متن نوحه های ترکی و فارسی 4
اربعین حسینی
شامیدن بو غملو سر زمینه گلدیم
قبرون اوسته قارداش اربعینه گلدیم
ای مزار ششگوشه
سس ویر بو سیه پوشه
زینبم حسینم زینبم حسینم
یوخ باشون دئییدم
قبردن گتور باش
قالموشام نه حاله
گور یارالی قارداش
قامت خمیده
سریمی ایدر فاش
سرو قامتی بو کولن
غملر اوستونه توکولن
زینبم حسینم
زینبم حسینم
ورمو شام علم من
حد سد صبره اید میشم تحمل
هر جفا و جبره گونگیون گتوردیم
شال ایدم بو قبره یوسف مدینم
اویان ای سرورسینم اویان
زینبم حسینم
زینبم حسینم
گلشنونده گلدیم
باغبان اولام من
گلمدیم بو نوعی
باقری قان اولام من
اولما راضی سندن
نا گران اولام من
دی گورم یاران نجه دی
دردیله آران نجه دی
زینبم حسینم
زینبم حسینم
فاطمه نشانی
گور نجه پوزولماز
حشر اولونجه قارداش
بیر بیله غم اولماز
هر یاران ساقا لسا
بیر یاران ساقا لماز
اکبر اوسته اشگی
آخان قانینی عذاره یاخان
زینبم حسینم
زینبم حسینیم
سن بو چولده عطشان قانوه باتوبسان
دینه نصرت ایلیوب مقصده چاتوبسان
اصغریله با هم قبرده یاتو بسان
گلمیشم دئیم ای وای تشنه اصغره لای لای
زینبم حسینیم زینبم حسینیم
باغلانان بو چولده رشته جفایه
پرده پرده آهی اوج ایدن سمایه
ایلین تحمل جور اشقیایه قول باغلی گیدن
شامه سر خیل اولان اتیامه
زینبم حسینم زینبم حسینم
کوفه ده سرشگین قان ایدن زمانه
قدینی مصیبت دوندرن کمانه
قلبینی خد نگ طعن ایدن نشانه
فاطمه یگانه سیئم تیر غم نشانه سیئم
زینبم حسینم زینبم حسینیم
کیم دیئر خدنگ غصه قلبی دلمز توزلی بو مزاری گورسه شوره گلمز بو بلا کشیده چوخ عجبدی المز ای سوسوز الن قارداش لاله پیرهن قارداش
زینبم حسینیم زینبم حسینیم
گلدی جمله قارداش عترت رسالت
بیر رقیه ایتدی عمه سین خجالت
گلمدی بو قبرون ایلیه زیارت
صبر گلستانی سولان عمریجه خجالت
اولان زینبم حسینم زینبم حسینیم
شامده عذاره اشگی باغلادیم من آتش
غمیله سینه داغلادیم من اول یتیمی قبره قویدوم آغلادیم من گوز یاشیله غسل ویرن معجرین کفن ایلیین
زینبم حسینم زینبم حسینیم
نجمی آه او دمدن فاطمه عزیزی غصه لر فکاری غملر اشگریزی گوردی آلتی گوشه قبر مشگبیزی سسلدی اویان قارداش
غسلی قان اولان قاردش
زینبم حسینم
زینبم حسینم
شاعر : نجمی
اربعین حسینی
«چشم گریان سویت از شام خراب آورده ام»
«خیز، ای لب تشنه از بهر تو آب آورده ام»
گر بپرسی داغ تو با سینه خواهر چه کرد
قامت خم گشته یی بهر جواب آورده ام
اشک، سرخ، چهره زرد و تن سیاه و موسفید
اینهمه سوغات از شام خراب آورده ام
اشک می بارم ز داغ چارساله دخترت
گر چه پرپر شد گلت با خود گلاب آورده ام
همرهم زین العباد این حجت دادار را
جان و تن مجروح از بزم شراب آورده ام
شاعر : علی انسانی
اربعین حسینی
شامیدن بیر قانلی کوینک بیر آغارمش موگتوردوم
ئولمدیم تا اربعینه قبرون اوسته سو گتوردم
من دیمم هیچ زینبم نه شان و جاه و عزتیم وار
گیتدی الدن عزتیم ایندی نه شان و شوکتیم وار
زینبیتدن نشانه بیر خمیده قامتیم وار
قبرون اوسته من دوباره یولماقا گیسو گتوردوم
قلبیمی یاندردی چونکه قوم سنگدل حسینیم
ذبح ایدنده باشوی سو ویرمدی قاتل حسینیم
من اودور گتدیم سرین سو ایلرم نسگل حسینیم
دور حسین لب تشنه یاتما میلون اولسا سو گتوردوم
چوخ بلایه حق یولندا بو بلالی باشی سالدیم
شامیده ویرانه لرده مدتی ذلتله قالدیم
عاقبت بو قانه باتمش کوینگون اللردن آلدیم
قانین ایتدیم گوزیاشملان یاخشی شستشو گتوردوم
چون یزید ایتمشدی دعوت مجلسه بیحد نفوسی
ایلدیم بیر خطبه ایفا گیتدی کلا آبروسی
ویرمدیم ایتسون کنیزلیک شامیه بو نو عروسی
تا ئوزوملن قبرون اوسته چوخ پریشان مو گتوردوم
دشمن دینون النده ساغر صبریم جالاندی
معجریم یغمایه گیتدی سربسر رختیم تالاندی
محمله گاهی ،برادر دگدی باشیم پارچالاندی
کوفه دن کرببلایه قصه دلجو گتوردوم
کربلایه بیر رقیون گلمدی اولدوم خجالت
چون خرابه گوشه سینده نازیله یاتمشدی راحت
آرزودیدیم ئولم من ئولمدیم قالدیم سلامت
قبرون اوسته یاخشی بیرعده ملر آهو گتوردوم
سعی بو سوداده ایتدیم دوشمیک بیز تازیانه
عورتی ورماخ دگلدی راه و رسم تازیانه
بیمروتلر وراردی سیلی گاهی تازیانه
شاهدیم بیر عده نیلی صورت و بازو گتوردوم
بیر سوزی واردور ربابون سینون اوسته اصغرینه
سن بیور مادر دلیجه اصغر مه پیکرینه
میلون اولساسندن ئوتری ای ایچن قان سویرینه
سود گتوردوم سوگتوردوم یاتماقا پر قو گتوردوم
(منزوی) آدیم فنون شعره خیلی ماهرم من
اردبیل ایچره ولیکن بیر محقر شاعرم من
بو سوزه اما چوخ آیری شهرلرده فاخرم من
شامیدن بیر قانلی کوینک بیر آغارمیش مو گتوردوم
شاعر : مرحوم منزوی
اربعین حسینی
عذار نیلی و قدّ خم و چشم تر آوردم
گلاب اشک بهر لاله های پرپر آوردم
زجا برخیز ای صد پاره تر از گل! تماشا کن
که از جسم شهیدانت، دلی زخمی تر آوردم
تمام یاس هایت را به شام از کربلا بردم
چو برگشتم برایت یک چمن نیلوفر آوردم
مسافر از برای یار سوغات آورد اما
من از شام بلا داغ سه ساله دختر آوردم
اگر چه سر نداری یک نگه بر سیل اشکم کن
که با چشمان خود آب از برای اصغر آوردم
تو بر من از تن بی سر خبر ده ای عزیز دل!
که من برتو خبرهای فراوان از سر آوردم
چهل منزل سفر کردم به شهر شام و برگشتم
خبر ازچوب و از لعل لب و طشت زر آوردم
زاشک چشم و سوز سینه ی مجروح وخون دل
همانا مرهمت بر زخم های پیکر آوردم
قد خم، موی آشفته، تن خسته، رخ نیلی
به رسم هدیه میراثی بود کز مادر آوردم
زسیل اشک دریا کرده ام چشم محبان را
به آهم شعله ها از سینه ی میثم برآوردم
شاعر : غلامرضا سازگار
اربعین حسینی
زینبم من کاروان عشقه سالارم حسین
اولمشام قرخ گون عزادار اینیدی زوارم حسین
زینبم من کاروان عشقه سالارم حسین
اولمشام قرخ گون عزادار اینیدی زوارم حسین
یوز ویروب قرخ گونده بیر محشر بلالی زینبه
باش آغاردار چکسه بو آلامی طفل یک شبه
گور بو غملر یورقونی دوشمش نجه تاب و تبه
خسته جان دینجلمیوب الاندا بیمارم حسین
ایلمه فرض گِله گلسم حضورونده دِله
خار جوریندن مگر بلبل گُله ایلر گِله
هر نفس اولموش فراقونده مقابل بیر ایله
عشقوه با اینهمه هر آن وفادارم حسین
تا سنون عشقون آخور قانیمده من پابندیم
تا دل تاریخده سن زنده سن من زندیم
عشقده نه تازه کارم من ، نه ده بازندیم
اللی دورد ئیلدور بو عشقه من گرفتارم حسین
کاش حسین بیریول جدا اوستن گوریدون سن بیزی
قمچیلر ایلور نجه تهدید هر یردن بیزی
ناقه لر هر نحو گیتدی وردی بو دشمن بیزی
تند یا آهسته من ذکرینده بیزارم حسین
کوفیه باشون که تک یولاندی غم گلدی منه
شمع تک جانیم آلشدی دوشدی اود پیراهنه
کوفه ده پیشوازیمه گلدون دیدیم احسن سنه
هر بلاسی اولسا بو باشون خریدارم حسین
کوفه اهلی دست کم دوتمشدی آل هاشمی
هی دیوبلر خارجی قان ایتدیلر گوز یاشمی
باشلادون سن آیه ی کهفی اوجاتدون باشمی
ناگهان گوردوم مباهاتیله سرشارم حسین
شاعر : مرحوم منزوی
اربعین حسینی
ساربانا ز اشتران بگشای بار
لحظه ای ما را به حال خود گذار
اینکه بینی سرزمین کربلاست
خاک او آغشته با خون خداست
در حریم قدسی صحرای دوست
بشنو این گلبانگ، این آوای اوست
نی نوا، در نینوای راستین
مویه ها دارد ز نای اربعین
ناله آتش بال در پرواز بین
همطراز آه گردون تا زمین
اشک می ریزد ز چشم کائنات
در عزای تشنه کامان فرات
آن بلا جویان که تا بزم حضور
راه پیمودند با سامان نور
رایت توحید از اینان پایدار
ماند و می ماند به دور روزگار
گر فرات اینجا چو دریا خون گریست
نی عجب، خورشید برهامون گریست
شاعر : مشفق کاشانی
اربعین حسینی
قبروندی بو آفاقه سپن غم توزی قارداش
سیناده دوشوب یا که سها اولدوزی قارداش
ای دشت نشیبی ایلین ارض تجلّا
عرش آلتینا قبریله آچان چتر مصفّا
ای عرشدن افضل یری شمس متجلا
انوار طلیعه ندن ، عیان نور خدادی
دارا بو مقاماته فقط کرب و بلادی
قبرون نه گوزل طرزیله منظر دوشنوبدور
شش گوشه بیر الدوز یره شش پر دوشنوبدور
حتما ایاقون آلتنا اکبر دوشنوبدور
قرآندا که یاقوتیله مرجاندی بو قبرون
باب اسف انجم کیهاندی بو قبرون
مبهوتم ایدنده بو گوزل قبره نظاره
آی گون بیله پرتو فکن اولماز نه ستاره
قبروندی بو یا نوریدن افلاکه مناره
او رشگ ارم رایحه لی تربته قربان
انبوه ملک خادم اولان ساحته قربان
یانموم نجه سینونده یاتان اصغره قارداش
اصغر آدی ، شانینده شبیه اکبره قارداش
قانی سپیلن قونداقنه ، گویلره قارداش
هانسی سودامر بیر بالانین دایه سی اوخدور
تاریخ جنایتده بیله سابقه یوخدور
قاسم هانی شمع شب شهلایه شمایل
دامادیدی ، یولداشلاری اولدی اونا مایل
بیچاره عروس آغلیه بولمز ، اودی قابل
ویردیم حسنیمدن اونی اول جمعه امانت
ناکامیدی آلسونلا آرایه یاتا راحت
قارداش او حبیب عاکف دربار حسینی
حرّی آپاروبلار اودی انصار حسینی
عباس ، هانی ، هاردادی او سردار حسینی
دنیا نقدر وار گوره بولمز بیله افسر
کیمدور هم علمدار اول ا هم اکبر لشگر
شاماته یتونجه بیزی آغلاتدیلا یولدا
بیر ناقیه نچه بالانی آتدیلا یولدا
اولدوز کیمی بعضی سی آخوب باتدیلا یولدا
زهراده که محسن نجه سقطه هدف اولدی
بیر اوغلون اولوب محسن آدنلی تلف اولدی
نیلوب بیزه قارداش بیلوسن آل امیّه
نه باخدیلا پیغمبره نه داور حیّه
بسدور بو که ویرانه ده جان ویردی رقیّه
دوشدی ایله بیر کیم ، دوشوب انگشتر الیمدن
آیریلدی نگیندن ایتوب اول گوهر الیمدن
ظاهرده یاتوب شامیده بیر طفل صغیرون
باطنده دمشقی آلوب او رنگ سریرون
اولدی او بالا شامیده قدرتلی سفیرون
طوبای امامتده کی زنجیر دو شاخه
سندیردی سالوب آخر او ویرانه ده شاخه
قارداش نه دلیله دل آچوم وقعه ی شامه
یوز ویردی نلر اوردا منه ، اوغلون امامه
القصّه یانوب مندن اورک ، اوندان عمامه
الشّام کفایتدی که عنوان اولونوبدور
شرح دل ، او بیر کلمه ده پنهان اولونوبدور
مدّتدی که سندن خبریمیوخ نگرانم
یولدان یتوشوب ایمدی ، اورکدن دولی قانم
فکریم بودی بوردا قالام ، ای روح روانم
گیتسمده مشامیمده آلوب عطرون آپارّام
عکسون سالارام قلبیمه ، بو قبرون آپارّام
(شاکر) یورولوب دهریده هر ششته دوشوبدور
هر بابده اوجه یتوشوب پسته دوشوبدور
آخر یخلوب ، بو قاپویه بسته دوشوبدور
قارداش اونی مایوس ایلمه نوحه گروندی
ای کان کرم فرض ایله بیر خاک دروندی
شاعر : شاکر تبریزی
اربعین حسینی
سوال
تا قبر حسینه یتیشوب آل پیمبر
گویا که حسین سسلدی ای خواهر مضطر
گلدی بالالار نازلی رقیّم هانی زینب
باشینده نه وار نازلی رقیّم هانی زینب
زیبنده دی بلبل گله دردین دیه باشدان
من آتماموشام اوز بالامون فکرینی باشدان
آغلاتما باجی قارداشیوی آغلا یاواشدان
گوزیاشون آخار نازلی رقیّم هانی زینب
گل فصلی نیه بلبلین آوازه سی گلمور
باشه یتیشوب فصل خزان نغمه سی گلمور
هاردا بالامون ناله و شیون سسی گلمور
شیرین دلی وار نازلی رقیّم هانی زینب
یولّاردا بالام گرد و غم هجره باتاردی
ویرانه ده توپراقلارین اوستونده یاتاردی
گلسیدی بو گون قبریمه مقصوده چاتاردی
بس هاردا یاتار نازلی رقیّم هانی زینب
گوزیاشینه خون دلی ویرانه ده قاتدی
توپراقلارا قویدی یوزینی شانین اوجاتدی
سینمده یاتان یرده علی قارداشی یاتدی
مقصوده چاتار نازلی رقیّم هانی زینب
بو قتلگهیمده منه چوخ آغلادی یاندی
قویدی باشینی سینمه بیر قدر دایاندی
گوز آچدی گوروب دشمنی وحشتله اویاندی
اود جانه سالار نازلی رقیّم هانی زینب
بو دینمه ماقون ای باجی آرامیمی آلدی
گیزلتمه سوزون، آغلاما چوخ صبریم آزالدی
دی اُلدون بالان شامیده ویرانه ده قالدی
شیون اوجالار نازلی رقیّم هانی زینب
حبس اولموشودی طائر روحی قفسینده
باتموشدی سسی قوّه سی قالموردی سسینده
ایوای بابام ایوای دیدی آخِر نفسینده
تاب دل آلار نازلی رقیّم هانی زینب
آیا دیمه دی قویما منی شامیده گیتمه
منسیز بابامین عمّه گیدوب وصلینه یتمه
من بیکسی ویرانه ده افسرده دل ایتمه
همراهون آپار نازلی رقیّم هانی زینب
خوار ایلدی دشمنلری افکاری حسینون
سعی ایلدیلر محو اولا آثاری حسینون
هر ایل گله جاق قبرینه زوّاری حسینون
تا فیض آلالار نازلی رقیّم هانی زینب
حق اهلینی رسوای جهان ایلماق اولماز
گون نورینی دنیاده نهان ایلماق اولماز
محنت زده نی لال زبان ایلماق اولماز
نطقه دل آچار نازلی رقیّم هانی زینب
خالق اوزیدور حقّ و خریدار حقیقت
هر کیمسه اولا طالب دیدار حقیقت
اونداکی گورر گرمیدی بازار حقیقت
جان نقدی ساتار نازلی رقیّم هانی زینب
بیر سیّد حسین آدلی (ریاضی) بیزه خادم
اولدوقجا اونا محنت و اندوه مصادم
هر لحظه خطا و گنهیندن اولی نادم
بیر چاره تاپار نازلی رقیّم هانی زینب
جواب
تا قارداشینون آلدی سسین زینب مضطر
توکدی گوزینون یاشینی عرض ایتدی برادر
نازلی بالاوی ایستمه مندن آنام اوغلی
زینب اوزی شرمنده دی سندن آنام اوغلی
بیز کوچ ایلین وقته سنون قتلگهوندن
آیریلمادی غم بلبلی پوزقون چمنوندن
زوریله ایردی اونی دشمن بدنوندن
آغلاردی اودور شامه گیدندن آنام اوغلی
هانسی گجه نی یاتدی دیدی وای یوخوسوندا
یعضی گجه لر چوخ دیوب ایوای یوخوسوندا
گوردوم که دیور اصغره لایلای یوخوسوندا
باندیم بو سوزی من ایشیدندن آنام اوغلی
گوردی سنیده بیر گجه رویاده برادر
هولیله آیلدی دیدی ای عمّه ی مضطر
گلمیشدی بابام، دور بابامی تاپ منه گوستر
ایستردی چخا روحی بدندن آنام اوغلی
هر قدر اوشاق ساکت ایدن دللریله من
ایستردیم اونی ساکت ایدم ایتمیه شیون
چکمزدی ال، ایستردی دوباره سنی مندن
رویاده گل وصلی درندن آنام اوغلی
کیم یاری قویار منزل بیگانه ده قارداش
گل صاحبی ساخلار گلی گلخانه ده قارداش
مدفون ایلدیم حیف اولا ویرانه ده قارداش
نورسته گلی من بو چمندن آنام اوغلی
سو ایچماق او مظلومیه تازه غم اولوردی
اصغر دیوب آغلاردی گوزی پرنم اولوردی
بلبل گوزینون یاشی گله شبنم اولوردی
گل سو یرینه قانین ایچندن آنام اوغلی
چوخ وقته گورردیم یولا حیران باخار آغلار
گیزلینجه دیردیم بالا دردون ایله اظهار
سویلردی گیده لّر هارا بو خوردا اوشاقلار
قالدیم متحیّر بو سخندن آنام اوغلی
دنیا بویی چخماز بالامین نسگلی یاددان
آیا نه روادور چخا شیرین دلی یاددان
چخسون نجه غم گلشنینون بلبلی یاددان
غربت چکن آواره وطندن آنام اوغلی
دوتدوم بالاما شامیده بیر شام غریبان
اولدی اوجادان آغلاماقا بیزلره عنوان
قبرین آلوب اطرافینی بیز جمع پریشان
قارداشی اُلن اوغلی اُلندن آنام اوغلی
گوزیاشلاری بنزردی آخان بارش ابره
زینب اوزی مبهوتیدی زینبده کی صبره
قویدی نجه قارداشی بالاسین عمّه سی قبره
صبر ایتدی وفا شمعی سونندن آنام اوغلی
دفن ایلموشم شامیده بیر قدرت پنهان
تا قصر یزیدی ایلیه خاکیله یکسان
حق کیمدی حقیقت ندی خلقه ایده اعلان
واردور بو اثر دفن ایلیندن آنام اوغلی
هر بنده که سوداگر بازار حق اولسا
چوخ سود آپارار هاردا خریدار حق اولسا
دنیاده (ریاضیده) طرفدار حق اولسا
عبرت گوتورر شامی گورندن آنام اوغلی
شاعر : مرحوم کهنمویی
زبانحال حضرت زینب کبری (سلام الله) در اربعین
ای زینبی آغلار قویان وای قارداشیم وای
گَلدی باجون یاتما اویان وای قارداشیم وای
زینب بو توزلی قبریوه قربان یارالی
اوخشار باجی قارداشینی آغلار یارالی
قارداش گیدنده شامه من باشی بلالی
گونلر ایوینده نعشیوی گوردوم یارالی
یاددان چخارتماز زینبون هرگز او حالی
قیلّام گئجه گوندوز فغان وای قارداشیم وای
غم گوزلریمون بارشین دوندردی ابره
اولدوم ته دلدن ولی تسلیم صبره
کیم غسل و کفن ایتدی سنی، کیم قویدی قبره
ای پادشاه انس و جان وای قارداشیم وای
قارداش حسین آخِر سنه کیم قبر قازدی
شش گوشه قبرون اوسته کیم بو خطّی یازدی
گَلسم اُلونجه شیون و فریاده آزدی
گوز یاشیمی ایتسم روان وای قارداشیم وای
عورت اوشاق شامه گیدنلر دست بسته
پوزقون، پریشان، سینه سوزان، دل شکسته
بو اربعین گَتدیم تماماً قبرون اوسته
ناله کُنان و مو کَنان وای قارداشیم وای
واردور رقیّه جانبیندن انفعالیم
سرّی اودور بو نوعیله پوزقوندی حالیم
حالی دوشنده یادیمه آرتار ملالیم
ویرانه یرده ویردی جان وای قارداشیم وای
اولموشدی غمدن زلف تک حالی پریشان
ایتمیشدی غصّه قلبینی لاله صفت قان
ویردی قوری توپراقلار اوسته آج سوسوز قان
ویرانه ده ایتدی مکان وای قارداشیم وای
سندن او گون که جبریله اولدوم جدا من
نه ظلم لر ایتدی منه بی رحم دشمن
شامه کیمی نه چَکمیشم آگاه سن سن
دل یوخ ویرم شرح و بیان وای قارداشیم وای
نوک جدانی طلعتون دوندردی طوره
گَتدون کلیمُ اللهی سن عشقونده شوره
خولی قویوب اوّل گئجه باشون تنوره
اولدون کُل اوسته میهمان وای قارداشیم وای
شاعر : مرحوم عاصی پنج چیزی که علامت مؤمن است حدیثی از امام حسن عسگری (علیه السلام) و گریز به روضۀ اربعین
حدیث دور نچه زاد مؤمنین علامتی دور
جزایه توشه دی سرمایۀ سعادتی دور
ازل نمازدی،واجبدی رکن ایماندور
که عبد عبادتی معبوده اوز عبادتی دور
ایکیمجی،بسمله نین جهری هر نماز اوسته
که جَهرِ بسمله عالمده مرد زینتی دور
اوچومجی توپراقا تَعفیر سجده حالینده
ولی فضیلت سجده حسین تربتی دور
عقیق اوزوکدی صاق الده علامت رابع
عقیق صاحبینین ضامن حراستی دور
گوروم اولیدی ولی بجدلین عذابی شدید
اونون او ظلمی حسینون بیوک حقارتی دور
امام بارماقینی کسدی بیر اوزوکدن اوتور
بو ظلم او بی حَسَبین شاهد شقاوتی دور
نظر بشیمجی علامتده دور گیچاق بو سوزی
که مؤمنین او علامت بیر عمده خصلتی دور
اولور حسینیله کامل عملده اولسا قصور
کمال مؤمن پاک اربعین زیارتی دور
آتام،آنام اولا ششگوشه قبرینه قربان
حسین زیارتی هر مؤمنین شرافتی دور
حسین آقا او گوزل قبروه اوزوم قربان
گوگل بیر عمریدی شوط و طواف حسرتی دور
علّی اکبریوُن جانینه قسم ویرّم
نصیب ایله او که محتاجین عین نیتّی دور
سرشگ چشمیله صحن رواقوی سولارام
گوروم او قبر اگر بو ذلیل قسمتی دور
قویوب ضریحوه یوز اشگیله توزون سیلَّم
چون آغلاماق گوزیمین صبح و شام عادتی دور
اماندی ایله ترّحم او باب رحمتی آچ
نقدر باغلیدی اسلامیان صعوبتی دور
زیارت اولموری قسمت ولی عزا دوتاروق
سنون آدون هامینون ورد و ذکر و صحبتی دور
او وقتی یاد ایدوروق روز اربعینونده
گَلَن زیارته یکسر بتول عترتی دور
هامیسی یاسلی عزالی باشی قرالی گلوب
مخدرّات بنی هاشمین قیامتی دور
گلور قولاقیمه بیر سَس یقین علی قیزیدور
که آغلادان منی دائم اونون او حالتی دور
معاینه گورورم قبرون اوستونه دوشنوب
دیور حسین باجوون ایمدی وقت فرصتی دور
گیدنده شامه سنه بیر دویونجا آغلامیوب
اونون اوزون بُلوسن نه قضیه علّتی دور
گلنده نالیه دشمن ووراردی قویمازدی
هله بدن او دویولماقلیقین جراحتی دور
او قدر قمچی وروبلار سنین گوزوندن ایراق
قولوم بنفشه و نیلوفرین حکایتی دور
باشیمدا سوزشی وار تازیانه یرلرینون
منی بو حاله سالان تازیانه زحمتی دور
نه چکمیشم بولوسن احتیاجی یوخ دیماقا
هامی مصیبته فایق باجون اسارتی دور
دیار کوفه ده زنداندا یاتمیشام گیجه لر
یتوب منه او که دشمنلرین اذیّتی دور
قویوبدی باشوی خولی کول اوسته کول باشیما
کوله بَلَشماقی گوردوم تنور علامتی دور
گیدوبدی بیر گئجه باشون قوناق کلیسایه
سبب او گیتماقودا راهبون هدایتی دور
آنامدا گلدی حسینیم باشون زیارتینه
بیر ایله یر آنامین گور حسین لیاقتی دور
بو رسمدور که هامی دیده بازدید ایلر
بو بازدیده سبب دلده کی محبّتی دور
گلوب دوباره کلیسایه مریم و عیسی
بو گلماقی اولارین باعث ارادتی دور
بو قدر ظلمه خوشام داد شام ظلمیندن
بوکن بو قامتیمی شامیان شمادتی دور
باشون جداده گوروردی نه پیشواز اولدی
او پیشواز باجون زینبون اهانتی دور
بیری گُلَردی بیری کف چالاردی بعضی دف
باخان دیردی بو قومون بو گون ضیافتی دور
زمان صبحیدی وارد اولان زمان شامه
نه صبح ، قیزلاریوون گوزده شام ظلمتی دور
توکردی باشیمیزه اودلی نی او قوم دَنی
بو ظلم عزالی خواتین ، سر سلامتی دور
امام عصر بویوندا غلام تک زنجیر
دِیَن تاپولمادی ، بو کردگار حجّتی دور
اوزی اُقادُ ذلیلاً دیوب او ساعتده
ذوی العقوله مؤثر همان عبارتی دور
اولونجا شام دولاندوردولار ییزی شامی
او وقت اولوبدی که شامین زمان خلوتی دور
هامی گیدوب ایوینه بیز خرابه ده قالدوخ
خرابه مسجد ، اسیرین مدام عمارتی دور
قلم دایاندی « حسینی » دایان دعا ایله
دعالرین بو زمان وقت استجابتی دور
بو چکدیقون زحماته نتیجه عُقباده
یقین ایله که آنان فاطمه شفاعتی دور
شاعر : مرحوم حسینی سعدی زمان
اربعین حسینی
شاماتی گزوب دیده خونباریله گلدیم
قبر اوسته گلن دسته زواریله گلدیم
عالملری حیرتده قویوب پایه صبرون
زینب سنه قربان نیه شش گوشه دی قبرون
اول علی اکبر قانینی قانوه قاتدون
باشسیز بدنون صونرا باسوب باغریوا یاتدون
بو یاتماقیلا بیرق اسلامی اوجاتدون
طوبی آغاجندان آسیلان خوشه دی بو قبر
بولدوم باجون السون نیه شش گوشه دی بو قبر
هر چند گل یاس قویولموش اطاقوندا
بیر گلبن نوخیزده واردور قوجاقیندا
قرمزی شکوفه آچیلوبدور بوداقیندا
قبرونده نهالان بهشتی گل آچوبدور
آرتوق دیمورم اصغروون رنگی قاچوبدور
باشون بدنون معجزه شام و دمشقون
گوستروردی اخا پختگی شیوه مشقون
اما نه بیوک معجزه دور وحدت عشقون
بو قبره ایکی نور گرانمایه دوشوبدور
شاخه ایکی اما یره بیر سایه دوشوبدور
بو مرقده وار حسرتی جنات نعیمون
جنت باغنا درس وفا ویردی حریمون
خوش حالیوه خوش صحبت و خوش خودی ندیمون
باس باغریوا جانانوی زیبادی جواندور
عالم گوره بو قبرده گلخانه جاندور
قیرخوندی عیالمون هامی قبر اوسته گلوردی
غم خسته سی بیر دسته برجسته گلوردی
بو دسته حسینی لره وابسته گلوردی
منده قاریشوب اونلارا قبر اوستنه گلدیم
امیدیمی هر یردن اوزوب بیر سنه گلدیم
ایکاش الوب تپراق اولوب مدفن اولیدیم
پیراهن گل تک سنه پیراهن اولیدیم
بیر سن بو مزار ایچره اولوب بیر من اولیدیم
اول سر ژگانیله بیر قبر قازیدیم
باش داشنه تاریخ ره شامی یازیدیم
ای قبر مطهر نه عجب روح فزاسن
شمع شب وصل و نفس صبح صفاسن
غرق عرق پیکر شاه شهداسن
ای عود غم آلود یانان عطروه قربان
ای صفحه قرآن یازیلان سطروه قربان
ای سایه حق لطف خدا کعبه آمال
ای قوت دل راحت جان شاهد اقبال
ای کان کرم یات قوری تپراقده خوشحال
یاتمش سان اگر صورت ظاهر قوری یرده
غم یوخ که یاتار گنج و جواهر قوری یرده
روحون کیمی وارسته و آزاده دی قبرون
قان آغلیوب آغلاتماقا آماده دی قبرون
باغرینده یاتان دلبره دلداده دی قبرون
ریحان خطیله کاتب سرمشق حسینی
قبر اوسته یازوب مدرسه عشق حسینی
ای باغ بهشتی گل و گلزاروه قربان
ای غنچه تر عقده گشا خاروه قربان
ای قصر ممرد در و دیواروه قربان
قارداشیمی آهسته چک آغوشوه ای قبر
بیر مونسی وار چکمه تک آغوشوه ای قبر
هرچند عزیز خاطریوه باردی زینب
درد اهلی دی چون یار دل آزاردی زینب
دیندیر اونی آخر سنه زواردی زینب
آغلار گوزی خم قامتی گیسوی سفیدی
ترسیم ایدر آق صفحه ده ایوان یزیدی
پروانه اگر شمع صفت شامله خوشدور
عاشق نفس گرم دل آرامله خوشدور
زینب ده بو درگاه فلک بامله خوشدور
قوی قبر شریفونده مجاور اولا باجون
دائم دوشنوب قبروه زائر اولا باجون
یوللاندی مدینه یولونا قافله قارداش
ایل گیتدی گرک منده گیدم یوخ گله قارداش
یوخ کیمسه منیم دردیمی من تک بوله قارداش
آرامگهون حسرتیله ترکنی ایتدیم
الله اوزی عالمدی که گیتدیم نجه گیتدیم
شاعر : مرحوم عبدالرحیم شباهنگ (هندی)
زبانحال حضرت زینب (سلام الله)
در اربعین حسینی
طور وفادی بو یِر یا کربلادی قارداش
یا جلوه گر بو چولده نور خدادی قارداش
روح روان زینب، آرام جان زینب
معناده کوه طوره طعنه وورار بو صحرا
سرِّ اَنَا الحَق ایلور بو دشتیدن تجلّی
موسایه لَن تَرانی سرّین ایدر هویدا
یا وجه باقی حق صورت نمادی قارداش
واردور یری دیسم بو یر عرض کبریادور
صبح و مصا مطاف سکّان نه سمادور
جنّتده چشم حوره توپراقی توتیادور
باغ بهشت اعلی دارُالصّفادی قارداش
یوخ یوخ بو غملی یردور عرش برینه علّت
خلق اولماسِیدی بو یر اولمازدی عرشه خلقت
گون دوردومونجی گویده ویرسه سپهره زینت
چرخ اوسته مهره بو یر زینت فزادی قارداش
درک ایلوری مشام جان بوی عطر و عنبر
چین و خطاده اولماز بیر بیله مشک ازفر
نکهت ویروب صبایه بو چولده زلف اکبر
مشک و خطا دیسم بو عطره خطادی قارداش
ای قبله ی حقیقی روح روان زینب
دور قبریدن اَیاقه آرام جان زینب
دشت عراقی دوتموش گورنه فغان زینب
گه ذکری واحسینا گه وا اَخادی قارداش
گوردوم سنی گیدنده بو چولده من یارالی
باش یوخ قوری یر اوسته یکسر بدن یارالی
کیم قبره قویدی نعشون ای بی کفن یارالی
جسمون کیمی او گوندن قلبیم یارادی قارداش
بیر نحویله خیام زرتارون اولدی تاراج
بیر معجره بنات پیغمبر اولدی محتاج
تیر جفایه قلبیم جسمون تک اولدی آماج
شغلیم او گون که گوندن نی تک نوادی قارداش
نوک جدانی ایتدون معراج عشقه رفرف
گورجک اوخور یارالی باشون جداده مصحف
بی شرم اهل کوفه گه چالدی کف گهی دف
هیچ باخمادی عیالون نوحه سُرادی قارداش
گوردوم جداده باشون گون تک دوشوب کسوفه
مه صورتون سالوبدور آثار کُل خسوفه
نه بیر، نه یوز حسینیم، یتدی غمیم اُلوفه
بُلدوم او کُل نشان مطبخ سرادی قارداش
گوندوز چوخ اینجیمیشدی اولموشدی بس که خسته
خولی ایوینده راحت یاتدی گئجه کَُل اوسته
باشون کُلین سیلردیم زلفومله دست بسته
سعی و تلاش گوردوم امّا هوادی قارداش
نه نیزیه یتور اَل نه وار بیر اوزگه چاره
نه نیزه دار باشون قارداش ویرور بو زاره
خون جگر گوزومدن اولدی روان عذاره
بی چاره لیق زمانی چاره بُکادی قارداش
ابن زیاد اَلیندن ایتسم اگر شکایت
زهرا آنام یانندا باشون ویرر شهادت
ویردیم نشان ولیکن بیر صبر و بیر شجاعت
رسوای عالم ایتدیم اول بدنهادی قارداش
بیله خیال ایدوردی قول باغلی دستگیرم
هر نه دیسه دایانّام مظلومه بیر اسیرم
بُلموردی دخت شیر یزدان و ماده شیرم
آدی آتام علینون شیرخدادی قارداش
طعنه دیلین آچاندا اول بی حیای بی دین
گوردوم که ایستور ایتسون آل عبایه توهین
ویردیم ایله جوابین اولدی جبینی پُرچین
ویردی بروزه دلده وار هر عنادی قارداش
گوردی مُجاب ایدنمز زهرا قیزین او کافر
بیر آیری ظلمه اقدام ایتدی او کینه گُستر
جلّاد حاضر ایتدی اول مُرتد ستمگر
ایتسون شهید بلکه زین العبادی قارداش
بیر نحویله جفای کوفه تمامه یتدی
باشون دالینجا زینب قول باغلی شامه گیتدی
بیر پایه ده او شهرین اهلی جسارت ایتدی
خجلتدی ذکری، مبهم قالسا سزادی قارداش
گیتدیم دیمم برادر من مجلس شرابه
آساندی بزم شربین ظلمی بو دل کبابه
آرامیمی اَلیمدن آلدی غم خرابه
قان آغلاسام اُلونجه الحق روادی قارداش
بو سهلیدور رقیّه قارداش آجیندان اُلدی
بو غصّه مشکل اولدی شام اهلی باخدی گُلدی
من بینوا نه چکدیم بیر کردگار بُلدی
آهیمله یانسا دنیا بِا... بجادی قارداش
دلگیر اولوب (حسینی) بو درد بی دوادن
آیریلمور آلتی آیدور نی تک غم و نوادن
ای شاه کسمه لطفون بو خسته دل گدادن
هر درد بی دوایه آدون دوادی قارداش
شاعر : مرحوم حسینی سعدی زمان
اربعین حسینی
بار بگشایید اینجا کربلاست
آب و خاکش با دل و جان آشناست
بر مشام جان رسد بوی بهشت
به به از این تربت مینو سرشت
ماه اینجا واله و سرگشته است
و آن شهاب ثاقب از خود رفته است
اربعین است اربعین کربلاست
هر طرف غوغایی از غم ها به پاست
گویی از آن خیمه های نیم سوز
خود صدای العطش آید هنوز
هرکجا، نقشی ز داغ ماتم است
هر چه ریزد اشک در اینجا کم است
باشد از حسرت در اینجا یادها
هان به گوش دل شنو فریادها
تا قیامت کربلا ماتم سراست
حضرت مهدی (حسان) صاحب عزاست
شاعر : حسان
اربعین حسینی
مدّ نظرده جلوه گر نور خدادور عمّه جان
یوخسا بو دشت پرخطر کرب و بلادور عمّه جان
عمّه بو کوه طوردور بیله دولوبدی شوریله
یا که بابام مزاریدور اولموش احاطه نوریله
وادی ایمن حسین فرقی بودور او طوریله
محو قویان کلیمی بو نور خدادور عمّه جان
ایلمیشم دلیل ره دلده کی شمع آهی من
قبر حسینه یتماقا تاپماقا شاهراهی من
پاک ایدورم بو مژّه ی چشمیله خاک راهی من
کوی وفای کعبه ی اهل وفادور عمّه جان
کاسه ی چشمی دولدورا جمله گرک گلابیله
سو سپه قبر اکبره تا که بو آب و تابیله
دولدوروب عطر کاکلی نکهت مشک نابیله
دشت بلا نه کشور چین و خطادور عمّه جان
ایله کنار چشمیله لیلی مضطره نظر
مصرع اکبره باخوب گور نجه گوزیاشین توکر
قلبی یانوبدی حقّی وار اولسا سرشکی قان اگر
ذکری اونون بیر عمریدور واوَلدادور عمّه جان
گرچه دیار شامیده عمّه چوخ اولدی زحمتون
شرح ایده بولمرم سنون درد و غم و مصیبتون
باشه یتوب بیر اربعین کامل اولوب ریاضتون
موقع اجر و فیض دور روز جزادور عمّه جان
ماوقع سلف گزر مدّنظرده سربسر
لرزه دوشوب وجودیمه برگ خزان کیمی اسر
بیله گلور خیالیمه شمر بابام باشین کسر
مقتل شاه کربلا جلوه نمادور عمّه جان
بیرجه نولوردی من تاپام قولسوز عموم مزارینی
قبر شریفینون یووام اشکیمیله غبارینی
بول ایشیدور بو گوش جان ایمدیده آه و زارینی
خجلتی وار سکینه دن شغلی نوادور عمّه جان
یاده رباب سالوری حرمله نون جفاسینی
کثرت غصّه ایلیوب بیخود اوغول آناسینی
سود گلوب امجگینه چون آختارور اوز بالاسینی
آغلور اوغول اوغول دیور شغلی نوادور عمّه جان
رسمیدور آغلیوب باتار هر کسون اُلسه بیر کسی
فاطمه نون بو نکته دن غیردی سرّ ناله سی
عمّه گلور قولاقیمه اصغرین آغلاماق سسی
عالم وهم دور مگر بو نه صدادور عمّه جان
حیف بو اربعینه بیر نازلی سکینه گلمدی
گلدی بیر آسمان نجوم ماه مدینه گلمدی
گوهر بحر معرفت دُرّ خزینه گلمدی
اولدی خرابه مدفنی حقّی بکادور عمّه جان
بوردا دگلدی بیزلری سالدیلار ات قباقینه
بوردا دگلدی ناله میز یتدی سپهر طاقینه
ایمدیده عمّه هر کسون خار باتوب ایاقینه
سوزشی وار سیزیلدوری آبله پادور عمّه جان
بوردا دگلدی اودلانوب آتش ظلمیله خیم
بوردا دگلدی غارته گیتدی سرادق حرم
قاچدیلا قورخودان چوله جمله بنات محترم
بو یر همان مکاندی چوخ غصّه فزادور عمّه جان
بوردا دگلدی باجیلار تاپدی یارالی قارداشین
بوردا دگلدی نیزه ده گوردی آنا اوغول باشین
آه چکوب توکردیله بس که بو چولده گوزیاشین
غم گتورن بو گون همان آب و هوادور عمّه جان
(صافی) قصور خدمته گرچه مُقرّدور اوزی
نقد شفاعت آختارور باب کرمده دور گوزی
بسدی بو نوحه دن فقط اولسا قبول بو سوزی
مدّ نظرده جلوه گر نور خدادور عمّه جان
شاعر : مرحوم صافی
نوحه واشعاری درموردشهدا و اسرای کربلا