اربعين   شاعر:مرحوم هادي تبريزي
غمت دريا و من دريا نوردم
در ان با موج وطوفان در نبردم
     *****
سوار زورقي در هم شکسته
به پيداي تو ناپيدا بگردم

............................................................................

اربعين  شاعر:مرحوم تائب وذهني زاده اي تبريزي
هيچ کيم منيم تک اتش هجرانه يانمادي
پروانه ده بو نوعيله اوتدا دايانمتدي
      *****
مجنون اگر چه کوه و بياباني گزدي چوخ
صحراي عشقي ليک بوقدري دولانمادي
     *****
چوخلار جهاندا غالب و مغلوب اولوب ولي
هيچ پادشهون اهل وعيالي تالانمادي
     *****
چوخ نيسگيل اولدي زينبيوه اي عزيز جان
سن جان ويرن زمان گوزيوي باغلياماديم
     *****
شام اهلي شاميده ديديلر خارجي بيزه
ال پيمبروخ ديدوخ هيچ کس اينانمادي
     *****
خوب بقايه گيتدي روقيه خرابه ده
هر نه فغان و ناليه گلدوخ اويانمادي
     *****
بير نصف شب خرابه اي شام خرابيده
توپراق لار اوسته ايستدي ياتسين ياتانمادي

..........................................................

اربعين   شاعر مرحوم خادم عطار تبريزي
کرب و بلايه چون يتوب غم کارواني زينبون
عرش برينه اوج ايدوب اه و فغاني زينبون
       *****
قبراوسته اچدي باشيني جاري ايدوب گوز ياشيني
اوخشوب سوسوز قارداشيني ارتدي فغاني زينبون
      *****
يا من ذبيحا من قفا يا من قتيل الاشقيا
گلدي باجون دور يا اخا اول هوزباني زينبون
      *****
ايله نظر عذاريمه بو ديده اي خون باريمه
گوزدن اخار رخساريمه اشگ رواني زينبون
     *****
شامه کيمي شمر دغا چوخ ايليوب جور و جفا
تشريح ايده دلده اخا يوخدور تواني زينبون
     *****
اولدوخ اسير قوم کين نه ياور ونه بير معين
شمر اولدي قارداش شامجن چون سارباني زينبون
     *****
قويموب بيزي اول کوفيان تا ايلياخ اه و فغان
ايمدي گررک اولسون عيان سر نهاني زينبون
     *****
يوخدور وفا اياميده اول قوم خون اشاميده
قالدي روقين شاميده ارام جاني زينبون
     *****
دفن ايلديم با صد محن اوز کوينيون قيلديم کفن
قاداش پوزولدي ظلميلن بل گلستاني زينبون
     *****
اولدي خرابه منزيله نه سايبان نه حايلي
عرض ايتمگه يوخدور دلي بو ماجراني زينبون
     *****
يارب به حق لافتي بو جمعه سن ايله عطا
زوار اولا اول قبره تا بو<<نوحه خواني >>زينبون

..............................................................................

اربعين       شاعر :مرحوم تائب تبريزي
عجب زينبه اولدي سعادت انام اوغلي
گلوب ايلدي قبرون زيارت انام اوغلي
    *****
ديرديم اولا مهلت اجلدن بو فکاره
نصيبيم اولا بيرده سالام يول بو دياره
گتوب بيردوشنم من بو ششگوشه مزاره
او منظور اله گلدي بو ساعت انام اوغلي
    *****
بو اودلي دلي قارداش عجب کامه يتوردوم
بو ششگوشه مزاه گلوب توشه گتوردوم
بو پيراهنون الده بو قبراسته گتوردوم
ايدم تا سنه رد امانت انام اوغلي
     *****
بو کوينک منه سندن قالوب بيرجه نشانه
اولار ايتماقا ناله بير عمر الده بهانه
باسوب باغريما گلم نوايه يانا يانه
منه نالدن اولماز فراقت انام اوغلي
    *****
چوپروانه وجودي وفا شمعنه چالام
بو کوينکدن اولونجه گوزل عطروي الام
الوب عطروي سانسيز ياران ياديمه سالام
گلر درده دل پر جراحت انام اوغلي
    *****
اگر اولسا نصيبيم انام مدفني قارداش
اخار ايسلادير اشگ تريم دامني قارداش
انام قبرينه سالام بو پيراهني قارداش
او مظلوميه قيلام شکاي انام اوغلي
    *****