ده شهید در یک قاب

یاز ای قلم حسینون آدین صدر دفتره

دلدن دمادم عرض سلام ائت او سروره

قیمت وئرر بو آد ایکی دنیاده سؤزلره

جان و جهانه بذل ائلیوبدور صفا حسین

احرار دهر سسلنر عشقیله یاحسین

باخدیم مرامی گؤردوم او شاهین عیانیدی

محدود اولمیوبدی مکاندا، جهانی‌دی

کهنه‌لمیوبدی، تازه‌لنور، جاودانیدی

سسلر کیم اهل عشقیدی: لبیکَ یاحسین

دور زمانه مشقیدی لبیکَ یاحسین

ای رهروان مکتب طاها بیلون بونی

ای پیروان موسی و عیسی بیلون بونی

ای مردمان عارف دنیا بیلون بونی

چشم تمام مردم دنیا حسینده‌دی

منشور دین موسی و عیسی حسینده‌دی

باخ اربعینده گؤر نئجه غوغا بپا اولور

خیل نُفوسِ عاشقی هاردان هارا اولور

مقصود اهل عشق فقط کربلا اولور

مملوّیدور جماعتیلن اوندا جاده‌لر

چوخلی مسیحی‌لردن اولوبدی پیاده‌لر

 شاعر : علیرضا حضرتی (ناعمی)

(این شعر بصورت کامل در کتاب نفیس «انصارالحسین ع» چاپ خواهد شد.)