ویرانه اولدی منزلون -گیدوب بیر جوت-عمریم حیاتیم علی-یخلوب عباسیم
شب عاشورا
درد دل رقیه خانم با زینب خاتون
ویرانه اولدی منزلون رقیه جان یوخلا قیلمه
فغان یوخلا
آج قالمیسان سولموش گولون مرغ جنان یوخلا
قیلمه فغان یوخلا2
دردو غمیمی عمّه جان نیلوم ندی بیلمز
آجام یوخوم گلمز
آلتی آیدی ویرانه ده عمه یوخوم گلمز
آجام یوخوم گلمز
شمری ذلیل ایتسون خدا قیلدی بیزی ویلان
غربتده سرگردان
ظلمیله قیلدی خیمه ده مژگانیده قالان
اولسون دیون ویران
دوتمور دلیم دیوم والله یوخ آب ونان یوخلا
قیلمه فغان یوخلا2
باعث نه اولدی عمه جان چیخدوق ولایتده
قالدوق بو غربتده
آخر نولوب آجلوق منی ای عمّه قوتده
هم طاب و طاقتده
بو حالیم ای گویا منیم عمه بابام بیلمز
آجام یوخوم گلمز
هردم گوزوم یولدا قالار تا بیر خبر گلسون
آجام یوخوم گلمز
چیخدوق ولایتدن گلدوم علاقده سولدی
سرو قدین ایتدی
گلمز کیچن گونلر داخی قارداشلاریم ئولدی
یوخ آب ونان یوخلا قیلمه فغان یوخلا
عمه بابامی دور چاغور ای وای شاه نالان
ایندی رقیه جان ویرور گل ای تشنه قربان
قدین اولور الوان
آتا بالا ندن بابا نا مهربان ئولن آجام یوخوم گلمز
بیر کس یوخوم اولا دیوم احوالیمی بیلسون
آج و سوسوز دان جان ویرون امدادیمه گلسون
شاید باشون اوسته اولدوم با با حسین گلسون
یوخدو بی بی اولسون سکینه جان یوخلا
قیلمه فغان یوخلا
قارداشیم اکبری چاغور ای عمه جان گلسون
احوالیمی بیلسون
جان تاپشوراندا عمه جان منی کفن ایتسون
نعشیمی دفن ایتسون
غربتده قارداش باجیسون هیچ بیله خار ایتمز
آجام یوخوم گلمز
آج و سوسوزدان جان ویرور عالم اولوب حیران
جانیم سنه قربان
یوخدور تمامی ای قیزیم باله گمان یوخلا
ایتمه فغان یوخلا
عمه علی اصغریم عباس عموم نولموش
گلمز گلر اولموش
قاسم عمو اوغلون هاردادور غمدن گولون سولموش غم باده سی اولموش
یانسون بو غمده محتشم عمه یوخوم گلمز
آجام یوخوم گلمز
سالدون اساس عشقیمی تا لانه ای فلک
ویردون خرابه بیریر منه نالانه ای فلک
قالدون ندن خرابه ده زندانه ای فلک
زینب بی بیم دیر که بابان ساقدور بیلمورم
بس کربلاده کیم بلشوب قانه ای فلک
گیدوب بیر جوت الون بند زر اوسته
کسیلدی بارماقون انگشتر اوسته
حسینیم وای حسینیم وای حسینیم 2
قیزیم بیچاره زینب زار وخسته
قوروب بیر خیمه نهر علقم اوسته
دیور آهسته هر دم دل شکسته
حسینیم وای حسینیم وای حسینیم 2
کول اوسته باشوین آلدیم سراقین
دوروب گلدیم گورم تازه اتاقین
عجب خولی عزیز ایتمیش قوناقین
حسینیم وای حسینیم وای حسینیم 2
خبر ویر ماجرای کربلادن
دانش شمر ایلین ظلم وجفادن
سو ویردی یا سوسوز کسدی قفادن
حسینیم وای حسینیم وای حسینیم 2
کول اوسته یاتمیسان ایوای حسینیم
سنه گلدیم دیوم لای لای حسینیم
سنی من بسلمیشدوم گوللر اوسته
قویاردیم باشیوی سنبللر اوسته
قویوب خولی او باشی کوللر اوسته
حسینیم وای حسینیم وای حسینیم 2
گوزوم یاشی دونور هجرونده سیله
گل اوزلیم کوللر اوسته یاتما بیله
آنان زهرایه دور خوش گلدون ایله
حسینیم وای حسینیم وای حسینیم 2
تنوری منبع نور ایلیوبسن
بو شهری وادی طور ایلیوبسن
آنان زهرانی مهجور ایلیوبسن
حسینیم وای حسینیم وای حسینیم 2
یولوم دوشدی گلنده کربلادن
اورک قان اولدی ظلم واشقیادن
نه گوردوم سس گلور عرض سمادن
حسینیم وای حسینیم وای حسینیم 2
چوخ آختاردیم سنی میدان ایچیندن
جنازن تاپدیم آخر قان ایچیندن
قلج داش نیزه و پیکان ایچیندن
حسینیم وای حسینیم وای حسینیم 2
بیرآز مقتلده اولدوم نوحه خوانون
چکردیم زلفیمه حسرتله قاتون
یتیشدی بی مروت ساربانون
حسینیم وای حسینیم وای حسینیم 2
عمریم حیاتیم علی شور و نشاطیم علی
لای لای سینه مون گولی ئیللریمه سو گولی
طرّرسی تل تل ایپک دوشلوگی قانلی چیچک
گتدون سویا گلمدون من اولدوم قاره لئچک
سنون یتیشمز سانا بنذر بویون جیرانا
هجرون آلوب جانیم قالمیشام یانا یانا
فلک وفا یوخلاماز غملی نوا ساخلاماز
اوغلی اولن آنانون آغلار گوزی یوخلاماز
بوش بشیگون بزرم اوستونه گول دوزرم
چوئلری سندن ساری ملرملر گزرم
عشقیوین دلبندیم درده پناهندیم
قول باغلی اولمگوندن ئولونجه شرمندیم
اقبالیمون اولدوزی عمریمون دادی دوزی
کیم گوروبدی اوخلانا سن بویدا املیک قوزی
اوره گیمون پاره سی غملریمون چاره سی
باغلانمادی اصغریم بوغازیوون یاره سی
من گول اکوب درمدیم اوغول دادین بولمدیم
های دوشدی اوخلان موسان اوخ یاره وی گورمدیم
باغلی قالوب اللرون پارچالانوب لبلرون
گولمدی بیرگون منه اوخا گولن لبلرون
غملریمی سانارام زلفلریمی یونارام
گهواره وی تر پدوب لای لای چالوب یانارام
آهو کیمی ملرم قان یاش یوزه الرم
سنی سالوب یادیمه قونداق آچوب بلرم
اولدوز گویه دوزولر خمار گوزلر سوسزولر
آهو ملر سس گلر منیم قلبیم اوزولر
آننوندا قاره تئلون گورمدیم شیرین دئلون
قالدی سندن یادگار سینمده دورناق یرون
گوندوز گئجه آغلارام اورک باشین داغلارام
گلسون منیم سینمه اوخ یاره وی باغلارام
سینوب منیم شهپریم قان اولوب اشک تریم
سو ایچمیشم صود گلور الو لیور دوشلریم
باخچادا گول درمیشم دلبره گوندرمیشم
بیر اولان اللهیمه سنی قربان ویرمیشم
فلک دانوب دوزومی باتیروب اولدوزومی
تاری قبول ایلسون منیم املیک قوزومی
زبانحال حضرت امام (ع) - نوحه
«اهنگ سه پنج روزه که بوی گل نیومد»
یخلوب عباسیم نهر فرات اوسته
بئلیم سیندی زینب علمدار ئولدی
بویانوبدور قانه وفالی سرداریم
لوای قرآنه وفادار ئولدی 2
ئوزون آگه ایله حیالی قیزلاری
دینن دگدی پیکان سو مشگین دلدی
سیزه خاطر کیچدی ایکی قول بیر گوزدن
منی قویدی یالقوز فلک دینجلدی 2
علمین آغوشه آلوب گوردوم آغلور
ئوپور الله و اکبرین نقشیندن
دوداقیندان ئوپدوم دودااقینون عطری
بهشتین عطریلن برابر گلدی2
دیدوم آیا قارداش گیدورسن اخیامه
دیدی سن گیت قارداش رقیون آغلار
دیدیم اوندا گیتسم سنی تنها قویسام
چیخاندا جان لبدن گوزدن کیم باغلار
باشیم اوستن بیر سن دیدی سن گیت اوغلوم
گوزین زهرا باغلار غزاسین ساخلار
یری وار بو غمدن سودان چیخسا ناله
کول اولسا پروانه سو اولسا داغلار
دیون اصغر یاتسون یاتوب پرچم داریم2
یارالی اعضاسی قالوب صحراده
عطشیندن یانسا دوداقلارین امسین
دیوللر دشمنلر سو یوخ دریاده
سوسوز ئولسه اوغلوم اگر چه نیسگیلدی
منه باش اگمکدن ولی آساندی 2
سویا خاطر هرگز علینون اولادی
ویر جان یالوارماز دمی صیاده
سینه سی اوستونده نیستان وار گویا
یارالی اعضاسی تماما اوخدی
ولی اوخلاردان چوخ کنارینده زینب
ندور علت بیلمم آغیر داش چوخدی2
توخانوبدور داشلار سینوبدی آئینم
یانور غمدن سینم آخور گوز یاشیم
اوجا بوی قارداشیم ئولوبدی اللرده
یاتوبدی چوللرده قراریم یوخــدی
کسولوبدور چارم ئولوبدی قارداشیم
کمکسیز بیر شاهیم امیدیم ای وای
یاخامی اللرده قویان عباسیم وای
شرفلی سردار رشیدیم ای وای2
توخانوب بیر پیکان هوروبدی گوز قاشین
گلن گورمور کیمدی قالوب آواره
دیزیم اوسته باشین آلوب توکدوم گوز یاش
دیم لای لای قارداش شهیدیم ای وای2
نوحه واشعاری درموردشهدا و اسرای کربلا