متن و دانلود نوحه های ترکی و فارسی جدید

زبانحال حضرت امام حسین (علیه السلام) در شهادت حضرت علی اکبر (علیه السلام) ایستدیم افلاکه بیرده آه و واویلا سالام بیر جوان ناکام ویروب جانانه، کام دل آلام من باخوردوم قان ایچینده ال ایاق چالدی بالام آخدی گوز، چیخدی بدندن جانی گلدیم گل باجی گورموشم چوخ داغ لر، یورقوندی جانیم، خسته ام سن بولورسن من نقدری اکبره دلبسته ام اوغلومون جانی چیخوب، اما اوزوم جان اوسته ام صبریمه حیران قویوب دنیانی گلدیم گل باجی گلمسیدون خیمه دن سن ای باجی افسرده حال نعشی اوستوندن دوروب سالم گلیدیم من، محال گلماقون میدانه ائتدی رفع حال ارتحال تازه دن بیر ساعتین مهمانی گلدیم گل باجی حالیمی آنلار منیم رخساریمه هر کیم باخار یاندیرور آهیم اودی بو کون و امکانی یاخار بو منیم قانیمدی جسم زخمداریندن آخار بیر گون اوز اوغلوم آلور بو قانی گلدیم گل باجی اوندا که تاپدیم عزیز جانمی جان اوسته من یدی دفعه وای اوغول وای سسلدیم من جمع ایدوب اوراق اولان گلدن باجی بیر دسته من ارغوانی، صورتی، حمرانی، گلدیم گل باجی من باخوب بو نوجوانه یانمشام، دشمن گولوب جسمدن چکدوقجا اوخ نه چکمشم الله بولوب گوز یاشیم قویمور گورم، گور نفس وار یا ئولوب؟ وار یری لیلانی مجنون ایتسه افغانیم باجی   در احوالات حضرت علی اکبر (علیه السلام)   شه آلدی خیمه ده شهزاده نون سسون، گلدی   نه حالیله؟ نجه بو نطق بوردا لال اولماز   وقار معدنی، شه، رزمگه دولی دشمن   بو یرده لنگ نجه توسن خیال اولماز   اوزون آتا یره آتدان، دیزی دیزی سورونه   ندن بو عالم ایجاد پایمال اولماز؟   جوان اوغول باشین آلدی قوجا آتا دیزینه   گوروب حیاتینه قالماقه احتمال اولماز   اگیلدی قویدی یوزون شاهزاده نین یوزونه   الف قدی نجه گور مثل حرف دال اولماز   او آق محاسنی نی قانیله خضاب ایلدی   ایله خضاب، ایله عالی رنگ آل اولماز   باسوب اوغول باشینی اودلانان اورک باشنا   گوروب او شعله بو قیمتله اعتدال اولماز   اوجا سسیله دئدی یدی دفعه وا ولدا   بو ناله نون سبب سرینه سوال اولماز   ایله جوانی الیندن گیدن آتا، آیا   وقارینی ویروب الدن فسرده حال اولماز؟   دئدی سن اولدون علی هم و غمدن آزاد   اورکده سن گیده سن محنت و ملال اولماز   ولیک قالدی آتان دشمن ایچره فرد و وحید   هدایت حقه طرف، لشگر ضلال اولماز   آتا بالانی چوخ ایستردی بیر دانشدیرسون   گوروب و لیک اوغول قادر مقال اولماز   یغوب عبایه داغیلموش جنازه سین، گوردی   جنازه اوزگه طریقیله انتقال اولماز   دئدی جوانلارا اکبر جنازه سین گوتورون   بیله بیر امره مگر فوراً امتثال اولماز؟   حرمده سس دوشوب اکبر جنازه سی گلدی   آناسی لیلیده گور حال ارتحال اولماز؟   آناسی دوزدی، ولی چخدی عمه سی حیران   اگر چه عصمت حق، منظر رجال اولماز   امام گوردی حیا سد راه لیلادی   دئدی بو مرحله ده شرم و انفعال اولماز   اوغول جنازه سی اوسته آناسی اوخشماسا   عزانون عزتینه نقص اولار، کمال اولماز   ستاره تک، گوره مه پیکر اوغلونون یوزونی   آنا قدی نجه گور ضعفدن هلال اولماز   دئدی که ای فلک حسنده ایشیلقی گونوم   نه تز غروب ایلدون؟ بیله تز زوال اولماز   نجه زمانه ده عمروم گلی، گولر سن سیز   که باغ عمریمه سندن صورا نهال اولماز   بو فخر بسدی که یتدی قبوله قربانیم   مگر بو فخره عوض رنج ماه و سال اولماز   توجه اولماسا اول شاهزاده دن (شانی)   ضعیف جسمده بو نطق و بو مقال اولماز   شاعر : مرحوم شانی   شجاعت حضرت امام حسین (علیه السلام)   بولون ای لشگر اعدا، که حسنیم بیله انوردور   جمال انوریمده سوره والشمس مضمردور   یوزیمدن کسب نور ایلر منیم مهر جهان آرا   ویرن بو عالمه ظلمت، بو تار زلف عنبردور   یازیلمش آیه نور، آیه آیه بو رخ پاکه   قلم قاشیمده، نون والقلم، عیناً مسطردور   تاپار شهلا گوزیمدن جلوه، باخدوقجا هامی گوزلر   گوگل ملکین ایدن چون محو، بو سرو صنوبردور   الیمده سوره انا فتحنا، ثبت دور یکسر   که دعواده بو ال، چون حیدر کراره مظهردور   صباح اولماز اگر چاک گریبان ایتمسم هرگز   ایدن صبحی شب یلدا، بو گیسوی معنبردور   قیامت قامتیمدن بیر علامتدور، قیام ایلر   بو گون سرو قدیم، قانه باتسا روز محشردور   منه کیمدور برابر عزت و شان و شجاعتده   آتام شیر خدا، جدیم رسول حی داوردور   آتامدور حیدر کرار ، جدیم احمد مختار   اوزوم پیغمبره بنذر، آدیم شهزاده اکبردور   نه باکیم وار بو دریا تک قوشوندان ایتمرم پروا   یانمدا یادگار مرتضی، تیغ دو پیکردور   گوتورموش ال دعایه خیمده بی کس آنام ایمدی   دعا ایلر الهی اکبریم بی یار و یاوردور   چکم گر نعره الله اکبر، قان اولار باغروز   الیمده تیغ برانیم، بولورسوز مرگ احمردور   بو گون هر کیمسه نون وار جرئتی، میدانیمه گلسون   بروزه ویرسون اول کیمسه که عالمنده هنروردور   اوزوم بیر تک جوانم، بیر بیله لشگر، چکوبسوز صف   جسارت یوخ بیروزده، بو نه کثرت نه لشگردور؟   کیمون وار شوق دعوا، ایمدی دعوا وقتیدور گلسون   دایانماز روز هیجا، هر او کس، مرد دلاوردور   ئولومدن یوخدی باکیم سیز بولون ئولماقه مشتاقم   یولومی گوزلین جنت آرا، جدیم پیمبردور   بو گون قیلام فدا بو تشنه جانی، شاه بطحایه   بو باش بو جان، فدای اول شه بی یار و یاوردور   بابام یالقیز قالوب ایمدی گلوب افغانه قان آغلار   اولوب (غمناک) مندن اوتری بالله دیده سی تردور   شاعر : مرحوم غمناک   در احوالات حضرت علی اکبر (علیه السلام)   گیدیردی اکبرینه کفن سویلدی اوغول   گل اولماسان، بو عرصه گلگون قبا ندور؟   گتدی ئولوم ایاقینه تاپشوردی قاتله   بیلمم که عشقدور بو؟ محبتدی؟ یا ندور؟   یوز دوتدی اهل کوفیه کی قوم تیره دل   یاخشی باخون بو آیینه مصطفی ندور؟   جدیم شبیهی، قلبیمین آرامیدور منیم   بونسوز منیم گوزومده کی نور و ضیا ندور؟   اما بو گون محبتمه مقتضی بودور   قربان ویرم حبیبمه مندن ابا ندور؟   باشدان ایاقه دوغرانا گل جسمی راضیم   گر اولماسا قضایه موافق رضا ندور؟   هم من راضیم، هم آناسی، هم اوزی رضا   رد و قبول ایچون گوراخ امر قضا ندور؟   سیزده چکون قلجلاری قربانمی کسون   دوغرانماسا تیکه تیکه اعضاسی تا ندور؟   وورساز نقدری یاره دئمز اف، اینجمز   مست می محب دی، بولمز یارا ندور   فکر ایتمیون که حسرتی وار، کامه یتمیوب   خنجر دمینده اولماسا کامی روا، ندور؟   باخمون آناسی باش آچوب وای اوغول دئر   حسرتله اوغلون اوخشماسا گر آنا ندور؟   سو ایستسه اگر، سو کیمی قانینی توکون   اوز قانین ایچمه سه سو یرینه فدا ندور؟   ذبح ایلینده سسلیون اما اوزوم گلوم   قربان ویرن گر ایتمسه ختم دعا ندور؟   قان ایچره ال ایاق چالا، منده الین دوتام   تا قبلیه چوورمسه اوغلون آتا ندور؟   عهدیم دی جان ویرنده قوجاقیمده جان ویره   جان ویرمسه آتا قوجاقوندا بالا ندور؟   قانی گرک محاسنیمی ایلسون خضاب   بیر بیله گونده قانیدن آرتوخ حنا ندور؟   (ذهنی) دارخما شغلون اولوب نوحه صبح و شام   محشرده آنلاسان که بو نوحه نوا ندور.   شاعر : مرحوم مشهدی علی اصغر ذهنی   احوالات حضرت علی اکبر (علیه السلام)   سالدی یولا دالنجا دئدی شاهد اول خدا   بیر قومه کیم پیمبریله کارزار ایدر   گچدیم سنون یولوندا بیله مه جبیندن   عهد ازلده عهد ویرن، پایدار ایدر   دوتدی یوزین او قومه گلون اکبریم گلور   باشدان گچوب حسینه ایثار ثار ایدر   گیردی کمند عشقه غزال حرم، ولی   صیادی گور غزال حجازی شکار ایدر   گر ایستیه کمنده خطا اهلنی سالا   چین چین کمند سلسله سین تابدار ایدر   عزم ایتسه تار و مار اولا، عالم النده دور   گیسوی مشکباری یوزه تار و مار ایدر   قدی سنان، کمان قاشی، مژگانلاری خدنگ   بیر گوزلرین دولاندورا یوز مین شکار ایدر   اما اوزی شهادته شایقدی قلبدن   شوق لقای حضرت پروردگار ایدر   هر قدر جسمینه یارا وورساز قبولیدور   هر چند سوزشی دل لیلایه کار ایدر   باک ایتمیون علی کیمین باشین قلجلیون   تاج شرف باشندا اولان افتخار ایدر   گر جوی خون ایچینده دوشه سرو قامتی   سرو سهی بلی هوس جویبار ایدر   طالبدی بسکه تیره تراب اوسته یاتماقا   درویش حق طلبده اوزین خاکسار ایدر   باشین دئون سنان بیر اوجا نیزیه وورا   گون بیر جدا بویی اوجالا اشتهار ایدر   هر جور و ظلم ایستیه سوز بیشمار ایدون   حق حق انتقامینی یوم شمار ایدر   ای ذوالفقار صاحبی، مولا، ظهور حق   تا کی عیون منتظری انتظار ایدر؟   یرده نه وقته تک قالاجاق قانی اکبرین؟   بو انتظاره صبر، نجه روزگار ایدر؟   بیر ذره جه شعوری (حقیرین) اگر اولا   ترک ایلمز بو شغلی همیشه شعار ایدر.   شاعر : مرحوم حقیر خوئی   زبانحال حضرت امام حسین (علیه السلام)   در بالین حضرت علی اکبر (علیه السلام)   ای فلک وجاهته صورتی آفتاب اوغول   حالتوی گورن کیمی قالمادی منده تاب اوغول   ای هامی بیر صفاتده احمدمرسله مثال   هانسی جواندا سن کیمی واردی بو حُسن و بو جمال   بیله باخیش بو قاش بو ‌گوز بیله روش بو خطْ و خال   حُسن جمالیون اولوب والهی شیخ و شاب اوغول   یاده سالاندا جدّیمی گوگلیمی دولدوراندا غم   منده باخاردیم عارض ماه مثالوه او دم   زایل اولوردی یکسره دلده اولان غم و الم   ایمدی بابام فراقنه قلبیم اولور مصاب اوغول   گورمه دیلر سپاه دون جدّیمه بنذوری یوزون   یاکه نشان بو لشگر باطله ویرمدون اوزون   نازیوه یوخ داخی دوزوم ایلمه ناز آچگوزون   موسم هجر وصلدن قیل منی کامیاب اوغول   قان قورودوب آچیلموری نرگس مست می پرست   یا هَلَه وار علامت نشهٔ بادهٔ الست   جدّیمون عطریدور اوغول بیله سنی ایدوبدی مست   یا که آلوبدی هوشوی باشدان او‌جام آب اوغول   قلبون ازل گون عشقدن آگه عشقدور علی   سال منی گوزدن آچما گوز بو ره عشقدور علی   یات قوری یرده نازیله خوش ره عشقدور علی   قرمزی قان حریرینی فرش ایله رختخواب اوغول   نه بیله گلستان اولور نه بیله عالی بیر چمن   نه بیله بوستان اولور نه بیله سرو نه سمن   نه بیله گل خزان اولور نه بیله پاره پاره تن   نه بیله امتحان اولور نه بیله انتخاب اوغول   نالمی سن ایشتمیسن یا که دگل بو سس تانش   یوخسا تانش سسین آلان کیمسه گیدر بیله یانش   روحیمون عشقی وار سنون نطقوه منله بیر دانش   بیرده ادب یولیله ویر اوز آتاوا جواب اوغول   ایستدی چرخ قاسمون قالماسون عیشی ناتمام   جسموی ایتدی بیر طبق گل کیمی زینت خیام   نغمهٔ شور نالیه دل هانی ایلسون دوام   دلده مگر توان قویار زمزمهٔ رباب اوغول   ائیلموسن علی عجب وجهیله زینت وجود   قرمزی قان بو آق کفن یاخشی دوشوبدی خوش نمود   زلفون عبث بویانمیوب قانیله بیله خود بخود   محضره یاره عزم ایدن خوشدور ایده خضاب اوغول   نه چکر ایمدی خیمه ده یولدا گوزی قالان بنات   خاصّه غریب آناندا وار من کیمی حالت ممات   بولسه سنون بو حالوی زینب فاطمه صفات   شرق خیامدن چخار گون کیمی بی حجاب اوغول   شوقدور آغلادان منی اشگیم اولور یوزه روان   چون ره حقده ویرمشم سن کیمی بر گوزل جوان   گرچه جوان اوغول داغی هر آتادان آلور توان   لیک کدر یولیله من توکمرم اشگ ناب اوغول   کیم بولوری نه اشگدور گوزده کی بو پیاله ده   کیم بولوری نه نکته دور وار نه سبب بو ناله ده   کیم بولوری نه داغدور قلب لطیف لاله ده   کیم بولوری نه شوقدور دلده نه اضطراب اوغول   ویرسم حبیبمه فداسن کیمی مین جوان اوغول   قلبیمه آرتورار فرح ذرّه جه اولمارام ملول   فخر ایدرم فدالریم هر نئیدی ایدوب قبول   آیهٔ ذبحی گوندرن خالق نُه قُباب اوغول   «شأنی» حسینی لر بو ائیل بیله ایدوبله اتّحاد   جمله مریضه خاصّه بیر نچّه نفر دوتوبالا آد   ایستیلر شفاسینی اوردا سنی ایدلّه یاد   سنده آتا دلینجه یاز بیله گوزل خطاب اوغول   شاعر : مرحوم حسین شانی تبریزی   زبانحال حضرت امام حسین (علیه السلام)   به حضرت علی اکبر (علیه السلام)   عالم وصلیده ای گوزلریمون نوری اوغول   بیرده گل نطقه دانشدیر من مهجوری اوغول   ای غزال حرم ای حسن وفا کانی فتی   گورمیوب چشم ختن سن کیمی آهوی ختا   هانسی صیّاد خطا کار ایدوب بیله خطا   سنی صید ایتماق اولوب ظلمیله منظوری اوغول   ای گوزل گوزلری رشگ نگه مست غزال   بو باخوشدا اولا آهوی خطا چشمی محال   نجه خونریز ونه دل سختیدی بو قوم ضلال   دولدوروب قانیله بو نرگس مخموری اوغول   ایسته دی اوغلونی قربان ویره جانانه خلیل   اولمادی لایق قربانگه حق اسماعیل   بو مقامه سنی زیبنده گوروب رب جلیل   یازدی سن ذبح عظیم اسمینه منشوری اوغول   ایستورم پیکروی حمل ایلیم خرگاهه   باخورام بنزوری اوراق کلام اللهه   قورخورام لیلینی همدم ایده داد وآهه   گورسه بو نحویله بو مصحف مسطوری اوغول   دگمه موش تیغ و سنان گول بدنینده هارادی   باخورام گول کیمی باشدان باشا جسمون یارادی   ایندی بو زلف پریشانوی لیلا دارادی   بویادی قانیله کیم لوء لوء منثوری اوغول   قلبیمون بندینی قیردی اثری بیر یارانون   قلبینون بندی قیرولسون بو وتینی قیرانون   گیده گوزدن گوزونون نوری بو خنجر ویرانون   واریموش قولدا نه اندازه مگر زوری اوغول   آناون گوزیاشینی یوخسا بو غم خون ایتمز   ذکرینی وا ولدا قلبینی محزون ایتمز   خانۀ صبرینی غم لشگری داغون ایتمز   اولماز عالمده مبدّل اَلَمه سوری اوغول   ای وجاهتده وران طعنه جمالی آیه   دوشسه مجنون کیمی لیلا یری وار صحرایه   بو عراق اهلی مذمّت ایلمز لیلایه   نینوا دشتنی دولدورسا اگر شوری اوغول   جانیوه آندولا اولدوم دیرلیقدان ایله سیر   راضیم باشوون اوستونده بوکفار شریر   ویرالار قانه دونن قلبیمه اوچ شعبه لی تیر   آچالار دلده اولان عقدۀ مستوری اوغول   سنسیز عالمده هامی فکریمی باشدان آتارام   منده گللم بویولی سنکیمی قانه باتارام   تا جهان وار علی بیر قبریده سنلن یاتارام   تا بالام قائم آلا بو بودَمِ موتوری اوغول   دیزیمون طاقتی روحیم وَلَدی یا وَلَدی   هانسی ظالم بو گوزل جسموی قانه بَلَدی   سنی اُولدوردی آنان باشینه توپراق اَلَدی   قویدی زلفون کیمی آشفته او رنجوری اوغول   شاعر : مرحوم حسینی سعدی زمان   وداع حضرت علی اکبر (علیه السلام)   گل عازمم قتاله آنا آزدی فرصتیم   چوخ ساخلاما یول اوسته یوخومدور فراغتیم   احسان ادوب مریدینه بیر باده پیر عشق   مخمور ادوبدی نشئه جام شهادتیم   ایله ادوب دی مست می شوق وصل یار   دیدار یاریدن سورا یوخ اوزگه حاجتیم   من تشنه ی وصال نگارم بو دشتیده   آب فراته ذره جه یوخ میل و رغبتیم   امر ایلیوبدی سیر‌ سلوک ایلیه ام بو گون   گودال قتلگاهیده پیر طریقتیم   ملبوس ادوب بابام منی بو آغ لباسیله   تا لایق نگار اولا اگنیمده خلعتیم   سنده رسوم دهریله زینت ور اوغلووا   سال نظمه زلف پیچ و خمی آرتا زینتیم   ای هاجر محبت صحرای کربلا   اسماعیله بو دشتیده وار افضلیتیم   کوه منایه گتدی او، ساق گلدی هاجره   اما منیم خیامه داها یوخدی رجعتیم   گوزلور دوباره ساقی عشق الده جام می   مدهوش اده خمارینی پوزقون دی حالتیم   بو کثرتیله دشمن دون الده تیغ کین   قانیله سعی ادور بزنه بزم وحدتیم   کربو بلایه غبطه ادر زمزم و منا   قربان کیمی بولونسه سوسوز سرو قامتیم   سیل سرشک اشکیوی رخساره باغلاما   ییخسون مباده قلبون اوین درد فرقتیم   خرمن کیمی داغیتما یوزه تار زلفیوی   قویما پوزا خیالیوی اندوه و محنتیم   گورسن جنازمی داغیلیب اتمه شور و شین   فکر ایله گل آچوبدی بدنده جراحتیم   بولمور مجازه طالب اولانار حقیقتی   اهل دله مطاف اولاجاخ قانلی تربتیم   صراف عشقه بذل ادورم جان مطاعینی   سوق وفاده ارجه یتر قدر و قیمتیم   وردیم طلوع صبحیده مخیمده بیر اذان   قان دجله سی منیم اولا محراب طاعتیم   ای شاهزاده بیر یوزی قاره غلاموزام   عبد خدا آدیمی آقا اصلی شهرتیم   هر سطر دفتریم دولی جرم و خطائیله   وار قبریدن او دور که بیله خوف و وحشتیم   سیز خانوادیه گوزومی تیکمیشم فقط   مقبول درگه اولسا بو ناچیز خدمتیم   شاعر : حاج عبدالله اصلی   احوالات غدیر خم   جان می سرای عشقیده جانانه آختارور   گویا که عندلیبدی ریحانه آختارور   عنقای دل پر آچدی گینه آشیانه دن   آگاه اولا سرائر پنهان لانه دن   بل مست مست اولا می ماکان و کانه دن   قاف بلاده روحینه کاشانه آختارور   طوبی که مستدور می سرخ پیاله دن   صهبای سرخ اشارت ایدر استحاله دن   علت اودور که عقل سلیمیم حواله دن   نیروی عشقی هیکل ایمانه آختارور   فقر عالمینده محرم اِلّای مرحبا   محو تشعشعات سویدایه مرحبا   عشق عالمینده عاشق مولایه مرحبا   میخانه دن چیخوب گینه میخانه آختارور   رمز سلوک سالکه فرزانه لیقدادی   لذت نگاره یاریله همخانه لیقدادی   عشقین صفاسی عاشقه دیوانه لیقدادی   دیوانه دل اودور دلی دیوانه آختارور   نام علیدی اعظم الاسماء کبریا   عشق علیدی عاشقه گنجینۀ بلا   دیوانۀ علیده دی بیر درّ پُر بها   مخفی ایده او گوهری ویرانه آختارور   سیمرغ دل دوباره چیخوب سیره لانه دن   آگاه اولا رموز خفیّ یگانه دن   واردور غدیر خُمدا نشان آب و دانه دن   خضره ویروبدی آبی ولی دانه آختارور   موّاج اولوبدی بحر هویّات ذوالجلال   لامع هویتینده تجلای ذی جمال   طبع روان جمیلیدن اولموش ذوی الکمال   بیر نقطه عطف نقطۀ پایانه آختارور   واردور الیمده ساغر گلگون مرتضی   ساغر ؟ نه ، جام جهان بین اولیا   صد مرحبا پیالۀ گلرنگ آشنا   خلوتسرای جامده خُمخانه آختارور   زیت ولائلن دل پُر نور مشتعل   انجم تشعشعات دلیمدندی منفعل   عشق علی ایدوبدی منی بت پرست دل   صحن و سرای عشقیده بتخانه آختارور   مشکل گشا مسبّب الاسبابدور علی   سرحلقۀ مدبّر اصحابدور علی   شمع طراز محفل احبابدور علی   عشق عالمینده خرمن پروانه آختارور   مولی علی یقین تاپار یار عشقینی   پودِ دله ویرار گره تار عشقینی   الده دوتوبدی ساغر بیمار عشقینی   دارالشّفاده گؤر نه طبیبانه آختارور   روح سلام جلوه ده دارالسّلامده   دارالسّلام جلوه ائدر کام جامده   عشّاقه واردی لذتی شُرب مدامده   شُرب مدامه دل اودی پیمانه آختارور   پیمانه دن گؤروندی دله شاهراه عشق   شَهراهده عیاندی دو صد خانقاه عشق   مأمن ائدوبدی منزل دوّمده شاه عشق   شَه منزلینده روحیم اودور خانه آختارور   روحیم تاپوبدی خانه دل خانقاهده   عشقین شراری اولدی عیان پادشاهده   یوخدور بو شعله مشعلۀ صبحگاهده   بیله شراری مه دل سوزانه آختارور   بیر خانقه که خانقه مرتضی علی(ع)   اوردا تجلیات خداوند منجلی   اعلام ائدور محمّد(ص) علینی حقه ولی   دید فلک بو محفلی جانانه آختارور   وادی غدیر خمّ دیار تجلیات   ینبوع آب خضره وئرن جوهر حیات   بیر جوهری که جوهرۀ شعشع ذوات   اول جوهری خضر لب عطشانه آختارور   اولدی عیان غدیرده بیر طور موسوی   موسایه وار بو طوریده انوار معنوی   عیسی اولوبدی موسوی موساده عیسوی   مریم مسیحی بزمده مستانه آختارور   قلب محمّد (ص) عربی شیشۀ شفیف   نور ولا زجاجه ده بیر مشعل لطیف   نور ولا نبوتیله اولدی تا لفیف   بیر آینه ولایت رحمانه آختارور   احمد احددی عالم وحدتده لاکلام   میمی اولوبدی عالم کثرتده دال و لام   بی لام اولار رسا قد دل دال والسّلام   لامی اودور که دال دل و جانه آختارور   دال عالم تکثر و لام عالمه ولی   یعنی که مرتضی ائلییوب عالمی جلی   یا مظهر العجائبُ یا مرتضی علی   اشیاده عشقیوی دل ارکانه آختارور   ابلاغ اولوبدی آیۀ بَلّغ پیمبره   دوتودی سکوت عالم امکانی یکسره   تشریف آپاردی احمد محمود(ص) منبره   حورا خباط منبری مژگانه آختارور   جبریل غرق اولوبدی او دم نور ایزده   عرض ارادت ایلییه بیرده محمّده   شهپر آچوبدی سایه سالا رأس احمده   هر لحظه لحظه خدمتی جانانه آختارور   خورشید سسلنوبدی که ای پیک ایزدی   چک شهپرون زیارت ائدوم نور سرمدی   رخسار مرتضانی جمال محمّدی (ص)   مه نورینی دو دیدۀ تابانه آختارور   ذرات عالمین تعجّبده یکسره   عالم باخور جمال منیر پیمبره   پیغمبر خداده باخور چهر حیدره   عطشان عشقی ساقی مستانه آختارور   حجّاجی قبض ائدوبدی رسول خدا او دم   بعد از خطابه احمد محمود ذوالکرم   فرمایش ائتدی هر کیمه اولی به اَنفُسَم   نور دگر تیقّن اعیانه آختارور   اولی' به نفس اهل ولایتدی ، مرتضی   خلاق ذوالکرم بویوروب ای رسول ما   مولی علی ولایتیدور قلعۀ خدا   مؤمن اودور که نورینی ایقانه آختارور   انصار فیض آپاردیلا فیض حضوردن   ملمع اولوبدی دللری نور ظهوردن   مسرور اولوب ملائکه اهل سروردن   حتی بو نوری قالب بیگانه آختارور   بیعت ایدردی هر بیری ساقی کوثره   جبریل صیحه ویردی که احسنت حیدره   بو سس یتوب مدینه ده زهرای اطهره   چوخداندی بو صدانی او دُر دانه آختارور   گولدی خانم فراز الییوب باب صحبتین   اظهار ایدوبدی دلده کی مولی محبتین   مژده ویروبدی فاطمه مولی ولایتین   راه وصول خسرو مردانه آختارور   زینب ایشیتدی مژده نی شوقیله آغلادی   بند کمر مشایعت بابه باغلادی   عشقیله مجتباده حسینی قوجاقلادی   فضه سکوت دلده کی طوفانه آختارور   سامان ویرردی فاطمه گلزار ایزده   چشم انتظار اولاردی قدوم محمّده   بیرده یته محمّده داماد احمده   وصل علینی احمده ریحانه آختارور   شکر خدا ایدردی خانم شکر بی عدد   ذکر ایلییردی ذکرده سسلردی یا احد   ذکرین جلی ایدنده دبیوب یا علی مدد   ذکر علینی فاطمه سُریانه آختارور   سس دوشدی یثربه که رسول خدا گلور   یعنی که قبله قبلییه قبله نما گلور   بیر قبله مصطفادی بیری مرتضی گلور   قبله بو قبله شعشعه سین جانه آختارور   اهل مدینه چیخدیلا پیشوازه یک دله   حجّاج تک ایدردیله انصار هَروَلَه   سیمرغ عشق آچدی پَرین دوردی قافِله   سیمرغ قافده دله بیر لانه آختارور   پیشواز ایدنلری حسنین ابتدی سرفراز   حجّاجی ایلسونله سماعیله پیشواز   یاشیل علم قاباقدا گتورموشدی اهل راز   پرچمده بوی احمدی تُرکانه آختارور   چاووشلار قاباقدا چکیر عزّتیله جار   کوی نگاردن گلوری شهریاره یار   چشم حسوده صحبت چاووش اولوبدی خار   تیر دگر اراذل عدوانه آختارور   مهر نبوّت ایتدی طلوع دلده یا احد   گون گون دالینجا پرده سینی ایلییوبدی رد   مولانی کیم گؤروبدی دیدی یا علی مدد   مؤمن ره وفا دل پیمانه آختارور   امّا حسن عذراینه گؤز یاشی باغلادی   پیغمبری قوجاقلادی شوقیله آغلادی   مولا علیده قاچدی حسینی قوجاقلادی   بولدی حسین آتاسینی تُرکانه آختارور   عرض ایتدی یا اَبَه سنه جانیم اولا فدا   زهرا آنامدا عرض سلام ایلییوب بابا   زینبده گؤزلوری یولون ای میر مقتدا   بیمار عشقدور سنی درمانه آختارور   بیعت ایدوبدی حیدره هر پیشواز ایدن   فرمایش ایتدی حیدره محبوب ذوالمنن   زهراده منتظردی سنه یا ابالحسن   آخر سنی او سیّده نسوانه آختارور   انصار غرق اولوبدلا دریای رحمته   پیغمبری گَتوردوله باب نبوّته   مولی علینی گتدیله باب ولایته   دریای علم علی دُر یکدانه آختارور   دُویدی او دم یانان قاپینی شاه کربلا   شوقیله سسلنوبدی که گل گل آنا آنا   قبله گلوبدی قبلییه ای قبلۀ حیا   بو قبله نی فلک سر کیوانه آختارور   شخصاً گلوبدی فاطمه تا ائتدی فتح باب   مَه گؤردی درگهینده دوروبدور اوچ آفتاب   بی تاب اولوبدی تابدن اُول ماه ماهتاب   مه شوق وصله دیدۀ جانانه آختارور   به به گنه خدا یتوروب یاری یارینه   مخمور یتدی ساقی گلگون عذارینه   ساقی گلوب صبوحی ویره اؤز خُمارینه   گلگون شراب وصلینه پیمانه آختارور   عرض ایتدی یا ابالحسن ای نور منجلی   سن سن وصیّ ختم رسل والییه ولی   یا مظهرالْعجائب و یا مرتضی علی (ع)   زهرا سنی بو لؤلؤ مرجانه آختارور   گل گل عم اوغلی سن منه نصرت پناهسان   پیر دلیلیوَم منه سن پیر راهسان   سن سن ولی صفات حقه جلوه گاهسان   بوذر لقای عشقیوی سلمانه آختارور   زینب گلوب او دمده اولوب غرق مرتضی   وجد تمامیلن دیدی خوش گلمیسن بابا   آغوشه آلدی زینبی سسلندی جان بالا   فضّه گؤروبله عشقینه لوشانه آختارور   بیر گونده گلدی فضّه چیخوب دودمانیدن   گؤردی لهیب ظلمی بلند آستانیدن   گل فضّه گوئیا گلوری دلستانیدن   راه علاج محسن القانه آختارور   سسلردی فضّه گلشنیمیز گل تالاندی گل   سینم بسان قلب علی پارچالاندی گل   باشدان ایاقه پیرهنیم قاندی قاندی گل   دل صبر ایده طلیعۀ مردانه آختارور   اشکیم آخور و لیک سوزوم عاشقانه دور   ایّام عیددور که سرشکیم بهانه دور   میلیم ولی بو یرده می ارغوانه دور   دل ، نصف شبده نعرۀ مستانه آختارور   کوی نگار عشقیده مستانه دورموشام   خلوتگه حسینیده من خیمه قورموشام   گویا که خیمه ، خیمه گه یاره وورموشام   درویشلر مقامیمی شاهانه آختارور   درویشلر خِیام ویرار باب شاهده   وار تاج و تخت سلطنتی جلوه گاهده   (شبگیری) شاه ، شاه ایلیوب خانقاهده   لیکن مقام جمعی غریبانه آختارور   برگرفته از کتاب آه   شاعر : استاد شبگیر تبریزی   زبانحال در راه شام   ای عشقیله مبهوت ایدن خلق جهانی   تفسیر ایدن عالمه اسرار نهانی   سکّانِ سماواتی سالان حیرت محضه   مستغرق ایدن بحر بلایاده بلانی   وی قانلی باشی زمره ی ِ ارواح مَطافی   مبهوت قالوب عرشیده جمع صُلحانی   بو نیزه دی یا نخله سینادی کلیمه ؟   ترجیح ویروب جنّته موسی بو فضانی   بیر ترجمه دور قانلی باشون دینِ مبینه   اَعما نه بولر ترجمه یِ نوکِ جدانی   قرانیدی قران اوخیور نوک جداده   تفسیر ایله ای مصحف ناطق عَجَبانی   یوخ گوش ِکر ِ اهل ذلالتده لیاقت   شاد ایلوری بو لحنِ حجازی اسرانی   جانلار اولا اول نهضت خونینوه قربان   اهلِ دله کعبه ایلدون کرب و بلانی   دریای کرمسن ، کرمیندن سنون حتی'   نازلی بالاوین قویمادون آخسون یره قانی   اوجوندا آخان قانی دوتوب گویلره سپدون   باشدان باشا زینت ایلدون عرش خدانی   مامور ایلدون منده گِدم بزم شرابه   منکوب ایدرم بزمیده جمعِ سفرانی   شامات منه بِئر ِ علم من اَسداللّه   زینبده حمایل ایلیوب تیغ دو تانی   عِرق اَسدالّله گلوب منده خروشه   سن باخما که غم ، قدّیمی ایلوبدی کمانی   اهلوندن او یرده نگران اولما حسینیم   تسخیر اِیدر آهیله ، رقیّم او مکانی   سن زینبیوه حقدن اوزون ایسته سعادت   شش گوشه مزارینده ائده اشک فشانی   دفنونده گلوب شرکت ایدم اولمادی ممکن   قسمت اولا منده گورم ای کاش او بنانی   صد حیف اوزاخ دوشدی علمدارون اوزوندن   جمع اولدی کنارینده بقیه شهدانییاتدی ایاقون آتدا علی اکبر ادبدن   سیننده یاتوب ، غنچه خونین دهانی   شامه گیدور آردونجا ولی باشی جداده   قان آغلادور احوالی اونون بی کس آنانی   گاهی او باشی اوینادوری نیزه ده لشگر   باخدوقجا ربابین اوجالور عرشه فغانی   گاهی آیرور باد صبا تللری تلدن   اول منظره قلبیندن آلور تاب و توانی   افسوس که چاتمور الی بیر نوکِ جدایه   تا بلکه زیارت ائلیه نازلی بالانی   عهدیمدی حسین طعنه وورام عهد (عتیقه)   بو عهد، نمایان ایلیر، عهد و وفانی   شاعر : استاد طهمورثی (عتیق)   احوالات ورود به کربلا   حجازیدن باجی جان کریلایه خوش گلدون   بو دشت پر غم و پر ماجرایه خوش گلدون   خلیل وارثینین حجی تاپمیوب پایان   منا چولونده نه چون ذبح ایدنمدیم قربان   دیار عشقیده وار فعل عشقیمه امکان   منای عشقه منای منایه خوش گلدون   بو یر که آدلانوب آدی جهاندا کرب و بلا   همان او یردی بو یر ای عزیزه زهرا   بو یردن عرشه اوجالدار حرملر آه و نوا   دیار اوج نوا نه سمایه خوش گلدون   اگر چه ظاهر باطنده دشت پر غمدور   ولیک باطن ظاهرده اوزگه عالمدور   محل اقدس پیغمبران اعظمدور   محل داد و نوا و بکایه خوش گلدون   نیازی یوخدی سالام کل مطلبی یاده   اوزون که واقف اسراریسن ، بو ماواده   آنام بتول گلر عاقبت اوزی داده   دیار مرحمت آشنایه خوش گلدون   دوشر دیار بلایاده مین بلایه باشیم   جدا اولار بدنیمدن گیدر جدایه باشیم   تلاوت ایلیر آیاتی آیه آیه باشیم   صبور اولماقا درد و بلایه خوش گلدون   تجلیات جلالی بو یرده پیدادور   شهید راه حقه گو بهشت اعلادور   حسینیوین یوزی عشاقه چون مرایادور   دیار آینه حق نمایه خوش گلدون   بو یرده راس علی اکبریم اولار منشق   زبان زخم سری دل آچار دیر هو حق   رسول اکرمیله مطلقه اولار ملحق   محل فخر دل لیو و لایه خوش گلدون   بو یرده قاسم شهزاده قانینه باتاجاخ   مرادینه اودا اکبر تک عاقبت چاتاجاخ   آناسی خون دلون اشک چشمینه قاتاجاخ   تسلی دل اول مبتلایه خوش گلدون   بو یرده باغلیاجاخدور سو یولارون اعدا   شجاعت علوی گورسدر او گون سقا   فراتی فتح ایلیر مشکی اوخلانار اما   نگارخانه میر ولایه خوش گلدون   بو یرده حقدی سوزوم یوخدی قیل و قال و مقال   بو یرده آند اولا اللهه ذبح اولور اطفال   بویرده جسمیم اولار جور ظلمدن پامال   آنام باجی بورا عهد و وفایه خوش گلدون   دل عتیقیده وار آرزوی کرب و بلا   ده لطف ایده اونا صاحب سبوی کرب و بلا   دوای دردی اولا خاک کوی کرب و بلا   محبت ایتماقا اهل عزایه خوش گلدون   شاعر : استاد طهمورثی (عتیق)   ورود به ماه محرم   دفع اولور شیعه حسینون ماتمینده هر بلا   آغلا هرگون روز عاشورادی هر یر کربلا   بو حسینون آدینون هرقلبیده تأثیری وار   صاف ایدر هر قلبی چون خاصیّت اِکسیری وا   ذکر اولاندا غصّه دن هر حالتون تغییری وار   آشکارا دور اولوب بو اسمده مضمر بلا   بارالها آددا بو نوعلیه درد آمیز اولور   بیله درد آمیز وشور انگیز مِحنت خیز اولور   ذکر اولاندا اشکیله گوز کاسه سی لبریز اولور   مجلسی چولقار بو غمناک اسمدن یکسر بلا   قید عشقِ حقّیده هرکیمسه پا بست اولمیوب   دام باطلده مقیّد دور او وارست اولمیوب   یا حسین هیچ کس جهاندا سن کیمی مست اولمیوب   می بلا مجلس بلا ساقی بلا ساغر بلا   خون دلدن ایت حسین آدین گویول لوحنده حکّ   قلب صافه ویرمگه تشخیص یوخ بیله محک   بو آدا شکّ ایلیین بی شکّ وار ذاتینده شکّ   ایستسه هرکیم بو آدین صاحبین ایستر بلا   حضرت ایّوب اگر چه اولدی درده مبتلا   یوسفون هجرینده یعقوب ایلدی شور و نوا   شیعه لر شام ایچره امّا برملا دور بر ملا   هیچ پیمبر چکمیوب چون آل پیغمبر بلا   ایتدی شام عورتلری از بس شماتت زینبه   یوز ویروب ویرانه ده یوز درد و مِحنت زینبه   صبر قیلدی گلمدی هرگز بو حالت زینبه   بیر دیسون یارب چکوم تاکی منِ مُضطر بلا   بیر طرفده گوردی بیماره ویروبلار سلسله   باش قویوبدور حلقۀ زنجیره اول سر سلسله   کیمسه یوخ بیر اول مریضین گَردِ رُخسارین سیله   هر طرف دن یوز ویروب بیماریچون بیمر بلا   ایتمیوب یالقیز بلای کربلا غمناک اونی   جسم صد چاک حسین قلموبدی بیردل چاک اونی   قویمیوب بیرهجراکبر دیده سی نمناک اونی   شش جهتدن اوستونه اولموش هجوم آور بلا   بیر گجه یاتدی سکینه گوردی بیر آشفته خواب   اولدی چون بیدار او طفل بینوا با اضطراب   عرض ایدوب نولدی بابام ای عمّۀ علیا جناب   ایمدی گلمیشدی منه مهمان او شاه کربلا   باباسین گوردی او طفل ایلر مخاطب نیلسون   ایتمسون زینب اونا گرکشف مطلب نیلسون   ویرمسون آیا حسین باشین او زینب نیلسون   یارب عالمده اولور بوندان داخی بد تر بلا   چون حسین باشی او طفله زینت آغوش اولوب   اول کسوک باشه باخوب غش ایلیوب بیهوش اولوب   شبچراغ بزم مِحنت گوردوله خاموش اولوب   اهل بیته یوز ویروب اول غمده سرتا سر بلا   حلقۀ زنجیری خلقتدن آچوب آل رسول   حلقۀ ماتم ویروب دوروندا محزون و ملول   عرض ایدوللر غیرتون آیا بونی ایلر قبول   یا علی چکسون بیله بو طفل بی یاور بلا   عاشق و معشوق ما بینینده حایل جسم اولور   بذل جان جانان یولوندا «راجیا» بو قِسم اولور   اسم و رسمی ترک ایدن عالمده صاحب اسم اولور   کچ منیّتدن که اوندان ظاهر اولموش هر بلا   شاعر : راجی تبریزی