احوالات کوچ از قتلگاه کربلا از مرحوم تائب تبریزی
احوالات کوچ از قتلگاه کربلا
يتشدي قتلگه عشقه آل پيغمبرص
ظهوره گلدي اوصحراده شورش محشر
سُراغ ايدروي آتا جسميني خانم قيزلار
اوغول جنازه سني آختاروب اوغونسورلار
تاپوب عزيزيني هر کس ديردي واويلا
اولوب سرّييهيِ نالانه همصدا ليلا
گزردي زينب نالان اوقانلو صحراني
تاپوب حسيني اوج ايتدي عرشه افغاني
گوروب او حاليله چون مهربان برادريني
سالوبلاگون قاباقندا يارالي پيکريني
اولوبدي گون کيمي عريان لباسدن بدني
اونانه غسل ويرن وارنه دفن و کفن ايدني
يوزين اَياقنه قويدي گيدوب اودم هوشه
گلنده هوشه گوروب خوندل گلورجوشه
جِگر آلشدي چخوب او دلي سينه سيندن آه
دونوب مدينيه عرض ايتدي يا رسولالله
***
اولان بوقاننه غلطان سنون حسينندور
اولوبدي زينب ميدان سنون حسينندور
همين بو سينه دي بسلردي سينه ده زهرا
اولوب نشانهي پيکان سنون حسينندور
گهي لبوندن او پردون گهي بوغازيندان
گل اوپ کسوک بو غازيندان سنون حسينندور
ورو بلا سينه سينه دورتمين اوخ ياراسي هنوز
يارا لاريندان آخارقان سنون حسينندور
اوقدر ياره دگوب جسمينه بوگل بدني
اولوبدي خاکيله يکسان سنون حسينندور
يارالي جسميده بير گُل آچوبدي هر ياراسي
الوبدي جسمي گلستان سنون حسينندور
کسوبدي اهرمن انگشتر اُسته انگشتين
سرير عشقه سليمان سنون حسينندور
حجازي ترک ايلين کينهي مخالفلن
عراق اهلينه مهمان سنون حسينندور
گوزي فراتده حسرتله العطش گويان
ويرن سو اوسته سوسوزجان سنون حسينندور
کمال شوقيله بو کربلا مناسينده
اولان شريعته قربان سنون حسينندور
قوري يراوسته ويرن پاره پاره گُل بدني
گويون ستارهلرين سان سنون حسينندور
حقيريمون غمي يوخ عرصهگاه محشرده
اوگونده داور ديوان سنون حسينندور
* * *
ديدوقجا شوره گلوب آرتدي دمبدم دردي
يوزين بقيعه مزار بتوله دوندردي
ديدي عجب خبرون و از غريب عيا لوندان
سورو شموسان نيه بس اهل بيت حالوندان
بقيعدن گذرايت سمت کربلا يه آنا
سالوبدي دور فلک زينبون بلايه آنا
ديار کرب و بلاده قيام محشري گور
اسير قوم دغا عترت پيمبري گور
ز بس عداوت آل اميّه ايتدي بروز
سنون حسينوي اُلدوردولر بوچولده سوسوز
ديمه که شمر ستم پيشه ظلمدن دويدي
گوزوم باخا باخا خنجر بوغازينه قويدي
سويوبلا جسميني اگننده پيرهن يوخدي
هنوز يرده قالوب نعشي دفن ايدن يوخدي
همان حسين که تاپوب پرورش قوجاقينده
قالوب نه حاليله گورگونلرين قباقينده
سواولمادي ولي غسلي ويريلدي قانيله
دوباره من يووارام چشم خونفشانيله
سويولمو شام نه لباس و نه زيوريم واردور
ولي باشيمدا همين کُهنه معجزيم واردور
اوني داقويسالاگرايلرم حسينه کفن
ولي چتين گورورم من اَمان ويره دشمن
جفا اليله آنا من حسيني ترک ايدورم
يارالي پيکرين عريان قويوب دورب گيدورم
يارالي سينمي شور و نوايه تاپشورورام
يارالي قارداشيمي کربلايه تاپشورورام
رقيّه سي ياناجاق آتش فراقنده
علياصغري امّا ياتار قوجاقنده
اَياقي آتداياتار اکبري گيدرهوشه
اولاراونيله حسينون مزاري ششگوشه
گورن اوقبري گلرداده آه وائيله
بولراويرده ياتوب بير آتا بالائيله
آتابالا غميني ياد ايدراورک داغلار
او پاک مدفنه سورتر يوزين يانار آغلار
ويرر آتاني اوغول جاننه قسم زوّار
نه حاجتي اولا ايستر آتابالادن آلار
نولور بو وفقه آلهي حقيره قسمت اولا
گيدنلره قاريشوب عازم زيارت اولا
زبانحال حضرت زينب سلامالله در قتلگاه کربلا
بو نفاق چرخ سپهرون بوکولوبدي قامتي زينبون
اورگينده دمبدم آرتوري الم و مصيبتي زينبون
بيراوسان بوقدر جفاندور فلک آل پاک پيمبره
بونه جور و ظلم و نه کينه دور بوحريم عترت حيدره
نه روا سکينه اسير اولابوسَنان دشمر ستمگره
حَذرايله شرط وفادگل اولاحتک حرمتي زينبون
قولي باغلي خيل اسيرلر چکلوبدي قيد سلاسله
حرم اهلي دستهگل کيمي دوزوب بونظاميه سلسله
سفر ايلرايمدي بوکاروان خبر اولدي کوچ ايده قافله
اولا شهر شامه طرف روان بوقطار محنتي زينبون
چوورنده قتلگه طرف چو مهار ناقهني ساربان
يتشن زماندانه گوردولر توکولوب جنازهي بيکران
دوزولوبدي پيکر چاکچاکهامي زخم تيغدي همسنان
بو بساطي گوردي فزون اولوب الم کدورتي زينبون
نه گوروب که گلشن فاطمه پوزولوب هجوم سمومدن
يخلوبدي قامت سرولريره زخم تيشهي قومدن
يوزي اُسته بيرجه بدن دوشوب که فزوندي زخمي نجومدن
نظري دوشنده نه حاله گور دوشراوندا حالتي زينبون
چکوب آه و ناله فغانيله بيله عرض قيلدي که يااخا
سنهکيم بوظلمي رواگوروب مني ايتدي هجروه مبتلا
نجهقان ايچنده گوروم سني بويارالي جسموه من فدا
نظرايله قان کيمي ديدهدن آخاراشگ حسرتي زينبون
باخورام که پيکر نازنين داغلوبدي کثرت يارهدن
بولورم زياده وروبديلار اُستهياره دوبارهدن
بوقدر جراحت کارگر که بدنده چوخدي ستارهدن
نجه صبر و تاب و توان قالور توکنوبدي طاقتي زينبون
ديدي شرح حاليني بير زمان توکوب اشگديده نيدمبدم
چاغروب فغانيله يا علي بوبلاديارينه قوي قدم
پوزولوب اساس جلاليمز قريلوب سپاه ياتوب علم
تيشوب زمان اسيرليق داغلوبدي شوکتي زينبون
بوهمان حسيندي فاطمه بويودوردي نازيله سينهده
هم آلاردي دوشينه مصطفي بوهمان حسيندي مدينهده
گور آلوبلا نيزه ده چکنينه باشين ايمدي لشگر کينهده
بوبلا چولونده قيام ايدوب بابا گور قيامتي زينبون
بولوسن که اول امردن سنه امر ايدوبله بوخدمتي
نقدر که الدهدي اختيار هدرايتمه الده کي فرصتي
اوزايشونده ايله حقير جهد گيدر عمر برقالي حسرتي
وار اميد روز جزاسنه يتيشه شفاعتي زينبون
نوحه واشعاری درموردشهدا و اسرای کربلا