احوالات بُشر ابن عَمرو حضرمی (علیه الرحمه)

آللام قلم اله ائدرم عشقه اهتمام

بشر ابن عمرو حضرمیه ایلرم سلام

هر بیر آتا جوانینی جاندان چوخ ایستیر

خاصه اوغول اولا او جوان، پاک و نیک‌فام

عمرون قویوب یولوندا، اونا افتخار ائدر

حال و حیاتی اونلا تاپار راحت و قوام

باخدوقجا قدّینه بالانین افتخار ائدر

قربان اولوم اوجا بویوا سسلیر مدام

تاب ایلمز ملاله دوشه، مشکله دوشه

حتی بو امره دؤزمز اولا اوغلی بیر زکام

سعی ایلیر گؤزوندن اوزاق اولمویا بالا

تئز تئز سراغلیار او دل‌افروزی صبح و شام

درک ایلدیم بو مطلبی البته من اؤزوم

سربازی رختینی گئینن وقتیده بالام

صالح اوغول یقین آتاسین سربلند ائدر

صالح اوغول وئرر آتیا عزّ و احتشام

صالح اوغول آتاسینا پشت و پناهیدور

قلب ملولینه اولار عالمده التیام

بو سؤزلری یازا یازا بیرده گرک یازام

بشر ابن عمرو حضرمیه ایلرم سلام

کیمدور بو بُشر؟ عاشق روی حسینیدی

اولموشدی آستان شه عشقیده غلام

(این شعر نیز به صورت کامل زینت کتاب «انصارالحسین» است.)