در مدح حضرت زینب کبری (سلام الله)

ائمّه نین شرف و افتخاری زینبدی

یقین او طایفه نین اعتباری زینبدی

رقیّه نین او خرابه مکاندا باور ایله

الی باشیندا قالان بی قراری زینبدی

بویوردی قارداشیمون قانین ایلرم احیاء

علی و فاطمه نین یادگاری زینبدی

خرابه ده باش اوجالتدی او عرش اعلایه

تانیتدیران بیزه پروردگاری زینبدی

گویون ملکلریده فخر ایدر اونون آدینا

حسینینون او زمان غمگساری زینبدی

یتردی اوجه خانم خطبه ‌سینده ایثارین

گورن دیوردی علی ذوالفقاری زینبدی

قلم دایاندی الینده یازانمادی «غمکش»

که یعنی آل علی داغداری زینبدی

شاعر : مرحوم غمکش

!!! لطفا با نام کانال مدح و مرثیه کپی کنید !!!