زبانحال حضرت ام بنین (سلام الله)
من ام بنینم کی ولایت دنیزینده
عباس کیمین بیر باهالی گوهریم اُلدی
روحیم قوشی ایستور اوچا دنیا قفسیندن
عباسین اوزون قولاری بال و پریم اُلدی
فخر ایلر آنالار اغول آدین گتورنده
عباسیمین ایمانی فقط مفخریم اُلدی
روبه صفت اشراری قوان کرب وبلاده
میدان جهادینده او شیر نریم الدی
تعریفینی مولاسی حسین اتدی بویوردی
تک ام بنین اوغلی منیم لشگریم الدی
قربان سسینه وار یری سسلنسین او سردار
دنیاده حسین ابن علی سروریم الدی
واردور خبریم القمی فتح ایلدی اما
سو ایچمدی جان وردی گل پرپریم الدی
جان وردی دیدی ایچمرم ای سو سنی چون کی
اطفالی قالان تشنه حسین رهبریم الدی
شکر الاها اُلسون کی هامی اِللَر ایچینده
هم اُلدی امامیم علی هم همسریم اُلدی
غم تیرینه توش اُلدی ابوالفظلیمون اوغلی
چکدی آتاسیزلیق غمی هم سنگریم اُلدی
باشدان یازیلوب غملی سوزوم کرب و بلاده
پایانه چاتان ایندی بو جان دفتریم اُلدی
بو دار فنادن اوزولور اللریم اما
برج ابُدیتده نچه اختریم اُلدی
دین مزرعینه دورد اغولون قانی سو وردی
عقباده خوشام بزر شهادت بریم اُلدی
داغ چکدی اغول دردی سینیق قلبیمه دائم
غمنن قوجالیب باشدا قرا معجریم اُلدی
قالدیم ائو اوجا بویلارینا باخماقا حسرت
عمروم بویی همدم منه اشک تریم اُلدی
شاعر : حسنعلی بالایی
منبع : کانال اشعار حسنعلی بالایی
نوحه واشعاری درموردشهدا و اسرای کربلا