ورود به شام

جداده اصغری دیدار تا رباب ائلیوب

زبان حالیله گویا بیله خطاب ائلیوب

منیم گلوم با سن نوک نیده نیلورسن

ندن باشون بیله ترک دل تراب ا ائلیوب

نظام شامی پوزوبدی علی یارالی باشون

باشیم اوجالقی باشون نه انقلاب ائلیوب

خیال جشنه گلنلر هاموسی مات قالوب

بسان قطره باشون کار آفتاب ائلیوب

آنا دوشون سودامرلر آتوب باخولا سنه

نه سود اموب سودامرلر نه فکر خواب ائلیوب

گلیلی سن بولورم کوسموسن علی مندن

اودور جوابه باشون بیله اجتناب ائلیوب

منده باخماسان آچ گورلرون رقیه مه باخ

فراق اوتون باجیوی گورنجه کباب ائلیوب

گورن خیال ائدوری شمر ایدوب آناوی اسیر

ربابی عشقین علی بسته طناب ائلیوب

دینده باد صبا زلفوه ویرور حرکت

او قانلی تللریوی گل یوزه نقاب ائلیوب

گوزومده شامه دونور گوندوزوم گورنده علی

صبا یلی ئوزیوه زلفوی حجاب ائلیوب

او نیزه داریون ای کاش اورگی رحمه گله

گوره فراقون علی قلبیمی خراب ائلیوب

باشیوی ویرمه سه ده نیزه سین اگه اشاقا

عمل گر ائتسه یقین نیت ثواب ائلیوب

الیم یتیشسه اگر ئوز گوزون توزون سیللم

یولون غباری یوزون غرق احتجاب ائلیوب

بو نیزه دارین علی فاقد مروتمیش

عنادیله آناوا ظلم بی حساب ائلیوب

دیمور یارالیسان هی نیزیه ویریر حرکت

یارالی باشیوه بوللم کی چوخ عذاب ائلیوب

او نیزه صاق صولا گیتدوقجا اوت توتوب یانیرام

اورک هوای وصالیله پیچ و تاب ائلیوب

علی بو سود که گلوب قانلی سینمه چون شمع

ویربدی اوت آناوی قطره قطره آب ائلیوب

شاعر : استاد دلگیر