در احوالات حضرت فاطمه زهرا (سلام الله)
در احوالات حضرت فاطمه زهرا (سلام الله)
نطقیدن قالدی ندن اول لب گویا زهرا
بو سکوت ایلوری آرامیمی یغما زهرا
صحبتون هر غمی دلدن آپاراردی بُلوسن
هر کدردن دلی ایلردی مصفّا زهرا
نیه گفتاریدن اول لعل گهربار قالوب
نیه ایتمور منه درد دلین افشا زهرا
سنیدون ذوق حیاتیم، سنیدون جلوه ی عمر
منه غم خانه دی سندن صورا دنیا زهرا
نولدی صبرون، هامی عمرونده مگر ایلمدون
هر غم و درد و مصیبتله مدارا زهرا
آچ گوزون یوخسا علی دامنینی ایسته میسن
گوره سن اشک بلا خیزیله دریا زهرا
اشک تقطیری بو شدّتله عذاریمده ایدر
دلده کی محنت و اندوهیمی احصا زهرا
سنله تدوین اولونوب دفتر تقوا و عفاف
اولوب اسمونله بو مجموعه محشّی زهرا
جلوه ی نور هدایتسن، او نوری که اولوب
جوهر آب و گِل آدم و حوّا زهرا
چون افق قوس و قزح نقشی اوزونده گورونور
انکساروندن اولوب چرخ معزّا زهرا
سوز دلدن بو عرقدور دوزولوب عارضیوه
یا مه اوسته سَپیلوب عِقد ثرّیا زهرا
نجه بو حال اسفناکه اورک تاب ایله سون
یری وار داده گَله صخره ی صمّا زهرا
هم نوادور منه ذرّات جهان هجرونده
عرش و فرش آغلوری سسلور هامی زهرا زهرا
بو بهاری نیه پائیز ایلدی دور زمان
فصل گُل سختیدی سولسون گُل رعنا زهرا
انتظارونده دی تسبیح و مناجات و رکوع
آختارور جذبه وی محراب و مصلّی زهرا
سنه بیر منزلی زندان ایلدی غم که سیلوب
گردینی مروحه ی طرّه ی حورا زهرا
آچ گوزون، بارقه ی لطف الهی اثرین
گوزلریم بلکه ایده بیرده تماشا زهرا
بیر نفس هم نفس اول منله بُلورسن که علی
اولماسان سن قالاجاق بی کس و تنها زهرا
نوکرون عابد اگر چنگ ووروب دامنیوه
دردی وار، دردینه سندندی مداوا زهرا
اودی اخلاصیله سویلر گئجه گوندوز آدیوی
هر نفسده اوزینه ورد ایلیوب یا زهرا
شاعر : مرحوم عابد
!!! لطفا با نام کانال مدح و مرثیه کپی کنید !!!
احوالات حضرت فاطمه زهرا (سلام الله)
یانماسیدی گربتولین باب درگاهی اوگونده
کربلاده زینبین یانمازدی خرگاهی او گونده
ایتمسیدی حضرت زهرایه گرثانی جسارت
اولماسیدی دختر پیغمبره اولگون جسارت
زینبی شمرستمگروورماقا ایتمزدی جرئت
عرشه اوج ایتمزدی آل عصمتین آهی اوگونده
دگمسیدی فاطمه رخسارینه ظلمیله سینی
زارو گریان ایتمسیدی حالی اولادخلیلی
کربلاده نو عروسین عارضی اولمازدی نیلی
بو جفا ایتدی جری اول قوم گمراهی اوگونده
ایتمسیدی تیرمحنت خاطرزهرانی آماج
ساتری باشدان دوشنده اولماسیدی صبری تاراج
زینبی غارت گونی بیرمعجره اولمازدی محتاج
دمبدم چکمزدی دلدن آه جانکاهی او گونده
شیریزدان قولاری باغلانماسیدی ظلم الیله
اولماسیدی بو جفا بو شهریاربی عدیله
کربلا دشتینده وورمازدی عدو زنجیر علیله
شمرایدنمنزدی مقید حجت اللهی اوگونده
چیخماسیدی حق یولوندان گراوگون اول وقته ثانی
چکمسیدی مسجده قول باغلی شاه لافتانی
مجلس شربه یزیددون سجادناتوانی
بی محابا ظلمیله چکمزدی ولی اللهی اوگونده
دولماسیدی ناله و افغانیله شهرمدینه
اولماسیدی بیرایله جوروجفای هادی دینه
کربلا دشتینده قان آخمازدی هرگزسو یرینه
تشنه جان ویرمزدی مطلق کربلا شاهی او گونده
گیتمسیدی مرتضا امدادینه زهرا او ساعت
وورماسیدی باشه دلدن واعلی گویان او ساعت
خیمدن میدانه قاچمازدی قیزی اصلا او ساعت
قوم ناحق الدورنده شاه حق خواهی او گونده
آلماسیدی اهل کین حقین الیندن گربتولین
محنتین آرتورماسیدی دلده اول زاروملولین
کوفیان ایتمزدی غارت خیمه سین آل رسولین
ظلمیله اولمازدی تالان حشمت و جاهی اوگونده
قورماسیدی مجلس شورا اوگون بی شرم امت
ایتمسیدی اول و ثانی اگرغصب خلافت
ثار ثاراللهی کیم توکماقدا ایلردی جسارت
قتل شاه دینه گور هارداندی آگاهی او گونده
امته تاپشوردی پیغمبر ایکی معظم امانت
داردنیادن ایدنده (فاکرا)عقبایه رحلت
بیرکلام اللهی بیرده عترتیتن ایتدی وصیت
بیوفاامته اولدی لیک کوتاهی اوگونده
شاعر : مرحوم فاکر تبریزی
!!! لطفا با نام کانال گنجینه گذشتگان کپی کنید !!!
زبانحال حضرت صغری (سلام الله)
فراقیوه علی جان روز وشب دوام ایلدیم
خیال وصلیله هجران ایوین مقام ایلدیم
عراقدن نه گلن وار نه بیر عراقه گیدن
نسیم صبحی سنه قاصد پیام ایلدیم
عراقه سن گیدلی من نوای آهمیله
حجاز قیزلارینا یاتماقی حرام ایلدیم
وجودیمی اریدوب منجنیق غم سخدی
ریاضت عالمینین درسینی تمام ایلدیم
نظام عالم امکانی گزلین آهمیله
پوزوب نظامینی معناده بی نظام ایلدیم
طریق عشقیده سرمایه وفا نقدین
یغوب خزینۀ سینمده اخذ کام ایلدیم
هوانی دودۀ آهیم ز بس تصرف ایدوب
بو چرخ اطلس دنیانی نیلفام ایلدیم
علی علی او قدر خلق ایچنده سسلمیشم
علی آدین علی مشهور خاص و عام ایلدیم
دیدیم علی گَلی عَمَّم گَلی آتامدا گَلی
فراق ایوینده بو فکری عَلَی الدَّوام ایلدیم
متاع عشقه خریدار اولان متاعی یغوب
بو چار سوی محبتده من قوام ایلدیم
تاپولمادی علی اکبر کیمی ویرن قیمت
متاعه جلب ایلیوب مشترینی رام ایلدیم
مدینه اهلینی مصر اهلی تک یغوب باشیما
اوز عشقمیله سنه عشقیده غلام ایلدیم
بو گون منی آنام ام البنین دید ایتدی
کمال رأفتیله من اونا سلام ایلدیم
منه بویوردی قیزیم وار عموندن هیچ خبرین
مقابلینده اونا منده لا کلام ایلدیم
بو انتظاریله من قالمارام یقین ئولَّم
اودور که عارض گل فامی زرد فام ایلدیم
مجسم ایلورم هر گون نظرده حسن رخون
بو فکریله اوزیمی مقضی المرام ایلدیم
ایکی گوزوم باخار هر گون سنین گلن یولوا
بو انتظاریله هر صبح شامی شام ایلدیم
مریضه قیز- آناسیز- یالقوز ایوده شام و سحر
یغوب بو خلقی باشا حسن انتظام ایلدیم
گلن گیدن سوروشور قارداشین هاچان گلجاق
بو آی گلن آیی هی تکیۀ کلام ایلدیم
انیسیم آه سحر مونسیمدی ناله شب
خدنگ عشق رخون سینم اوسته رام ایلدیم
گیچن گیجه یوخودا گوردوم عَمَّم اوز باشینا
قرا سالوبدی قیامتدی من قیام ایلدیم
شکنج زلفیمی قارداش سنین گلن یولوا
آچوب تمامی پوزوب بیر خطالی دام ایلدیم
نسیم صبح صبا عطر کاکلین گتورور
بو خسته جانه علی قوۀ مشام ایلدیم
دعا ایدر باجی قارداشینی گیده سفره
بو عادتی علی دنیاده تا وارام ایلدیم
نوای نی کیمی هر صبح دم سیزیلداماقی
اوزیمه شیوۀ دیرینۀ مدام ایلدیم
بیزه « رفوگریمیز » یوز دوتوب امان گتوروب
اوزوم براتینی ویردیم سوزون تمام ایلدیم
شاعر : مرحوم روفه گر
!!! لطفا با نام کانال مدح و مرثیه کپی کنید !!!
ورود به مدینه
زهرا قیزی آیریلدی مزار شهدادن
غم قافله سی دوشدی یولا کرب و بلادن
محملده سالوب باشلارینا قاره حرملر
گئتدوقجا شتر زنگی حسین وای سسی سسلر
کلثوم باسوب سینیه عباس علمینی
لیلا آلوب آغوشه علینون کفنینی
بیردن دئدی قزلار بی بی گورسندی مدینه
زینبده حسین پیرهنین آلدی الینه
سسلندی او بیکس خانم ای شبه پیمبر
گل عمّووی پیشواز ایله گلدیم علی اکبر
غم قافله سی دوشدی بیابان آراسیندا
زینب اورگی لجۀ طوفان آراسیندا
محملدن انن وقته او بانوی مطهر
همیشه دوشوردوردی علمدار دلاور
بیر باخدی ساقا بیر صولونا اولدی پریشان
بس هاردا قالوبسان دئدی قوللاریوه قربان
سس وئرمدی عباس گلوب سینه سی درده
اندی یره محملدن اوتوردی قوری یرده
اون یدی جوانیله گئدن وقتیده گئتدیم
قویدوم هاموسین توپراقا آواره قیتدیم
ئوز شهرینه زوار چاتاندا اولی راحت
چاووش آچار پرچمینی تا آلا خلعت
چاووش علی ابن حسین ابن محمد
زحمت کش و سر قافله عترت احمد
بیر قاره علم آچدی نواسی اوجالاندی
تا گلدی سراپرده قباقینده دایاندی
توپراقه ئوزون یخدی او چاووش محبت
زهرا قیزی زینبدن او دم ایستدی خلعت
سالدی اشاقا باشین او خاتون قیامت
دنیا مالی یوخ گوردی خانم چکدی خجالت
سسلندی او غم دیده بلالی باشیم ای وای
ای وای جلالی پوزولان قارداشیم ای وای
چون شامیده آلمیشدی خانم بیر نچه غارت
گوندردی همین غارتی چاووشینه خلعت
چاووش آلوب باخدی پریشان اولوب احوال
قیتردی او دسمالِ خانم زینبی فی الحال
عرض ائتدی نه شمرم نه سنانم سیزه قربان
اطفال حسینی ایلیم ظلمیله تالان
دنیا مالی من ایستمورم آل خدادن
لطف ایله اگر اولسا لباس شهدادن
من قبره گئدنده آپاروم موسم رحلت
اولسون منه محشر گونی اسباب شفاعت
تئز دوردی خانم گوزلرینون یاشینی توکدی
بیر تحفه گوتوردی او همین بقچیه بوکدی
گوندردی بشیره دئدی چوخدور اونا قیمت
آلدی اله چکدی گوزونه قیلدی زیارت
حس ایلدی تیترور اورگی درده دوادور
الله گوره سن هانسی لباس شهدادور
گوزدن توکولوب یاش نجه که بوقچانی آشدی
ناگه گوزی بیر قرمزی دسماله ساتاشدی
رنگی ساریدور قرمزی قانه بویانوبدور
اما ایکی یردن دگوب اوخ پارچالانوبدور
هی باخدی توکوب گوز یاشینی رنگی سارالدی
گلدی او قضایانی خانمدان خبر آلدی
حضرت دئدی باخسون تانینور اوخ یاراسیندان
آلدیم اونی ششماهه بالانون آناسیندان
« منعمدور » آدیم عرصۀ ماتم چمنیمدور
هر یرده حسین وای سسی گلسه وطنیمدور
بو قاره نقدری دیری یم پیرهنیمدور
ئولسمده آغیر داشلارون آلتدا کفنیمدور
شاعر : منعم اردبیلی
نوحه واشعاری درموردشهدا و اسرای کربلا