زبانحال حضرت فاطمه زهرا (سلام الله)

ام الائمه فاطمه خاتون کاینات

شیرخدایه سویلدی کای مایه حیات

تا مرکز بلایه گرفتارم آغلارام

قالو بلایه نقطه پرگارم آغلارام

هرصبح و شام منشی ماتم سرا کیمی

سررشته دار دفترو طومارم آغلارام

خون جگر مدادیم اولوب کپریگیم قلم

ماتم نگار احمد مختارم آغلارام

بیت الحزنده یوخدی یوخوم آه و ناله دن

شب تا سحرفغانیله بیدارم آغلارام

اهل مدینیه نه گلوب داده گلمدی

من بیکس و پناهیله بی یارم آغلارام

افغان منیمدی آه منیم گوزیاشی منیم

جانان یولوندا جانیمه بیزارم آغلارام

ازبس آتام وصیتینه ایتدیلر عمل

شرمنده مهاجر و انصارم آغلارام

یاندوردی بیرقاپونی که آچموشدی جبرئیل

بو ظلمیدن مدینه ده من خوارم آغلارام

هم یانماقیم هم آغلاماقیم واردی بلمورم

پروانه یا که شمع شب تارم آغلارام

باغلاندی اللری یعنی یدالله ذوالجلال

آماج تیر طعنه اشرارم آغلارام

گلزارنینواده هزاران نوائیله

من خاکسار (خاکی) خونبارم آغلارام

شاعر : مرحوم خاکی کرمانی

منبع : کانال گنجینه گذشتگان