم حصار حصنیم بو نهضته
من مجمل معانی عشق و شهامتم
شیرازه ام صحایف عشق و شهامته
من نیر هدایت و مصباح روشنم
بیر آیتم بابامداکی شور فتوته
رنگ شفق نشانه ی ایثار ثار اولور
آثار ثار بسته دی جهد کفایته
سینای مهدیده ارنی بسکه سویلدی
جان سمعینه ترانی یتوب باخ کرامته
حق جلوه لندی عارض سلطان عشقده
محو اولدی جلوت جلوات عطوفته
در گران بحر بلانی نهنگ لا
کامه چکوب یتورسین او دری فراغته
آلدی قوجاقینه محو تجلانی میر عشق
اوز دؤندروبدی باشلادی یول کوی قربته
مسدود ائدوبدی جاده ی عشقی رقیه سی
گویا بو نوعی عرض ائدوب اول کان رفعته
بزم نگاره اصغر اگر میهمان گئدور
ایله قبول منده گلوم بو ضیافته
فرمایش ائتدی علت غائی کائنات
ای کوکب هدایتیم اسپهر عفته
قالوا بلی ده ثبت اولونوبدور صحیفه مه
شاماتیده سفیر اولاجاقسان سفارته
الده ستاره ی سحری مهر چرخ عشق
سیرین سالوبدی غرب منای محبته
گلدی دوروب مقابل فوج ظلامده
ظلامی سالدی پرتو رخساری ظلمته
مرآت ذات و وجه خداوند ذوالمنن
فرمایش ائتدی فرقه ی قتال فطرته
لب اللباب ملک موالیدم و عقول
من جوهرم جواهر عشق و شرافته
الله نور مطلعیدی چهر واضحیم
شمش الحقم حقیقت آیات رحمته
من ذوالفقار عشقم و اصغر فقاریدور
من آتشم بو مشعله اطوار رؤيته
اتمام حجت ائتدی ضمیر سپاهیده
جای مساعد اولمادی انوار حجته
نهی ائتدیلر اوامر ختم رسالتی
یعنی که هتک حرمت اولوندی امانته
ناگه سفیر یار پر آچدی بشارته
وصل نگاری تا وئره اول ماه طلعته
طوبی سفیر یاره که یاره نگاردن
اوچ ساغر الده تحفه سی واردور وساطته
بیر شعبه سینده لعل مذاب شریعتی
حاملدی آیری شعبه سی جام طریقته
اما اوچومجی شعبه دن اول طفل یک شبه
طی مراحل ائتدی یتیشدی حقیقته
شبگیری سابقون الییوب سابقوندن
اقرب همیشه توش اولی تیر ملامته
بند قماط اصغر اودور گردنیمده دور
بو بند بند افتخاردی بو بی بضاعته
بو بند بند بندگی ذوالجلالدور
اصغر وئروب بو بندی یتم قدر و قیمته
بو بند بند عشقدی بوینومدا عاشقی
اقبال خوش گرکدی یتیرسین بو خلعته
بو بند بنده بند وورار بنده بندیدن
بیر بندییم بو بند ووران بند دولته
بندی که بنده بند وورار بنده ایلییر
بندی ائدوب ووروب دلمی بند حرقته
اول بندیدندی بندی بنده مدی بندی
نفس اماره بند اولی چون بند غفلته
بندی اولاندا بنده وورار بند بندیه
بندی او بندیدن یتر ازل انابته
بو بندی آذری دی حبیبه حبیب دن
بندی گر اولسا بند اولی نور فراسته
(شبگیری) بند بند ائده لر بندی ایلییوب
اول شهسوار ملک بلایا رفاقته
استاد شبگیری
منبع مجموعه کانالهای مدح و مرثیه
..........................................
اذان صبح عاشورا
بیر نوردور که کثرت اصلاب شامخه
حکمتله هر بیرین گتوروبلر بو کثرته
ارحام طاهراتیده طاهر اولوبدولار
هرگز ملون اولمادیلار جاهلیته
بیرده تعین عالمینه واصل اولدولار
واصلده یوخ نیاز مجازی طهارته
اما وضوی عاشق و معشوق آلدیلار
معذور دوتگلن منی شرح عبارته
مهر ولا قاباقدا دالینجا ستارگان
صف چکدیلر قیام نماز جماعته
آئینه خیالیده پشت صفوفده
بیر آیری مهر گؤرسنور اهل بصیرته
الده عصاسی وادی ایمن کلیمی دور
موسی رهیدی طور بلاده او حضرته
در گران کنز خفی جوهر وجود
سالمیش وجودی عالمی ظل عنایته
بولمم نه دن نشسته ادای نماز ائدور
یوخدور توان و طاقت و تابی اقامته
طوف حریم حضرت سجاده ای قلم
طبع روان گرکدی یته استطاعته
شمسیندن نجوم سپهر بلا یتوب
انوار عشق و جذبه و محو و بدایته
ائتدی ادا فرائضی مصباح لم یزل
آماده اولدولار یته لر تا شهادته
آچدی فلقده چادر شبرنگی آفتاب
اوز قویدی بارگاه شه ذوالکرامته
عرض ائتدی یاحسین سنه ماسوا فدا
هرچند مقتضیدی وجودیم حراته
خلوتسرای دیده مه عشقون سالوب شرر
حاشا سالام حرارتله من اذیته
اما طلوعدن منه منظور عشقدور
بیرده یتم حضور همایوندا خدمته
فرمایش ائتدی عاشق یکرنگ کربلا
ای مهر آسمان دایانوب دؤز مشیته
قصدون زیارت اولسا گلوب قتلگاهیده
آرتور حرارتون یته سن تا سعادته
قان لجه سینده راز و نیاز ایلیینده من
سن نایل اول او وقتیده فیض زیارته
دوشدی خیاله ظهر زمانی شه امم
قبض عوالم ایلدی باخ سلب قدرته
حبس اولدی سینه لرده نفسلر اوقبضدن
توصیفه یوخدی خامه ده قدرت کتابته
دوشدی سکوت محضه جمیع مکونات
هل من معین سسلدی ابنای خلقته
ذرات کائناته دوشوب شور و غلغله
آماده اولدی جمله سی عرض ارادته
دورد مین ملک نزول الییوب فرشه عرشدن
افواج زعفریله گلوبلر حمایته
اذن قتال ایستدیلر میر عشقدن
بیر کیمسه یتمییوبدی فیوضات رخصته
اما بو نوعی نقل اولونوبدور خیامدن
وئردی ایکی مریدی جواب استعانته
سجاد دور که قطب سوی اللهدور بیری
لبیک سسلنوب شه گردون جلالته
بیرده یتوب قولاقینه لبیک اصغری
اوز دؤندوربدی خیمه ی آل طهارته
منبع مجموعه کانالهای مدح و مرثیه
نوحه واشعاری درموردشهدا و اسرای کربلا