اربعین
اربعین
زینبم ایتمشم عهدیمه قارداش وفا
قبرون اوسته گلوب ایلورم آه ونوا
قیل باجون پیشواز ایلیوم کشف راز
یاحسین جان
پوزولوب قافلَم غرق بلا گلمشم
آلمشام کوینگون دیلده نوا گلمشم
قبرون اوسته دوتام قارداش عزا گلمشم
درد عشقون ایدوب خواهریوی مبتلا
عاشق زاریوم یاروغمخواریوم
یاحسین جان
کوچ ایدن گون اخاقتلگهی جبریله
اسرایه اولوب جور وجفا قهریله
عترتون آتش ظلمه دوزوب صبریله
ایتمشم سینهمی من سپر هر بلا
هر غمه دوزموشم جاندانال اوزموشم
یاحسین جان
ایتدوم اخطار اخا کوفهده قوم شره
سویلهدیم خواهرم نیزدهکی سروره
یتشیر سلسلهم عترت پیغمبره
علویزادهیم دختر خیرالنسا
زیب امّ وابم شیرزن زینبم
یاحسین جان
آگه ایتدون باجون نیزده ایثاریدن
آلدیم الهام اودم نطق گهر باریدن
آخدی باشیم قانی صورت گلناریدن
ایلدیم دینیمی دِینمه قارداش ادا
خلقه ایتدیم خطاب ایلدیم انقلاب
یاحسین جان
گونوموز شامیده شامهدونوب اولدی تار
نه چکوب باشیمز تکجه بولوب کردگار
آل پیغمبرین قلبی اولوب داغدار
بزم عیشه چکوب جبریله قوم دغا
قیزلارون آغلادی سینهسین داغلادی
یاحسین جان
کاخ ظلّامی آهیمله فنا ایلدیم
مجلس عیشینی بزم عزا ایلدیم
اوجالاندی باشیم شکر خدا ایلدیم
سویلدیم زینبم دخت شه لا فتا
حق منه یار اولوب دشمنیمخواراولوب
یاحسین جان
اهلبیتون اخا جمله سلامت گلوب
هامی ماتمزده غرق مصیبت گلوب
بو سفردن باجون لیک خجالت گلوب
قالدی ویرانهده بلبل باغ عزا
اول رقیه بالا جانین ایتدی فدا
یاحسین جان
(راشده)قیل نظر ایلوری داد وانین
چکورحسرت گلوب گورسون آقادرگهین
نا امید ایلمه بوقاپودان نوکرین
یاز براتین اولا زائر کرب وبلا
سفر اربعین دعوت ایت نوکرین
یاحسین جان
شاعر : استاد قربان بیرامی
نوحه واشعاری درموردشهدا و اسرای کربلا