در احوالات حضرت رسول اکرم (صلی الله)

خاتم مرسل ویروب جان انبیا قان آغلوری

فاطمه گلموش نوایه پورِ عمران آغلوری

عالمی ترک ایلیوبدور رحمة لِلعالمین

تاجینی باشدان گوتوردی حضرت روح الامین

بزم غم جنّتده برپا ایلیوبدور مرسلین

ناله یر اهلی ایدور افلاکیان قان آغلوری

ماتمه بو غمده باتدی عرش و فرش و نه قباب

تا ایدوب رحلت جهاندان حضرت ختمی مآب

اهل اسلامه اولوب بو ضایعه عمده مصاب

محفل غمده پریشان هر مسلمان آغلوری

بو شهین بیر حالیده برپا اولوبدور ماتمی

صیت ارشادی اونون دوتموشدی یکسر عالمی

اهتراز ایلردی چوخ یرده مقدّس پرچمی

ناشره منشور اولان احکام قرآن آغلوری

عالمی دوتموشدی ابر ظلمت جهل و ستم

بیر قیام ایتدی او گونده بو خدیو محتشم

عالمه توحیدیله ویردی شرف میر امم

بو سببدندور غمینده کون و امکان آغلوری

منجی انسان اولوب اسلامیله بو شهریار

ویردی اسلام اهلینه چوخ آبرو و اعتبار

رحلتی اولدی سبب انسانلار اولسون داغدار

ایمدیده هجرینده هر فهمیده انسان آغلوری

جان ویرنده راحتیدی خسرو گردون سریر

مؤمنینه انتخاب ایتمشدی بیر عالی امیر

بیر امیری که ایدوبدور منتخب حیّ قدیر

ناصبه منصوب اولان میر امیران آغلوری

امّتی اوندان عجب تقدیر خدمت ایتدیلر

جانشین مصطفادن نه حمایت ایتدیلر

نعشینی دفن ایتمه میش تقسیم قدرت ایتدیلر

حال محکومه ویریلمیش حکم و فرمان آغلوری

بیر سقیفه آدلی یرده ججمع اولوب بیر نچّه فرد

صاحب امریله اوردان باشلانوب اصل نبرد

بیر نبردیکه اولوبدور سینۀ زهراده درد

ایله بیر درده او سینه ایمدیده قان آغلوری

تفرقه سالدی سقیفه ماجراسی عالمه

باتدی پیغمبر اوزی بو ماجراده ماتمه

باشلانوب باب امامتده او گونکه همهمه

باخمیوبلر ایوده اطفالی پریشان آغلوری

اود ویروبلار باب رحمت یاندی اولدی شعله ور

سینه سین زهرا او سوزان بابه ایتمیشدی سپر

قویدی زهرا سینه سینده اود فشار در اثر

ایمدیده اول محنته سلطان دوران آغلوری

منده یوخ طاقت دیم بو ماجرانی بر ملا

بو قدر وار شدّت غمدن دُرِ کنز حیا

سَسلدی گل فضّه آز قالدی گُل عمروم سولا

حالیمه گل گور نجه قان سرو و بستان آغلوری

دامن زهرایه «خادم» چنگ ویر هر صبح و شام

عجزیله عرض ایت ایا خاتون گردون احتشام

خوف محشر ایلیوب بو روسیاهی تلخکام

یوخسا بی علّت دگول هر لحظه هر آن آغلوری

 (مرحوم خادم)

 

متن نوحه های ترکی و فارسی