شیعه حضرت امیرالمومنین امام علی (علیه السلام)

جهاندا  هر کیم ایستیر عشقینی  یاره نشان وئرسین

گرک اولده    میدان   وفاده    امتحان   وئرسین

گرک دیر طالب جانان اولان عشقین عیان  ائتسین

گرک  مجنون اولان لار کوی لیلایه طرف  گئتسین

گرک هر کس اوزون شیعه بیلیر اهل یقین اولسون

امیری    هر  امورینده    امیرالمومنین   اولسون

گرک دیر شیعه ده فهم و شعور و اعتبار اولسون

دگیل شیعه او کس کی  اهلبیته   ننگ و عار اولسون

اولار اهل عمل شیعه  یالاندان ادعا ائتمز

صراط مستقیمی بوشلییوب بیراهیه  گئتمز

علینین شیعه سی مولایه هر آن اقتدا ائیلر

اگر لازم اولا قرآن و دینه جان   فدا ائیلر

علینین شیعه سی داغ تک  دورار محکم سو تک آخماز

حقیقت عرصه سینده باش و جان فیکری ائدیب قوخماز

علینین شیعه سی ساخلار لگام نفسینی الده

حیائیله  گزر   اولماز  هوای نفسینه   بنده

علینین شیعه سی دینی فقط  ذکر و دعا بیلمز

همیشه عدلیله رفتار  ائدر    ظلمی روا بیلمز

علینین شیعه سی قدرت تاپاندا مست مست اولماز

اولا گر مجری قانون  بیان حقده   سست  اولماز

وئر خمس و زکاتین شیعه حقی ناحقه   قاتماز

الینده اولسا امکان بیر گئجه همسایه آج یاتماز

علینین شیعه سی بیر آن علی دن بی نیاز اولماز

ستون دینیمزدی  شیعه  والله   بی نماز اولماز

خدا توفیق وئر حق علی بیزده اولاق شیعه

اولونجه قیل عنایت چیخمییاق یولدان قالاق شیعه

شاعر : محمد هوشمند

منبع : کانال اشعار محمد هوشمند (مدهوش)