رحم ایت غریب و بی پدر طفلانه ای حارث

ایله نظر باش اوسته کی یزدانه ای حارث

 

جوشی پسران جناب مسلم(ع)

رحم ایت غریب و بی پدر طفلانه ای حارث

ایله نظر باش اوسته کی یزدانه ای حارث

باخما سولوبدور رنگیمیز مهپاره یوق حارث

ئولدی بابامیز کوفه ده بیچاره یوق حارث

بیر ایلدی سرگردان قالوب آواره یوق حارث

سالمیشدیلار بیز بیر کسی زندانه ای حارث2

گورسن یتیموق دربدر دیلده نوامیز وار

یوخ مسکن و ماوا بیزه کیم وار هارامیز وار

مدتدی گوز یولدا قالوب نالان آنامیز وار

گل سن بیزی آزاد ایله ایله مردانه ای حارث2

احسان ایله عفو ایت اگر احسانه راغب سن

زهرایه خاطر رحم قیل گر دینه طالب سن

بیز میهمان یا شیخنا سن خانه صاحب سن

کافرده اولسا رحم ایدر میهمانه ای حارث2

بیز بیر ایکی طفل یتیم سن صاحب قدرت

دنیایه طالب سن اگر جمع ایلوسن ثروت

غول ایلیوب گل سات بیزی ای مرد کم فورصت

چک یوسف مصری کیمی میدانه ای حارث2

روز قیامت اولماسان یا شیخ شرمنده

ئولدور مه سن بو ردا بیزی اوللوق سنه بنده

ابن زیاده یا آپار تحویل ویرر زنده

یا ئولدورر یا گونده رر بیر یانه ای حارث2

گوزلر غضبدن حارثین بنزردی نیرانه

چکدی جفا بو خنجرین باخدی یتیمانه

چوخ خوف وحشت ال ویروب بیچاره طفلانه

ویرروق قسم عرض ایتدیلر قرآنه ای حارث2

ایندی کی جلاد اولموسان گل ویر بیزه مهلت

حاجت نمازی نا قیلاق بوردا ایکی رکعت

بیر آز نماز اوسته ایدک خلاقیلن صحبت

شکوه نماز اوسته اولا سبحانه ای حارث2

عرض ایتدیلر عرشه طرف یا احکم الحاکم

احکم به حق لی بیتنا ما بین بو الظالم

قویماز آنامیز بیز لری بیر ده گوره سالم