متن و دانلود نوحه های ترکی و فارسی جدید

السلام علیک یارقیه البنت الحسین(ع)
غروب اولاندا گیدر قلبیدن قراری یتیمون
قرا گیینده هوا قالمار اختیاری یتیمون
شفق رنگ طلایی گییر لباس شبانه
توکر سرشگی ایکی چشم اشگباری یتیمون
هزار هزاریه نسگل اولور سرود عزاسی
هزار درده دونر دردی از هزاری یتیمون
اءدر یول اوستونی دیواریلر کنارینی ماوا
گر اولماسا ایوی آرتیق اولار فشاری یتیمون
ساتار گلیب گیدنه در اشگینی آلان اولماز
عیاریدن کم اولار در پر عیاری یتیمون
گوتورور عکسینی عکاس عالم ملکوت
پوزار ملکلریده غملی یادگاری یتیمون
یووخوسی گلسه قولون بالش ایلیب گیدر هوشه
دوشر نظردن ایکی نرگس خماری یتیمون
دارار قرا تللینی لای لای دییر قره یللر
یل اسدیقیجا گیدر طره دن غباری یتیمون
اوجا سسی اشیدر دیسگینر دورار یوخووسوندان
اورکده وحشتی آرتار بلای دچاری یتیمون
گینه ده اوغلان اوشاقی اولا نه قصه سی واردور
دوزر بلایه اولار غمله سازگاری یتیمون
آتاسی اولسه اوغولدان قیزا موثر اولار چوخ
انا باجینی کباب ایلر آه و زاری یتیمون
دوشر نه حاله بو قیز ساربان قویوب گیده چولده
اوزه الیندن الین بوش قالا کناری یتیمون
گوزون آچوب یوخودان پهن دشته اتدی نظاره
گوروبدی کوچ الیوب مقصده قطاری یتیمون
اگر چه آج سوسوزیدی غذاده چیخدی یادیندان
مدار غصده تنگه دوشوب مداری یتیمون
صاقا صولا نچه یول عمه عمه سسلدی قاچدی
دیدی هایانداسان ای غم گونونده یاری یتیمون
سسینه اولمادی سس أوز سسین ایشیتدی او چولده
أوزون یوروب آزالیب قدرت فراری یتیمون
قدم آتیب بو قیزون نیش خار ایاقینی اوپدی
اورک قانی ایاقیندان اولوبدی جاری یتیمون
کسیلدی چاره او یورقون بالا یول اوسته اوتوردی
دوشوب خیالینه أوز شهری ءوز دیاری یتیمون
گویول قوشی پر آچوب اکبرین اتاقینه گیتدی
گوروبدی اوردا دگول قاره گوز نگاری یتیمون
کمال یاسیله یوز دوندریبدی راه دمشقه
دیدی گیدیب بو یولی شامه غمگساری یتیمون
هایانداسان علی ایستکلین اولدی چوللر اسیری
نه قورخولی یره گل گور دوشوب گذاری یتیمون
آتام بابام کیمی سنده علی یتیمه نواز اول
محبته واردی سندن انتظاری یتیمون
بی بی لریمه گلایه ایله منیم عوضیمدن
آزالدی عزتی نه سببدن گور اعتباری یتیمون
اوزوم یوخودان اویاندیم نه چاره بختیم اویانمور
اویانسادا دی گوروم بختینون نکاری یتیمون
اثر ایدیبدی سوزی پهلو شکسته فاطمیه
پوزوبدی حالتینی حال انکساری یتیمون
گلوب بو خیردا قیزون باشینی دیز اوستونه آلدی
اوپوبدی لبلرینی مادر کباری یتیمون
جمالینه توکولن تللرین اویان بویان ایتدی
مجسم اولدی نظرده صولان عذاری یتیمون
دچار ثانی اولوبسان بویوک ننه ن کیمی سنده
اونا چتین یتیشه تیره روزگاری یتیمون
گوزوندن اشگیوی سیلم بو چولده همدمین اولام
دوزرم قالا تنها سینا وقاری یتیمون
بالا داریخما شامه گیدنلر گللر سراغیوه الان
که چوخدی غافله ده یار هوشیاری یتیمون
بو خردا قیز او خانوم عورتین اشیتدی کلامین
دیدی گمان ایدیرم آرتدی افتخاری یتیمون
بی بیم کیمی بوخانوم دم بدم اوپور دوداقیمدان
ایکی گوزوندن ایدیر اشگین نثاری یتیمون
بهشت عطری گلور حوریدی گلوبدی بودشته
ملکدی یا کی گلوب اولدی یار و کاری یتیمون
اگر بو حور و ملکدور نیه قرا گییونوب
عجیب غصه لیدور مونس فکاری یتیمون
غریب آتامون آدین ازبر ایلیوبدی دیلینده
چوخ آشنادی بونا باب تاجداری یتیمون

گوزلدی گوزللری عینا بی بیمه بنظری واردور
باخاندا گوزلرینه قالمور اختیاری یتیمون
اولما مدینه اهلیدی اولما دوشوب گذاری بوچولده
عجب کمک یتیروب
آفریدگاری یتیمون
تانیمورام ولی بو دیندیریر منی ءوز آدیملا
نه غصه سی وار اولا بیله غصه خواری یتیمون
اورکلنوب دیدی بیردن خانوم گلورسن هایاندان
فدا بو گوزلریوه قلب پر شراری یتیمون
سنون بو یاخشیلیقون لازم هدیه دی نیلوم
نه واردی قلباقی نه واردی گوشواری یتیمون
بیزیم قبیله نیز اهلی سخادی ایش بیله دوشدی
اولان بو گوز یاشیدور یوخدی آیری واری یتیمون
من آغلورام بابامین باشینی ووروبلا جدایه
آتاسی ءولسه اولار اوخشاما شعاری یتیمون
سنون ءولوبدی کیمون آهون اوستن آه چکیرسن
باخور سنه چوخالور درد بیرشماری یتیمون
نفسون اوتلیدی قدین خمیده ساچلارین آقدی
قرا گونون قره ایتمه به حق تاری یتیمون
جواب وءردی منه فاطمه دیللر عزیزیم
شریک محنتیوم جدا آری آری یتیمون
بالام حسینه جگر گوشه سن بویوک ننه ام من
منه موثر اولار بزم سوگواری یتیمون
بی بیندن اءتمه گلایه قیزیم بی بینده نه چاره
فلک یوروبدی اودور امان بردباری یتیمون

https://telegram.me/naghmehaye_gham

****************************

ورود ماه محرم: اسمداد از حضرت ولی عصر ( عج )

: گریز به حضرت ابوالفضل العباس علیه السلام
حاج ولی الله کلامی
سبک:ای آسمان غمون...(اسفندیاری)

بند :one:
یئتیشدی ماه عزا چکیلدی عرشه قرا
اورک یانیر هامی یئر اولوبدی کرب و بلا
یا زهرا بالان ئولدی
غم گویلون آلان ئولدی
لب تشنه قالان ئولدی
دئ واویلا

بند :two:
حسینه آغلا گوزوم که آغلار عالم اونا
ملائکین سما دوتوبدی ماتم اونا
فراز عرشیده حق ووروبدی پرچم اونا
اسدیقجا علم آغلار
لوح آغلار قلم آغلار
شش گوشه حرم آغلار
دئ واویلا

بند :three:
حسین بویاندی قانا لوای حق اوجالا
ولایت علوی همیشه زنده قالا
امام عصری چاغیر اؤزی گله قان آلا
یامهدی آقاجان گل
وار دلده هیجان گل
ای شاه دوجهان گل
دئ واویلا

بند :four:
گل ای امام زمان ملاله باخ غمه باخ
سوسوز دوداقلارا باخ او نهر علقمه باخ
اویاندا اللری گور بو یاندا پرچمه باخ
عباسین قولی دوشدی
تا نهره یولی دوشدی
ساق گئتدی صولی دوشدی
دئ واویلا

بند :five:
دوشنده تپراقا اول امید منتظران
یوزون خیامه طرف دوتوب آخا آخا قان
دئدی هرایمه گل غریبم ای آقا جان
گل سقا جانا گلدی
سو دؤندی قانا گلدی
صدّیقه آنا گلدی
دئ واویلا
https://telegram.me/naghmehaye_gham

************************************

ورود ماه محرم ( احرام عزا )
حاج ولی الله کلامی
محبان زهراعلی یارتان
مریدان مولاعلی یارتان

کسانیکه دل برحسین داده اید
به عشق تولّاعلی یارتان

غم آمدپدیدومحرّم رسید
حزین است دلهاعلی یارتان

عزیزان بگوییدیافاطمه
بگیریدامضاعلی یارتان

بپوشیدباقصدقربت همه
سیه پیرهن راعلی یارتان

شتابیدبر وادی کربلا
که غوغاست آنجاعلی یارتان

کجائیدای شیعیان علی
حسین مانده تنهاعلی یارتان

اباالفضلیان بوسه ازجان زنید
به دستان سقاعلی یارتان

بیائیدبرصحنه ی امتحان
چویاران هیجاعلی یارتان

به ماه محرم ز خون حسین
شرف گشته احیاعلی یارتان

خروشیدبرضدکاخ ستم
چو امواج دریاعلی یارتان

به وهّابی امروزسیلی زنید
که دیراست فرداعلی یارتان
https://telegram.me/naghmehaye_gham

Telegram

نهضت زیبای کربلا
هر ذره ای که جلوه کوکب نمی شود
هر مطلبی که شعر مرتب نمی شود

تا لقمه پاک نباشد به سفره ها
هر نطفه ای سلاله اطیب نمی شود

تا یک نظر نکند حضرت حسین
هر سائلی که صاحب منصب نمی شود

تا روز حشر و قیامت یقین بدان
روز قیام سرخ حسین شب نمی شود

پاینده مانده نهضت زیبای کربلا
نهضت بدون همت زینب نمی شود

درس ادب به مدرسه فاطمه گرفت
دختر بدون مام مودب نمی شود

در مجلس وفا و شرف بی اجازه اش
قانون عشق ساده مصوب نمی شود

در مجلس شراب یزید شرابخوار
قطعا حریف حامی مکتب نمی شود

فریاد زد به جای حسینش و گفت که
مشروبخوار رهبر مذهب نمی شود

این ره ادامه دارد و حرفت بگو کیان
رنگ خدا که رنگ مرکب نمی شود https://telegram.me/naghmehaye_gham

*******************************

:شعر ماندگار از حضرت استاد مرحوم منزوی اردبیلی

ایهاالناس گلین گردش دوورانه باخون
قدر‌ت مطلق خالق سبحانه باخون

اویمایین فانی اولان کبکبیه دَبدبیه
چشم عبر‌تله گلین عالم امکانه باخون

زرق و برقیکی گورورسوز بو فنا دهریده سیز
یئل اسن وقته گئدین شمع شبستانه باخون

بیر سینیق کورپویه بنز‌ر سویون اوستونده جهان
اوردا منزل ائلمز عاقل و فرزانه باخون

باخمایین هرزه آغیزلاردا اولان لغلغیه
انبیاء صحبتینه، پند حکیمانه باخون

قویمایین خوار اویلا قرآنوزی انجیل کیمین
توز باسیب گرچه سیلین، بیرده بو قرآنه باخون

مسلمینین سایی میلیاردی گئچیب دنیاده
ولی بو کثر‌تلن نسبت نقصانه باخون

هامی ادیان آراسی بو دینی الله بَیَنیب
بیر گلین سیزده پسندیدۀ یزدانه باخون

دئمیین ملت اسلام عقب افتاده دیلر
ضعف اسلام دَگیل، ضعف مسلمانه باخون

اجنبی تفرقه‌سی یئتمیش ایکی فرقه ائدیب
اولدیلار بیر بیرینه گور نئجه بیگانه باخون

قلب اسلامیدی مکه اوتوروب آمریکا
قل اعوذ اوخویون قلبده شیطانه باخون

بو علی دشمنی باخ گور نئجه بی‌غیر‌تیمیش
اَگلشیب مصدر دیوانیده دیوانه باخون

ای مسلمانلار آلین اسلحه امداده گلین
شوروی قصد تجاوز ائده‌ن افغانه باخون

شیعه‌لیک جوهری هر یئرده کی وار غیر‌ت وار
دورد ابرقدرتی رد ائیله‌دی لبنانه باخون

انبیاء مکتبی انسانه سعادت یارادار
خبث ابلیسی بیلین، حکمت لقمانه باخون

آز بو بش گونلیک اولان نعمتی دورد اللی دوتون
سعی ائدین عالم اولون، عالم عرفانه باخون

هر شب جمعه گئدین ساحت قبریستانه
توپراق آلتیندا یاتان سائل و سلطانه باخون

عرض و طولینده بیر آز فکر ائیلیین قبرلرین
جُرم حبس ابده،تنگی زندانه باخون

ناز بالیشده یاتان گونلرینی فکر ائلیین
داشا پَر قو یئرینه باش قویان انسانه باخون

بو همان شخصیدی قویمازدی قونا توز باشینا
توپراق آلتیندا یاتیب گور نه ذلیلانه باخون

بو همان شخصیدی توپراقه ده قویمازدی قدم
باش قویوب ایندی او توپراقه فقیرانه باخون

نه سالیر یادینه اولادی نه ده اقوامی
هی سیزیلدیر بالالاریم، من نالانه باخون

من گوز اوستونده سیزی بسله میشم دنیاده
قاباقیزدا آچیلان سفرۀ الوانه باخون

سیزون اوستوزده یالان قالمادی من خلقه دئدیم
سیزلره خاطر الیمد‌ن گئد‌ن ایمانه باخون

یالان آند ایچمیشم ازبس که رسول اللهه
اودا کی دشمن اولوبدور من نادانه باخون

آل وئریمده سپر ائتمیشدیم ابوالفضل آدینی
اودا لطفین کسیب از بس، بو پریشانه باخون

سیزه خاطر نه ترازونی دوزه‌تتیم نه داشی
کم ساتیب آرتیق آلان سفله مسلمانه باخون

مرحوم استادمنزوی اردبیلـے
https://telegram.me/naghmehaye_gham

**************************************
ورود به ماه محرم
کربلایی احمد پوریا
سبک : خرابه چراغونه امشب
گینه باشلانوب بزم ماتم
گلوب ماه شور و مُحرم
اَسور گویده بو قاره پَرچم
جهانی دوتوب غم
گل شیعه وُور سینه آغلا دنن یا حسین وای
قلبیوی بو غمده داغلا دنن یا حسین وای
دنن یا حسین وای

بو آی عاشقه جان آییدور
نه جان بلکه جانان آییدور
محرمدی پیمان آییدور
گلستان آییدور
بو آی نجه با صفا عطری وار چون گل یاس
گلدن گوزل عشقیمیز واردی چون عشق عباس
عشقیمدی عباس

محرمدی عشقون بقاسی
محرمدی دینون صفاسی
محرمدی دردیم دواسی
دوالر دواسی
یردن گویه قوزانوب یا حسین وای صداسی
سسلن گوزلدور گوزلدور حسین کربلاسی
حسین کربلاسی

محرمده یاس ساخلاروخ بیز
بو غمده اورک داغلاروخ بیز
حسین وای دیوب آغلاروخ بیز
عزا ساخلاروخ بیز
جانلار فدایا حسین جان سنون اکبریوه
عالم گدا سینن اوسته یاتان اصغریوه
گل پرپریوه
حسین امته رهنمادی
حسین شیعه یه مقتدادی
حسین عشق خیرالنسادی
گل مرتضادی
بیز صدق دیلدن سنه یازدوخ آقا عریضه
سن جان زهرا و حیدر شفا ویر مریضه
شفا ویر مریضه
حسین قانینی یاره ویردی
جانین حَیِّ داداره ویردی
شرف درسین اخیاره ویردی
جانین یاره ویردی
ای سن گیده یولارا شیعه نون جانی قربان
عباس ویرن قولارا شیعه نون
جانی قربان
حسین عشق یزدان

حسین عشقیوه مبتلایم
سنه نوکرم (پوریایم)
گرفتار کرب وبلایم
حسین بی نوایم
عاشقدی مولا سنه آسمان و زمینده
ویر تذکره هیئتی بیزلره اربعینده
گلاخ اربعینده
https://telegram.me/naghmehaye_gham

*********************
《احوالات حضرت ابوالفضل (ع)》
گوردیلرعقاب اوسته تشنه لب علمداری
دوره سین آلیب دشمن یوخ بدنده قوللاری

سینه سین ائدیب قلخان چندشعبه اوخلاره
اوخ دیوب اوخ اوستوندن یاره اوستونه یاره
بیرنفردیین یوخدورنامروت اشراره
قولسوزیلا ائتمزلرقوللوللاربورفتاری

طاقتین آلیب الدن سینه سین ائدیب سوزان
مشکدن دین پیکان قامتین أین پیکان
ناامیدوشرمنده خیمییه باخورهرآن
العطش سسی ائیلوربیقراراوسرداری

ناگهان قیامتدن بیرنمونه گورسندی
بیرآچیق باشایعنی بیرآغیرعمود اندی
پاره لندی مولانون تشنه قلبینین بندی
مرتضانی آغلاتدی اول عمودون آثاری

باش یارا بدن یاره یوخ خبراوزون قولدان
قویموراشقیا گئتسون خیمییه گئدن یولدان
هرگلن ویرورساغدان هرگئدن ویروررسولدان
بیرسپه سالیب تنگه بیرنفرسپهداری

بس کی آخدی قان باشدان دوتدی چشم سقانی
دای گورنمه دی حضرت دوره سینده اعدانی
بی امان وبی پروا ویردیلاراوتنهانی
صولت وصلابتدن سالدیلاراوسالاری

یاحسین دئییب دوشدی تپراقاجوان عباس
سویلدی جوابینده شاه تشنه جان عباس
اوج همتون اولدی عالمه عیان عباس
آدوه سنون تاریخ ثبت قیلدی ایثاری

ای جمالی قان آلتداشمس واضحادن باش
سینه می سوکئیدی عشق قلبیمی گورئیدون کاش
سن کی تپراقادوشدون اؤلدی قارداشون قارداش
اضطرابدن دوشدی شام وکوفه اشراری

#استاد_شاهی_اردبیلی
****************************
استمداد حضرت ابوالفضل العبّاس علیه السلام
مرحوم عبد الرّحیم شباهنگ متخلّص به " هندی
بیر یره دوشموش ایکی قول بیر یاریلمیش باش حسین
چوخ چکلّه انتظارون دورما گل قارداش حسین
رشده یتدیم آستانونده چوخ اولدی زحمتیم
سایه ی لطفونده مشهور اولدی نام و شهرتیم
قابل بذل توجّه اولسا بو گون خدمتیم
تاج عزّت قویدوقون بیر باشه گل چک باش حسین

پرورش ویردون منه تعلیم اخلاق ایلدون
نقص خدمت گوردون امّا عفو و ارفاق ایلدون
کربلا حقّینده مندن اخذ میثاق ایلدون
شکر للَّه باشیم اولدی باشیوه شاباش حسین

حقّ تعلیمون بیوکدور من ثنادن عاجزم
شاکرم دلدن، ولی ذکر ادادن عاجزم
باش سینوب قولّار دوشوبدور دست و پادن عاجزم
سن اوزون لطفیله گل بالینیمه قارداش حسین

مدّت عمرونده بی مهر اولمادون بیر آن منه
هر نفسده ایلدون مین نوعیله احسان منه
ای کلام ا... ناطق گل اوخی قرآن منه
خجلت دیرینیمه نطقون اولا پاداش حسین

حسن طالعدن قازاندیم چون شهادت قرعه سین
شوقیله جنگ ایلدیم آلدیم فراتین شرعه سین
لبلرون یادیله امّا ایچمدیم بیر جرعه سین
سیریده همرنگ اولور چون یاریله یولداش حسین

وارد اولجاق نهره طرد ایتدیم گروه ناکسی
دولماسون مشکه کنار ایتدیم سودان خار و خسی
بیر اوزون طومار غم آچدی سویون دلکش سسی
وای اگر بیر گون او احساساتیم اولسا فاش حسین

مشکی حفظ ایتمخ امیدی ویردی قوّت هوشیمه
دولدوروب محکم ایدوب آهسته سالدیم دوشیمه
گه اُپردیم گه چکردیم جان کیمی آغوشیمه
قهر اولا اوخ نقشینی ترسیم ایدن نقّاش حسین

هر ایکی قولّاریمی بو مشکه ایتمیشدیم سپر
اوخ گوزیمدن قولّاریمدان ایلدی صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین

گرچه یاره م چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین

سن اوزون یاخشی بیلیسن ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم چون قولّاریم اولدی قلم
بیرقیم گوزگوز اولوب گوزدن توکر قانیاش حسین

قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشعر مینا کیمی
گون قباقینده یانان داشلاردا اولدی یاش حسین

گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یئدی خنجر بیر یارالی حنجره
منکه باشدان گیچمیشم لازم دگل پرخاش حسین

گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین

ناتوانم صون نفسده ظلّ رافت ایسترم
ذرّه ی بی قدرم امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین

منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین

من " شباهنگم " اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین

https://telegram.me/naghmehaye_gham

**************************
ورود به ماه محرم
روح الله رمضانی ( خاکی